A d v e r t i s e m e n t With Us

လျူရှောင်ဘိုသည် လူအများအတွက် အားကျအတုယူဖွယ်ဖြစ်ဟု ကုလ ပြော

ဓာတ်ပုံ - အီးပီအေ
ကွယ်လွန်သွားတဲ့ တရုတ်အစိုးရဆန့်ကျင်သူ လျူရှောင်ဘိုဟာ လူအများအတွက် အားကျအတုယူဖွယ်လူတဦး ဖြစ်နေမှာပါလို့ ကုလသမဂ္ဂက ဇူလိုင် ၁၃ ရက်နေ့မှာ ပြောကြားလိုက်ပါတယ်။ ၁၉၈၉ ခုနှစ် တိန်အန်မင် ဒီမိုကရေစီအရေးအခင်းမှာ ပါဝင်ဆန္ဒပြခဲ့ဖူးတဲ့ လျူရှောင်ဘိုဟာ အသည်းကင်ဆာနဲ့ သေဆုံးသွားတာပါ။ ကွယ်လွန်ချိန်မှာ အသက် ၆၁ နှစ်ရှိပြီဖြစ်တဲ့ လျူရှောင်ဘိုဟာ ၂၀၀၉ ခုနှစ်က ထောင်ဒဏ် ၁၁ နှစ် ချမှတ်ခံခဲ့ရသူလည်းဖြစ်ပြီး မကြာသေးခင်ကမှ ဆေးကုသခွင့်နဲ့ ထောင်ကနေ ဆေးရုံမှာ ဆေးကုသခံခဲ့ရသူလည်း ဖြစ်ပါတယ်။ “တရုတ်နဲ့ တကမ္ဘာလုံးက လူ့အခွင့်အရေး လှုပ်ရှားမှုတွေအတွက်တော့  ကိုယ်ကျင့်သိက္ခာဆိုတဲ့မူနဲ ပြည့်စုံတဲ့ ချန်ပီယံတယောက် ဆုံးရှုံးသွားတာပါ။ လျူရှောင်ဘိုဟာ သူ့ဘဝတလျှောက်လုံး လူ့အခွင့်အရေး ကာကွယ်ရေးနဲ့ မြှင့်တင်ရေးအတွက် ငြိမ်းငြိမ်းချမ်းချမ်း၊ တစိုက်မတ်မတ် မြှုပ်နှံထားတဲ့သူပါ။ သူဟာ သူ့ရဲ့ယုံကြည်ချက်ပေါ်မှာ ရပ်တည်ခဲ့တဲ့အတွက် အကျဉ်းကျခံခဲ့ရတဲ့သူပါ” လို့ ကုလသမဂ္ဂ လူ့အခွင့်အရေးအေဂျင်စီရဲ့ ပြောခွင့်ရအမျိုးသမီး အဲလိဇဘတ်တာရိုဆဲလ်က ပြောပါတယ်။ “လျူရှောင်ဘိုဆိုတာ လူ့သတ္တိနဲ့ လူ့ဂုဏ်သိက္ခာဆိုပြီး အဓိပ္ပာယ်ဖွင့်ရတဲ့သူပါ။ သူဟာ ကဗျာဆရာတယောက်၊ သူ့တိုင်းပြည်အနာဂတ်ကောင်းဖို့ လိုလားခဲ့တဲ့သူ၊ တိုက်ခဲ့တဲ့ လူတယောက်ပါ။ လျူလျောင်ဘိုဟာ ဒုက္ခမျိုးစုံခံစားရပေမယ့် ငြိမ်းချမ်းတဲ့ နိုင်ငံရေးကို စွဲစွဲမြဲမြဲ ကိုင်စွဲခဲ့သူပါ။ လျူလျောင်ဘိုဟာ အရင်ကရော နောင်အနာဂတ်မှာရော တကမ္ဘာလုံးက လူ့အခွင့်အရေး ကာကွယ်နေသူတွေ လေးစားအားကျရတဲ့သူ ဖြစ်နေမှာပါ" လို့ အဲလိဇဘတ်တာရိုဆဲလ်က ဆက်ပြောပါတယ်။ လျူရှောင်ဘိုနဲ့ ဇနီးသည် လျူရှားတို့ဟာ သတ္တိနဲ့ ပြည့်စုံတဲ့သူတွေဖြစ်ပြီး သူတို့နှစ်ယောက်စလုံးရဲ့ ဘဝတွေကို အပြန်အလှန် မြှုပ်နှံထားကြသူတွေ ဖြစ်တယ်လို့လည်း ဆိုပါတယ်။ "လျူရှောင်ဘိုရဲ့ဇနီးကို လွတ်လွတ်လပ်လပ် သွားလာနေထိုင်ခွင့်ပေးဖို့ ကုလသမဂ္ဂ ကော်မရှင်နာမင်းကြီးက တရုတ်အစိုးရကို တိုက်တွန်းထားပါတယ်။ သူဆန္ဒရှိရင်လည်း နိုင်ငံခြားကို သွားလာခွင့်ပေးဖို့ တိုက်တွန်းထားပါတယ်" လို့လည်း ကုလသမဂ္ဂ လူ့အခွင့်အရေး အေဂျင်စီရဲ့ ပြောခွင့်ရအမျိုးသမီး အဲလိဇဘက်တာရိုဆဲလ်က ပြောကြားသွားပါတယ်။

A d v e r t i s e m e n t With Us

More News
Up