A d v e r t i s e m e n t With Us

ကျောက်တံခါးတွင် ၁၀ ဘီးကား တိမ်းမှောက်၊ ၃ ဦးသေဆုံး

ပဲခူးတိုင်းဒေသကြီး၊ ကျောက်တံခါးမြို့မှာ ဒီနေ့ မနက် ၆ နာရီလောက်က ၁၀ ဘီးကားတစီး တိမ်းမှောက်ခဲ့ပြီး ၃ ဦးသေဆုံးကာ ၃ ဦးဒဏ်ရာရခဲ့တယ်လို့ ကျောက်တံခါးနယ်မြေ ရဲတပ်ဖွဲ့စခန်းက ပြောပါတယ်။ ရန်ကုန်-မန္တလေး ပုံမှန်ကားလမ်းမိုင်တိုင်အမှတ် (၁၁၇/၂) နဲ့ (၁၁၇/၃) အကြားမှာ တိမ်းမှောက်ခဲ့တာပါ။ ရန်ကုန်ကနေ မန္တလေးကို မောင်ဖြိုး မောင်းနှင်လာတဲ့ ယာဉ်ဟာ မောင်းနှင်လာစဉ် အရှိန်မထိန်းနိုင်ဖြစ်ပြီး ကားလမ်းရဲ့ ဝဲဘက်ခြမ်းကို တိမ်းမှောက်ခဲ့တာပါ။ “ကားက နေကြာအိပ်တွေတင်ပြီး မောင်းလာတာဗျ။ မနက် ၆ နာရီလောက်က ဖြစ်တာပါ။ သုံးယောက်သေတယ်။ နေကြာအိပ်တွေတင်လာတဲ့ ကားပါ။ နှစ်ယောက်ရဲ့ အလောင်းကတော့ ရပါပြီ။ နောက်တယောက်ကတော့ ဖော်နေပါတယ်။ နေကြာအိပ်တွေနဲ့ ပိနေတာပါ” လို့ ကျောက်တံခါး နယ်မြေရဲတပ်ဖွဲစခန်းက တာဝန်ရှိသူတဦးက ပြောပါတယ်။ အဆိုပါ ယာဉ်တိမ်းမှောက်မှုကြောင့် ယာဉ်ပေါ်မှာ လိုက်ပါလာတဲ့ အမျိုးသမီး ၃ ဦး သေဆုံးခဲ့ပြီး အမျိုးသား နှစ်ဦးနဲ့ အမျိုးသမီးတဦးတို့ ဒဏ်ရာရရှိခဲ့ပါတယ်။ ကျောက်တံခါးမြို့မရဲစခန်းက လူများအားထိခိုက်ဒဏ်ရာများရှိပြီး သေဆုံးတဲ့အထိ ယာဉ်အား မဆင်မခြင်မောင်းနှင်သူ မောင်ဖြိုးအားယာဉ် ကို ရာဇသတ်ကြီးပုဒ်မ-၃၀၄-က /၃၃၇ နဲ့ အရအမှုဖွင့် အရေးယူထားတယ်လို့ သိရပါတယ်။ သတင်း-ကျော်အောင် (ကညွတ်ကွင်း )

A d v e r t i s e m e n t With Us

More News
Up