A d v e r t i s e m e n t With Us

ကာတာနိုင်ငံ ရင်ဆိုင်နေရတဲ့ သံတမန် ဆက်ဆံရေး အကျပ်အတည်း

၂၀၁၇ ခုနှစ် ဇွန်လမှာ ဆော်ဒီအာရေဗီးယားနိုင်ငံနဲ့ တခြားနိုင်ငံတွေက ကာတာနိုင်ငံရဲ့ အီရန်နိုင်ငံနဲ့ ဆက်ဆံရေးနဲ့ပတ်သက်ပြီး အကြမ်းဖက်အဖွဲ့အစည်းတွေကို ရန်ပုံငွေ ထောက်ပံ့နေတယ်လို့ စွပ်စွဲဝေဖန်ခဲ့ပြီး အဲဒီနိုင်ငံအတော်များများက ကာတာနိုင်ငံကို ရုတ်တရက် သံတမန်အဆက်အသွယ် ဖြတ်တောက်ခဲ့တဲ့အတွက် ကာတာနိုင်ငံဟာ သံတမန်ရေး အကျပ်အတည်းနဲ့ ရင်ဆိုင်နေခဲ့ရပါတယ်။ အဲဒီလို သံတမန်အဆက်အသွယ် ဖြတ်တောက်ပစ်ခဲ့တဲ့အထိ လုပ်ခဲ့တဲ့ နိုင်ငံတွေထဲမှာ ဆော်ဒီအာရေဗီးယား၊ အာရပ်စော်ဘွားများနိုင်ငံ၊ ဘာရိန်းနိုင်ငံနဲ့ အီဂျစ်နိုင်ငံလို အင်အားရှိတဲ့ နိုင်ငံတွေလည်း အပါအဝင် ဖြစ်ပါတယ်။ အဲဒီလို သံတမန်ရေး အရေးယူ ဆောင်ရွက်မှုတွေကြောင့် ဖြစ်ခဲ့ရတဲ့ ဆိုးဝါးတဲ့ ဆက်ဆံရေးထဲမှာ သံအမတ်ကြီးတွေကို ပြန်ခေါ်တာနဲ့ ကုန်သွယ်ရေးနဲ့ ခရီးသွားလာမှုတွေအပေါ်မှာပါ ကန့်သတ်အရေးယူ ပိတ်ဆို့မှုတွေ အပါအဝင် ဖြစ်တဲ့အတွက် ကာတာနိုင်ငံအနေနဲ့ အတော်ကြီး အထိနာတဲ့ သံတမန်အကျပ်အတည်းတခု ဖြစ်တယ်လို့ ပြောရမှာပါ။ ကာတာနိုင်ငံကတော့ သူ့နိုင်ငံက အကြမ်းဖက်ဝါဒကို ထောက်ခံ အားပေးနေတယ်ဆိုတဲ့ စွပ်စွဲချက်ကို ငြင်းဆိုခဲ့ပြီး သူ့နိုင်ငံဟာ အမေရိကန်ပြည်ထောင်စု ဆင်နွှဲနေတဲ့ အကြမ်းဖက်ဝါဒ ဆန့်ကျင်ရေးစစ်ပွဲနဲ့ အခု အိုင်အက်စ်တွေကို စစ်ရေးအရ ဟန့်တားတိုက်ခိုက်နေတာကိုလည်း ထောက်ခံ အကူအညီပေးနေတဲ့အကြောင်း တုံ့ပြန်ပြောဆိုခဲ့ပါတယ်။ ဆော်ဒီအာရေဗီးယားရဲ့ ဆောင်ရွက်မှုကို အမေရိကန်သမ္မတ ဒေါ်နယ်လ်ထရမ့်က ကြိုဆိုလိုက်ပြီး တူရကီ၊ ရုရှားနဲ့ အီရန်တို့ကလည်း ဒီအကျပ်အတည်းကို ငြိမ်းငြိမ်းချမ်းချမ်း ဆွေးနွေးပြောဆို အဖြေရှာဖို့ တောင်းဆိုခဲ့ကြပါတယ်။ တကယ်တမ်းမှာလည်း ကာတာနိုင်ငံဟာ တခြား အာရပ်အစိုးရတွေနဲ့ မတူတဲ့ အချက်တွေ ရှိခဲ့ပါတယ်။ ကာတာနိုင်ငံက ကမ္ဘာကျော် သတင်းမီဒီယာဖြစ်တဲ့ အယ်လ်ဂျာဇီးယား ထုတ်လွှင့်ရာနေရာဖြစ်ပြီး အီရန်နိုင်ငံနဲ့ ဆက်ဆံရေး အဆင်ပြေအောင် ထိန်းသိမ်းထားခဲ့တဲ့ နိုင်ငံ၊ အီဂျစ်က မွတ်ဆလင်ညီအစ်ကိုများအဖွဲ့ကိုလည်း ထောက်ပံ့ကူညီခဲ့တဲ့ နိုင်ငံလို့လည်း စွပ်စွဲခံထားရတဲ့နိုင်ငံ ဖြစ်ပါတယ်။ နောက် ကာတာနိုင်ငံဟာ အမေရိကန်နိုင်ငံရဲ့ ရင်းနှီးတဲ့ မဟာမိတ်နိုင်ငံတခုဖြစ်ပြီး အရှေ့အလယ်ပိုင်းဒသမှာ အမေရိကန်နိုင်ငံရဲ့ အကြီးဆုံး လေတပ်အခြေစိုက်စခန်းကြီးကိုလည်း လက်ခံခွင့်ပြုထားခဲ့တဲ့နိုင်ငံ ဖြစ်ပါတယ်။ ကာတာနိုင်ငံကို အကြမ်းဖက်ဝါဒ ထောက်ခံအားပေးနေတဲ့ နိုင်ငံလို့ စွပ်စွဲသလို သံတမန်ဆက်ဆံရေးအရ သူတို့နိုင်ငံတွေရဲ့ ပြည်တွင်းရေးတွေကို ဝင်ရောက် နှောင့်ယှက်နေတယ်လို့ စွပ်စွဲပြီး သံတမန်ရေးအရ နောက်ဆုတ်ခဲ့ကြတဲ့ နိုင်ငံတွေ ရှိလာပါတယ်။ ကာတာနိုင်ငံကတော့ အဲဒီစွပ်စွဲချက်တွေကို ငြင်းဆိုထားပြီး သူ့နိုင်ငံဟာ အမေရိကန်ဦးဆောင်တဲ့ အစ္စလာမ္မစ် အကြမ်းဖက်သမားတွေကို ဆန့်ကျင်တိုက်ခိုက်ရာမှာလည်း ပါဝင်ပံ့ပိုးဆောင်ရွက်နေဆဲ ဖြစ်တယ်လို့လည်း ဖွင့်ထုတ် ပြောဆိုခဲ့ပါတယ်။ ကာတာနိုင်ငံဟာ အီရန်နိုင်ငံနဲ့ မိတ်ဝတ်မပျက် ဆက်ဆံရေးကို ထိန်းသိမ်းထားခဲ့သလို အီရန်နိုင်ငံကို သူ့ရဲ့ နျူကလီးယား ဖွံ့ဖြိုးတိုးတက်ရေး အစီအစဉ်ကို ရပ်ဆိုင်းပစ်လိုက်ဖို့ ကုလသမဂ္ဂ လုံခြုံရေးကောင်စီက ချမှတ်ခဲ့တဲ့ ဆုံးဖြတ်ချက် အမှတ် ၁၆၉၆ ကို ဆန့်ကျင်မဲပေးခဲ့တဲ့ လုံခြုံရေးကောင်စီဝင် နိုင်ငံတခုလည်း ဖြစ်ခဲ့ပါတယ်။ ရိုက်စ်တက္ကသိုလ်က ဘိတ်ကာအဖွဲ့ရဲ့ စွမ်းအင်သုတေသန အဖွဲ့ဝင်တယောက်ဖြစ်တဲ့ ဂျင်မ်းခရိန်းကတော့ “ကာတာက ဆော်ဒီအာရေဗီးယားနိုင်ငံရဲ့ လက်အောက်ခံနိုင်ငံလိုမျိုး နေခဲ့တဲ့ နိုင်ငံတခုဖြစ်ပေမယ့် သူ့ရဲ့ သဘာဝဓာတ်ငွေ့ကြွယ်ဝမှုကို သူ့ရဲ့ လွတ်လပ် အမှီအခိုကင်းမဲ့တဲ့ ကိုယ်ပိုင်အုပ်ချုပ်ခွင့်ကို ရအောင် ဖန်တီးနိုင်ခဲ့တဲ့ နိုင်ငံတခု ဖြစ်တယ်လို့ ပြောကြားခဲ့ပါတယ်။ လန်ဒန်ကင်းကောလိပ်က ကာတာရဲ့ နိုင်ငံခြားရေးမူဝါဒရေးရာ ကျွမ်းကျင်သူ ဒေးဗစ် ရောဘတ်ဟ်ကလည်း “တကယ်လို့သာ အမေရိကန်နဲ့ အီရန်ကြားမှာ ပဋိပက္ခ ပေါက်ကွဲလာခဲ့ရင် ကာတာကတော့ တကယ့်ကို ကြားညပ်တဲ့နိုင်ငံတခု ဖြစ်လာပါလိမ့်မယ်။ ခင်ဗျားသာ ကာတာတယောက်ဖြစ်ရင် ပင်လယ်ပြင်ကို ကြည့်ပြီး စဉ်းစားမှာပဲ၊ အီရန်သာ အာရပ်ကျွန်းတချို့ကို ရယူနိုင်ဖို့ အခွင့်အလမ်းရှိရင် ယူသွားမှာပဲ။ ကာတာဟာ အဲဒီကြီးမားတဲ့ နယ်ပယ်ကြီးထဲက သဘာဝဓာတ်ငွေ့တွေကို စုပ်ယူနိုင်တဲ့ သူတို့ရဲ့လုပ်ငန်းဘက်ကို ငြိမ်းငြိမ်းချမ်းချမ်း ဦးတည်နိုင်တဲ့ အရည်အသွေးရှိဖို့ လိုအပ်ပါလိမ့်မယ်” လို့ ပြောခဲ့ပါတယ်။ ဒါပေမယ့် အီရန်က အဲဒီလုပ်ငန်းစဉ်ကို အများကြီး ခက်ခဲသွားအောင် လုပ်နိုင်ပါတယ်။ “ခေါင်းဆောင်မှုပေးနေတဲ့ သူတွေရဲ့ စိတ်အခြေခံထဲမှာတော့ သူတို့ဟာ အမေရိကန် ပြည်ထောင်စုကို ဘယ်လောက် ယုံကြည်နိုင်မလဲဆိုတဲ့ မေးခွန်းကတော့ အမြဲရှိနေတာပါပဲ” လို့လည်း သူက ဆိုပါတယ်။ ဒီအကျပ်အတည်းဟာ အီရန်ရဲ့ လုပ်ဖော်ကိုင်ဘက်တွေနဲ့ ဆန့်ကျင်ဘက်တွေကြားမှာ ကိုယ်ပွားစစ်ပွဲတွေကို ဖြစ်ပေါ်လာစေနိုင်ပြီး အာရပ်စော်ဘွားများပြည်ထောင်စုက နိုင်ငံရေးသမားတွေကတော့ “ကာတာက အမေရိကန်နဲ့ ဥရောပမှာ ဘီလျံပေါင်းများစွာ ရင်းနှီးမြှုပ်နှံခဲ့၊ အမြတ်အစွန်းတွေကို ထပ်ပြန်အသုံးချပြီး ဟာမားစ်တွေ၊ အယ်လ်ကိုင်းဒါးနဲ့ ဆက်စပ်နေတဲ့ အုပ်စုတွေနဲ့ မွတ်ဆလင် ညီအစ်ကိုများအဖွဲ့တွေကို ကူညီပံ့ပိုးနေခဲ့တာပါ။ နောက် အမေရိကန်ပြည်ထောင်စုက ဆင်နွှဲနေတဲ့ ဒေသစစ်တွေမှာ အမေရိကန်က တိုက်ရိုက်ထိန်းချုပ်နိုင်အောင် အမေရိကန်စစ်အခြေစိုက်စခန်းကို လက်ခံပေးထားတာလည်း တွေ့ရပါတယ်” လို့ ပြောဆိုနေကြပါတယ်။ စိတ်ဝင်စားဖို့ကောင်းတာက ကာတာဟာ ဆီးရီးယား ပြည်တွင်းစစ်ကြောင့် တချို့ဒေသတွေမှာ ပိတ်မိနေတဲ့ အရပ်သားတွေကို အန္တရာယ်ကင်းကင်း ခေါ်ထုတ်နိုင်ဖို့ ဖမ်းဆီးထားတဲ့ ဓားစာခံတွေကို ငြိမ်းချမ်းတဲ့ အလဲအလှယ်လုပ်ရေး ဆွေးနွေးဖို့ သူ့ရဲ့ အဆက်အသွယ်တွေကိုလည်း အသုံးပြုခဲ့တယ်လို့ ဆိုပါတယ်။ ဒါဟာ အပြုသဘော လူသားချင်း စာနာထောက်ထားမှုအရ ကာတာနိုင်ငံက လုပ်ဆောင်ခဲ့တာ ဖြစ်တယ်လို့ ပြောရမယ့် လုပ်ရပ်တွေပါ။ ဒါပေမယ့် ခုလောလောလတ်လတ် ဖြစ်နေတဲ့ ယီမင်ပြည်တွင်းစစ်မှာ အီရန်က ကျောထောက်နောက်ခံပေးနေတယ်လို့ ဆိုထားတဲ့ ပြည်သူ့စစ်တွေကို တိုက်ခိုက်ဖို့ သူ့တပ်တွေကို စေလွှတ်ခဲ့တာကိုလည်း တွေ့ရပါတယ်။ နောက် ဆီးရီးယား ပြည်တွင်းစစ်မှာ အီရန်နဲ့ မဟာမိတ်လုပ်ထားတဲ့ သမ္မတအာဆတ် အစိုးရကို ဆန့်ကျင်တိုက်ခိုက်နေတဲ့ သူပုန်အုပ်စုတွေကိုလည်း ပံ့ပိုးထောက်ပံ့နေခဲ့တာကို တွေ့ရပါတယ်။ တခါတလေ မျက်စိလည်စရာလို့တောင် ပြောရမယ့် လုပ်ရပ်တွေလည်း ရှိခဲ့ပါတယ်။ ကာတာက ဟိုတုန်းက မွတ်ဆလင်ညီအစ်ကိုများအဖွဲ့ကို ကူညီပံ့ပိုးခဲ့ပါတယ်။ ဒါပေမယ့် သူ ကူညီပံ့ပိုးခဲ့တဲ့ မွတ်ဆလင်ညီအစ်ကိုများအဖွဲ့ကိုတော့ ဆော်ဒီအာရေဗျနဲ့ တခြား ပင်လယ်ကွေ့နိုင်ငံတချို့က စော်ဘွားတွေက ခြိ်မ်းခြောက်မှုတခုအဖြစ် သဘောထားကြတာကို တွေ့ရပါတယ်။ နိုင်ငံအကြီးအကဲဟောင်းဖြစ်တဲ့ စော်ဘွား ဟာမက်ဘင်းခါဘီဖာ အယ်လ်သာဏီဟာ သူ ၁၉၉၅ ခုနှစ်မှာ အာဏာရယူခဲ့ပြီးကတည်းက သူ့နိုင်ငံကို ဆော်ဒီအာရေဗီးယားနိုင်ငံရဲ့ အဆွယ်အပွားနိုင်ငံတခုအဖြစ်ကနေ ပြိုင်ဘက်နိုင်ငံတခုအဖြစ် ကူးပြောင်းပြီး လုံခြုံရေး ရရှိအောင် လုပ်ဆောင်နိုင်တယ်လို့ ယုံကြည်ထားခဲ့တဲ့သူ ဖြစ်တဲ့အတွက် အဲဒီယုံကြည်မှုအတိုင်း ဖြစ်လာအောင် ကြိုးပမ်းအားထုတ်ခဲ့ပါတယ်။ အဲဒါကို တုံ့ပြန်ဖိအားပေးတဲ့အနေနဲ့ ဆော်ဒီအာရေဗီးယားနိုင်ငံက သူ့ရဲ့သံအမတ်ကြီးကို မြို့တော် ဒိုဟာကနေ ၂၀၀၂ ခုနှစ်ကနေ ၂၀၀၈ ခုနှစ်အထိ ပြန်လည်ခေါ်ယူ ရုပ်သိမ်းပစ်ခဲ့ပါတယ်။ ဒါပေမယ့် အဲဒီဖိအားပေး ချဉ်းကပ်တဲ့နည်းဟာ မအောင်မြင်ခဲ့ပါဘူး။ ၂၀၁၁ ခုနှစ် အာရပ်နွေဦးလို့ ခေါ်တဲ့ လူထုဒီမိုကရေစီတော်လှန်ရေး ကာလအတွင်း အပြောင်းအလဲဖြစ်ရေး လှုပ်ရှားနေကြတဲ့ ဆန့်ကျင်တော်လှန်သူတွေကို အားပေးကူညီခဲ့သလို မွတ်ဆလင်ညီအစ်ကိုများ အဖွဲ့ကိုလည်း အားပေးထောက်ခံခဲ့ပါတယ်။ အဲဒီအချိန်မှာ ဆော်ဒီအာရေဗီးယားနိုင်ငံကတော့ အာဏာရှင် အီဂျစ်သမ္မတ ဟော့စ်စနီမူဘာရက်ကို အားပေးထောက်ခံခဲ့ပါတယ်။ အဲဒီအခြေအနေတွေကနေ ၂၀၁၃ ခုနှစ်မှာ သားဖြစ်သူ ထနင်းမ် ဘင်းဟာမက်အယ်လ် သာဏီကို နိုင်ငံအကြီးအကဲ စော်ဘွားအရိုက်အရာကို လွှဲအပ်ပေးခဲ့ပြီးတဲ့ နောက်ပိုင်းမှာတော့ အကြမ်းဖက်ဝါဒကို ထောက်ပံ့အားပေးနေတယ်လို့ စွပ်စွဲခံလာရပါတယ်။ တချို့နိုင်ငံတွေကတော့ ကာတာနိုင်ငံကို ဆီးရီးယားနဲ့ တွဲဖက် အယ်လ်ကိုင်းဒါးနဲ့ အယ်လ်နူစရာတပ်ဦး အပါအဝင် သူပုန်အုပ်စုတွေကို ငွေကြေး ထောက်ပံ့ပေးနေတယ်လို့ စွပ်စွဲပြစ်တင်လာခဲ့ကြပါတယ်။ တကယ်တော့ ဆော်ဒီအာရေဗီးယားနိုင်ငံကလည်း အဲဒီလိုပဲ လုပ်ခဲ့တာပါပဲ။ ကာတာနဲ့ ဆော်ဒီအာရေဗီးယား ၂ နိုင်ငံစလုံးဟာ ဆီးရီးယားနိုင်ငံ သူပုန်တွေကို လေ့ကျင့်ပေးဖို့ စီမံခဲ့တဲ့ စီအိုင်အေဦးစီးတဲ့ တင်းမ်ဘား ဆိုင်ခါမော လျှို့ဝှက်စစ်ဆင်ရေး စီမံချက်မှာ ပါဝင်ပတ်သက်ခဲ့ကြတယ်လို့ စစ်ရေးလေ့လာသူတွေက သိထားခဲ့ကြပါတယ်။ ကာတာဟာ အာဖဂန်၊ တာလီဘန်နဲ့ ဟာမားစ် တာဝန်ရှိပုဂ္ဂိုလ်တွေကို အိမ်ရှင်အဖြစ်လည်း လက်ခံစီစဉ် တွေ့ဆုံပေးခဲ့ပါတယ်။ ဒါပေမယ့် သူက ဒေသတွင်းဖြစ်နေတဲ့ ပဋိပက္ခမှာ ကြားဝင်စေ့စပ်ဖျန်ဖြေပေးဖို့ ကြိုးစားခဲ့တာလို့ ခုခံကာကွယ်ပြောဆိုခဲ့ပါတယ်။ ဒါပေမယ့် တချို့နိုင်ငံတွေကတော့ ကာတာနိုင်ငံရဲ့ ဆင်ခြေကို လက်သင့်မခံနိုင် ဖြစ်နေဆဲပါ။ ၂၀၁၇ ခုနှစ် မေလ ၂၇ ရက်နေ့မှာ တခါပြန်ပြီး ရွေးချယ်တင်မြှောက်ခံခဲ့ရတဲ့ အီရန်သမ္မတ ဟာဆန်ရိုဟာနီကလည်း ကာတာစော်ဘွား ထနင်းမ် ဘင်းဟာမက်အယ်လ် သာဏီကို တယ်လီဖုန်းဆက်ပြီး... “ဒေသတွင်းနိုင်ငံတွေအနေနဲ့ ဖြစ်ပေါ်နေတဲ့ အကျပ်တည်းကို ဖြေရှင်းနိုင်ဖို့ ပိုပြီး ပူးပေါင်းဆောင်ရွက်ဖို့ အကြံဉာဏ်ရယူဖို့ လိုအပ်ပါတယ်။ ဒီနယ်ပယ်မှာ ကျနော်တို့က ပူးပေါင်းဆောင်ရွက်ဖို့ အဆင်သင့်ရှိပါတယ်” လို့ ပြောဆိုခဲ့ပါတယ်။ ကာတာနိုင်ငံဟာ သူ ရင်ဆိုင်နေရတဲ့ သံတမန်ရေး အကျပ်အတည်းက အောင်အောင်မြင်မြင် ထွက်မြောက်နိုင်ပါ့မလား ဆိုတာကတော့ မကြာခင် တွေ့မြင်လာရမှာပဲ ဖြစ်ပါတယ်။    ။

A d v e r t i s e m e n t With Us

More News
Up