တိုက်ကြီးမြို့နယ်အတွင်းရှိ ရေကြီးနစ်မြုပ်၍ပျက်စီးသွားတဲ့ ကျေးရွာချင်းဆက်လမ်းတွေနဲ့ တံတားတွေကို ကမ္ဘာ့ဘဏ်ချေးငွေနဲ့  ပြုပြင်တည်ဆောက်မယ်လို့  မြို့နယ်ကျေးလက်ဦးစီးဌာန လက်ထောက်ညွှန်ကြားရေးမှူး ဦးခင်မောင်မြင့်ကပြောပါတယ်။ ကျေးရွာချင်းဆက်လမ်း ၂ လမ်းနဲ့ တံတား ၁၂ စင်းတို့ကို ကွန်ကရစ်လမ်းခင်းတာ၊ တံတားတွေ အသစ်တည်ဆောက်တာတွေအတွက် ငွေကျပ် ၃၄၅၉.၆၀၈ သန်း သုံးစွဲမယ်လို့ သူက ပြောပါတယ်။ ဦးခင်မောင်မြင့်က “အခုတိုက်ကြီး-ကြာအင်းသွားလမ်းနဲ့ တံတား ၅ စင်း၊ တော်လတီ-ကလော့သော့သွားလမ်းနဲ့ တံတား ၇ စင်းတို့ကို ပြုပြင်ဖို့ ရွေးထားပြီးပါပြီ။ ၂၀၁၇ နိုဝင်ဘာလမှစပြီး အကောင်အထည်ဖော်လုပ်ဆောင်သွားမှာပါ” လို့ ပြောပါတယ်။ ၂၀၁၅ ခုနှစ် ရေကြီးတုန်းက ကမ္ဘာ့ဘဏ်က လာကြည့်ရှုပြီး ဒီနှစ်မှ ချေးငွေကျကြောင်း၊ ငါး နှစ်စီမံကိန်းနဲ့ အကောင်အထည်ဖော်မှာဖြစ်ကြောင်း သိရပါတယ်။ အခုအခါ လုပ်ငန်းအကောင်အထည်ဖော်ဖို့အတွက်  ညှိနှိုင်းဆွေးနွေးနေသလို တပြိုင်နက် ကွင်းဆင်းမှုတွေလည်း စတင်နေပြီလို့ ဆိုပါတယ်။ သတင်း-မေသွယ်