အမြန်လမ်းမကြီးပေါ်တွင် တရားမဝင်သစ်များ တင်လာသည့် ၆ ဘီးယာဉ်တစီး ဖမ်းမိ
DVB
·
June 30, 2017
ပဲခူးတိုင်းဒေသကြီး ကျောက်တံခါးမြို့နယ်၊ အမြန်လမ်းမကြီးမိုင်တိုင်အမှတ် (၉၂/၁) အနီးမှာ ဒီနေ့မနက် ၆ နာရီအချိန်လောက်က တရားမဝင်သစ်တွေ တင်ဆောင်လာတဲ့ ၆ ဘီးကားတစီးကို ဖမ်းမိခဲ့တယ်လို့ ကျောက်တံခါးမြို့နယ် သစ်တောဦးစီးဌာနက ပြောပါတယ်။
ဖမ်းဆီးရမိတဲ့ သစ်တွေဟာ အမြန်လမ်းအတိုင်း နေပြည်တော်ဘက်ကနေ ရန်ကုန်ဘက်ကို သယ်ဆောင်လာချိန်မှာ ဖမ်းမိခဲ့တာလို့ မျက်မြင်တွေ့သူတဦးက ဒီဗွီဘီကို ပြောပါတယ်။
“သစ်တွေတင်လာတဲ့ကားက ဘယ်ဘက်ဘီးဘောကျွံပြီး မောင်းမရတော့ ရပ်ထားတာပါ။”
ကျောက်တံခါးမြို့နယ် သစ်တောဦးစီးဌာနမှ တာဝန်ရှိသူတဦးက “ဖမ်းမိတာကတော့ သတင်းအရပါ။ သစ်ကတော့ ၄ တန်ကျော်ကျော်လောက် ရှိမယ်။ အခုတိုင်း နေပါတယ်။ သစ်အမျိုးအစားကတော့ ပျဉ်းကတိုးပါ” လို့ ပြောပါတယ်။
သစ်တွေ တင်ဆောင်လာတဲ့ ကားကို ပိုင်ရှင်မဲ့ ဖမ်းဆီးရမိခဲ့တာဖြစ်ပြီး YGN 1L/9362 ခဲရောင် ၆ ဘီး မော်တော်ယာဉ်ပေါ်မှာ ပျဉ်းကတိုးခွဲသားဆိုဒ်စုံ ၅၆ ချောင်း၊ ၄ ဒသမ ၄၅၁၈ တန် ကို ဖမ်းဆီးရမိခဲ့တာပါ။ ပိုင်ရှင်စုံစမ်းဆဲ ဖြစ်တယ်လို့ သစ်တောဌာနက သိရပါတယ်။
အနောက်ပဲခူးရိုးမတောင် သစ်ထုတ်လုပ်မှုကို ၂၀၁၆ ကစတင်ပြီး ၂၀၂၆ အထိ ဆယ်နှစ် သစ်ထုတ်လုပ်မှုကို ရပ်ဆိုင်းထားပေမယ့်လည်း သစ်ခိုးထုတ်မှုတွေ ရှိနေပြီး တရားမဝင်သစ်တွေ ဖမ်းဆီးရမိရာမှာလည်း ပိုင်ရှင်မဲ့တွေသာ ဖမ်းဆီးရမိနေတဲ့အတွက် သစ်တောဦးစီးဌာနကို ဝေဖန်မှုတွေလည်း ရှိနေပါတယ်။
သတင်း - ကျော်အောင် (ကညွတ်ကွင်း)