A d v e r t i s e m e n t With Us

မြန်မာ့ရင်းနှီးမြှုပ်နှံမှု အလားအလာအပေါ် CB Bank ဥက္ကဋ္ဌနှင့် မေးမြန်းချက် (ရုပ်သံ)

အထူးစီးပွားရေးဇုန် SEZ တွေကို သေချာစနစ်တကျနဲ့ အကောင်အထည်ဖော်မယ်ဆိုရင် မြန်မာနိုင်ငံရဲ့ ရင်းနှီးမြှုပ်နှံမှုတွေ တိုးတက်လာမှာဖြစ်ပြီး နိုင်ငံစီးပွားရေးတိုးတက်မှု ဖြစ်ထွန်းလာနိုင်မယ်လို့ CB Bank ဥက္ကဋ္ဌ ဦးခင်မောင်အေးက ပြောကြားလိုက်ပါတယ်။ ပြီးခဲ့တဲ့ ဇွန်လ ၆ ရက်က နေပြည်တော်မှာ ကျင်းပပြီးစီးသွားတဲ့ မြန်မာရင်းနှီးမြှုပ်နှံမှုဖိုရမ်ရဲ့ ရည်မှန်းချက်၊ နိုင်ငံခြားရင်းနှီးမြှုပ်နှံမှုတွေ ဝင်လာမယ့် အလားအလာတွေနဲ့ ပတ်သက်လို့ ဖိုရမ်ကို ဦးဆောင်ကျင်းပခဲ့သူ CB Bank ဥက္ကဋ္ဌ ဦးခင်မောင်အေးကို ဒီဗွီဘီ ဒု-အယ်ဒီတာချုပ် ဦးခင်မောင်ဝင်းက နေပြည်တော်မှာ သီးသန့်တွေ့ဆုံ မေးမြန်းရာမှာ ပြောကြားထားတာ ဖြစ်ပါတယ်။ နေပြည်တော်မှာပေါ့လေ ဇွန်လ ၆ ရက်၊ ၇ ရက် မြန်မာရင်းနှီးမြှုပ်နှံမှုဖိုရမ်ဆိုပြီးတော့မှ အထူးသဖြင့် ပြည်တွင်းပြည်ပ ရင်းနှီးမြှုပ်နှံချင်သူတွေကို ဖိတ်ခေါ်ပြီးတော့မှ ဆွေးနွေးပွဲကြီး လုပ်သွားတာကို ကျနော်တို့ တွေ့ရပါတယ်။ ဒီဆွေးနွေးပွဲ ရည်ရွယ်ချက်က ဘာလဲဗျ၊ အဲဒါကို အတိုချုပ်လေး  ရှင်းပြပေးပါ။ “ဖိုရမ်ကိုကျင်းပရတဲ့ အဓိကရည်ရွယ်ချက်ကတော့ နိုင်ငံတကာမှာရှိတဲ့ ရင်းနှီးမြှုပ်နှံလိုသူတွေပေါ့။ ဗမာပြည်လာပြီးတော့မှ အဲဒီလူတွေက ဗမာပြည်လာတဲ့အခါမှာလည်း သူတို့မှာ အခက်အခဲကြုံရတယ်။ ဘယ်နေရာမှာ ရင်းနှီးမြှုပ်နှံဖို့ရှိမလဲဆိုတဲ့ အခက်အခဲတွေ သူတို့မှာ ကြုံရတယ်။ ထို့အတူပဲ မြန်မာပြည်မှာလည်းပဲ ပုဂ္ဂလိက ကဏ္ဍတွေမှာ ရင်းနှီးမြှုပ်နှံထားတဲ့ မြန်မာနိုင်ငံသားတွေ ရှိတာပေါ့နော်။ သူတို့ကလည်း နိုင်ငံတကာရဲ့ ရင်းနှီးမြှုပ်နှံမှုတွေ လိုနေတယ်။” “အဲဒီကွက်လပ်လေးကို ကျနော်တို့က ဖြည့်ပြီးတော့ လုပ်ငန်းတူတွေပေါ့နော်။ ပရောဂျက်များများရှိတဲ့သူတွေ အစုံရှိတဲ့သူတွေ ပေါင်းပြီးတော့မှ Myanmar Investment Development Association ဆိုတာလေးကို ကျနော်တို့ ဖွဲ့စည်းဖြစ်တယ်။ ဒီဟာကို ပီပီပြင်ပြင်ဖြစ်လာဖို့အတွက် ကျနော်တို့က မြန်မာ့ရင်းနှီးမြှုပ်နှံမှုဖိုရမ်ကို ကျင်းပရမယ် ဆိုပြီးတော့ ရည်ရွယ်ချက်ကြီးကြီးနဲ့ပေါ့နော် ရင်းနှီးမြှုပ်နှံလိုသူတွေနဲ့ အရင်းအနှီး လိုအပ်သူတွေကို ကွက်လပ်လေးကို ဖြည့်ပေးလိုက်တာ။” ဘယ်နိုင်ငံက ကိုယ်စားလှယ်တွေ စုစုပေါင်း ဘယ်နှယောက်လောက် လာတက်သွားလဲခင်ဗျ။ “အခု နိုင်ငံပေါင်းစုံပေါ့နော်။ ကျနော်တို့ တကမ္ဘာလုံးနီးပါးလာတယ်။ တော်တော် အံ့သြစရာကောင်းပါတယ်။ ယူအက်စ်၊ သြစတြေးလျ၊ ကနေဒါ၊ အာရှ၊ အာဆီယံ တခုလုံးလာတယ်။ တော်တော်များများ ပြည့်ပြည့်စုံစုံလာတယ်။ နိုင်ငံပေါင်းစုံကလာတယ်။ ကိုယ်စားလှယ်ပေါင်း ၅၀၀ ကျော်။ ဗမာပြည်ကလည်းပဲ ထူးထူးဆန်းဆန်းပဲ စိတ်ဝင်စားပြီး တက်လာတော့ ဗမာကလည်း ၄၀၀ ဝန်းကျင်လောက်။ စုစုပေါင်း ကျနော်တို့ ၉၀၀ လောက်ဖြစ်တယ်။ ပထမ အခန်းက ၅၀၀ ခန်း ငှားထားတာ။ နောက် ပွဲဖြစ်ခါနီး တပတ်လောက်အလိုမှာ ၇၀၀ လောက်ဖြစ်လာတယ်။ အဲဒါနဲ့ ကျနော်တို့က နေရာရွှေ့လိုက်ရတာပေါ့နော်။ ၅၀၀ လောက်ခန်းကနေပြီးတော့ ၇၀၀ ခန်းရွှေ့လိုက်ရတယ်။ တကယ့်ပွဲကျတော့ ၇၀၀ ခန်းလည်း မလောက်တော့ နောက်အပေါ်ထပ် ထပ်ဖြည့်လိုက်တော့ ၉၀၀ လောက်ဖြစ်သွားတာပေါ့။” ပြည်ပက လာတဲ့သူတွေကတော့ မြန်မာနိုင်ငံမှာ ရင်းနှီးမြှုပ်နှံလိုသူတွေ ဖြစ်မှာပေါ့နော်။ ပြည်တွင်းကလာတဲ့ စီးပွားရေးသမားတွေက ပြည်ပနဲ့ မိတ်ဖက်စီးပွားလုပ်လိုတဲ့ လုပ်ငန်းရှင်လို့ ပြောလို့ရလား။ “အဲဒါတွေများပါတယ်။ ကျနော်တို့ အဖွဲ့ဝင်တွေ တော်တော်များများကလည်း ကိုယ့်လုပ်ငန်းတွေကို ချပြထားတယ်။ အဲဒီမှာ ကိုယ့်လုပ်ငန်းတွေ ထားထားပြီးတော့ ဒါတွေရှိတယ်၊ ဒါတွေမြှုပ်နှံတယ်။ ထို့အတူပဲ လာတက်တဲ့သူတွေထဲမှာလည်း အဲလိုဟာတွေ ရှိနေကြတယ်လေ။ ရှိနေကြတော့ ဒီမှာဆုံတွေ့ပြီးတော့လည်း ဖြစ်သွားနိုင်တာပေါ့နော်။ အဲဒါကြောင့် ဒီပွဲဟာ တော်တော်လေး ထိရောက်ပါတယ်။” ဝန်ကြီးဌာန တော်တော်များများက လာပြီးတော့မှ ဒီဖိုရမ်မှာ လာပြီးတော့ ဆွေးနွေးသွားတယ်။ သူတို့ဆွေးနွေးချက်တွေက ပြည်ပရင်းနှီးမြှုပ်နှံလိုသူတွေ မြှုပ်နှံလို့ရအောင် သတင်းအချက်အလက်ပေးတာရယ်၊ စီမံကိန်းတွေ ရှင်းပြတဲ့ ဟာမျိုးတွေပါတယ်။ အဲဒီတော့ အစိုးရရဲ့ ပူးပေါင်းဆောင်ရွက်မှုကို ဘယ်လိုသုံးသပ်လို့ရမလဲ။ “အလွန်အားရကျေနပ်စရာကောင်းပါတယ်၊ ဒီပွဲမှာ။ ကျနော်တို့ရဲ့ သဘောတရားကလည်း ကိုယ့်ရဲ့အကျိုးစီးပွားလည်းပါသလို နိုင်ငံရဲ့အကျိုးစီးပွားလည်း ပါတယ်။ ဘာလို့လဲဆိုတော့ နိုင်ငံရဲ့စီးပွားရေး ဦးမော့လာဖို့ဆိုတာလည်း နိုင်ငံတကာရဲ့ ရင်းနှီးမြှုပ်နှံမှုတွေ ပူးပေါင်းပါဝင်လာဖို့ ပါတယ်။ အဲဒီအကျိုးကြောင့် ကျနော်တို့က နိုင်ငံအတွက်လည်းပါတယ်။ ကိုယ့်အတွက်တွေလည်း ပါကြတာပေါ့နော်။ ဒါကြောင့် ကျနော်တို့က ဒီပွဲကို ကျင်းပတယ်။ ကျင်းပတဲ့အခါမှာ နိုင်ငံတော်ဘက်ကလည်း ဝန်ထုပ်ဝန်ပိုး လျော့သွားတာပေါ့။” “နိုင်ငံတော်အနေနဲ့ ဒီပွဲတွေ များများကျင်းပပြီးတော့မှ ရင်းနှီးမြှုပ်နှံသူတွေ ဖိတ်ခေါ်ရမယ့်ပွဲပေါ့။ အခြားနိုင်ငံတွေ လုပ်သလိုပေါ့။ သူတို့ဘက်မှာလည်း အခက်အခဲတွေ ရှိနိုင်တဲ့အတွက် ကျနော်တို့ကပဲ ဒီကွက်လပ်ကို ဝင်ပြီးတော့ ဖြည့်လိုက်တာပေါ့။ ဖြည့်လိုက်တဲ့အတွက် ကျနော်တို့ဘက်ကလည်း ဝင်ရောက်ပူးပေါင်း ပါဝင်သလို တကယ်လိုအပ်နေမှန်းကိုလည်း အစိုးရအဖွဲ့အစည်းအနေနဲ့ သိတဲ့အခါကျတော့ အစိုးရဘက်ကလည်း လှိုက်လှိုက်လှဲလှဲ ပါလာတာပေါ့နော်။” “ဒါကြောင့် ဖွင့်ပွဲမှာ ဒုတိယသမ္မတ ၁ ကိုယ်တိုင် တက်ရောက်ပြီးတော့မှ ရင်းရင်းနှီးနှီး အားလုံးနဲ့ တွေ့ဆုံသွားတယ်။ နှုတ်ဆက်သွားတယ်။ ဆွေးနွေးသွားတယ်။ သူ့ရဲ့ပေါ်လစီတွေ ချပြသွားတာ အလွန် အားရကျေနပ်စရာ ကောင်းပါတယ်။ ဒါ့အပြင်ကို လူကြီးတွေကလည်း သူတို့ရဲ့အမြင်၊ စီးပွားကူးသန်းဝန်ကြီးဆိုလည်း ပေါ်လစီတွေ ချပြသွားတယ်။ ကုန်သွယ်ရေးနဲ့ ပတ်သက်လို့လည်း ချပြသွားတယ်။ ထို့အတူပဲ ငွေကြေးနဲ့ ဘဏ္ဍာရေး ပြုပြင်ပြောင်းလဲရေးတွေဆိုလည်း ဖြစ်သွားတယ်။ ရင်းနှီးမြှုပ်နှံမှုဆိုလည်း တော်တော့်ကို ကျယ်ကျယ်ဝန်းဝန်းနဲ့ မြန်မာနိုင်ငံရဲ့ ဥပဒေအကြောင်းတွေ အပါအဝင်ပေါ့ ရှင်းပြပြီးတော့ ပြည့်ပြည့်စုံစုံ ပြောသွားတဲ့အတွက်က လာရောက်ရင်းနှီးမြှုပ်နှံလိုသူတွေရဲ့ အားဖြစ်သွားတာပေါ့။” ဒီဖိုရမ်ပြီးသွားပြီးတဲ့နောက်မှာ ဖိုရမ်ရဲ့ အကျိုးဆက်အနေနဲ့ပေါ့နော်။ အသီးအပွင့် အနေနဲ့ပေါ့နော်။ နိုင်ငံခြားရင်းနှီးမြှုပ်နှံမှုတွေ ဝင်လာလိမ့်မယ်။ အဲဒါမျိုး ခန့်မှန်းတွက်ဆလို့ရပြီလား။ “အခုလာတဲ့သူတွေ တော်တော်များများတောင်မှ အခု ဒါတွေဖြစ်လာပြီလေ။ အဲတော့ ဒီပွဲမှာ မတိုင်ခင်လေးတင်ပဲ ဝန်ကြီးဌာနမှာ ဧည့်သည်တွေ သွားတွေ့ကြတယ်။ ဝန်ကြီးတွေရှင်းပြတဲ့ အားလုံးကို အားရပါးရဖြစ်တဲ့အတွက် သူတို့ စိတ်ပိုင်းဆုံးဖြတ်ထားပြီပေါ့ ရင်းနှီးမြှုပ်နှံဖို့။ အခု နိုင်ငံတကာရဲ့ မီဒီယာတွေလည်း ပါလာပြီလေ။ သူတို့ကလည်း စိတ်ဝင်စားစွာ မေးတယ်ပေါ့နော်။ ဒီဖိုရမ်ကမှတဆင့်ပေါ့၊ ကျနော်ထင်ပါတယ် ကျယ်ကျယ်ပြန့်ပြန့် ဖြစ်သွားနိုင်တယ်။ ခုန ကျနော်တို့ လက်ရှိ ရှိနေတဲ့ အနေအထားကို ပိုပြီးတော့ ဖြစ်ထွန်းလာလိမ့်မယ်လို့ ကျနော်တို့ မှန်းထားပါတယ်။” နှစ်စဉ်လုပ်ဖို့ ရည်ရွယ်ချက်ရှိလား။ “ကျနော်မှန်းထားတာကတော့ တနှစ်တခါလောက်လုပ်ဖို့ မှန်းထားတာပေါ့။ ဒီထက်ပိုပြီး အခွင့်အရေးပေးလို့ ဖြစ်နိုင်မယ်ဆိုရင်လည်းပဲ အခါအားလျော်စွာ လုပ်သင့်လုပ်ထိုက်တဲ့ အချိန်အခါလေးမှာ လုပ်ဖို့စဉ်းစားပါတယ်။” ဒီဖိုရမ်ကို ဦးဆောင်ကျင်းပပေးရခြင်းရဲ့ ဦးခင်မောင်အေးတို့ ကုမ္ပဏီရဲ့ မျှော်လင့်ထားတဲ့ အကျိုးအမြတ်က ဘာလဲ။ “အဓိကကတော့ ကျနော်တို့က ဘာလဲဆိုတော့ ကိုယ့်အတွက်လည်း အကျိုးရှိရမယ်။ လာရောက်ရင်းနှီးမြှုပ်နှံတဲ့သူတွေလည်း အကျိုးရှိသလို နိုင်ငံတော်လည်း အကျိုးရှိရမယ်။ တယောက်တည်း အကျိုးရှိပြီးတော့ သူတို့အကျိုးမရှိရင်လည်းပဲ ဒါ ရေရှည်မှာ ခက်ပါတယ်။ ထို့အတူပဲ ကျနော်တို့တတွေပဲ အကျိုးတွေရှိပြီးတော့ နိုင်ငံတော်အတွက် ဘာမှ အရာမရောက်ဘူးဆိုရင်လည်း မဟုတ်ဘူး။ အဲဒီတော့ ကျနော်တို့ ပွဲရည်ရွယ်ချက်ကိုက Win-Win ပေါ့၊ ပုဂ္ဂလိကကဏ္ဍက လူတွေလည်း အကျိုးရှိသလို နိုင်ငံတော်လည်း အကျိုးရှိရမယ်ဆိုတဲ့ ရည်ရွယ်ချက်နဲ့ သွားမှာပါ။” နောင်နှစ်တွေမှာ လုပ်မယ့်ပွဲတွေကိုရော ဒီနှစ်ပုံစံလိုပဲ လုပ်မှာလား၊ ဒီနှစ်အတွေ့အကြုံကိုမူတည်ပြီး နောင်နှစ်တော့ ဒါမျိုးလေးပြောင်းလိုက်ရင်တော့ ကောင်းမယ်၊ ပြင်လိုက်ရင်တော့ ကောင်းမယ်ဆိုပြီး အခုချိန်မှာ စဉ်းစားတွက်ချက်မှုတွေ ရှိပြီလား။ “ကျနော်ရဲ့မူအရဆိုရင်တော့ ကျနော်က အမြဲတမ်း ပြုပြင်ပြောင်းလဲနေတာ။ အမြဲတမ်း ဆန်းသစ်နေတဲ့လူဆိုတော့ ဒီ့ထက်ပိုဆန်းသွားမှာပါ။” ဒီဖိုရမ်ထဲမှာတော့ အစိုးရနဲ့ ပုဂ္ဂလိကအပိုင်းနဲ့ ပူးပေါင်းဆောင်ရွက်မှုကို ကျနော်တို့ တွေ့လိုက်ရတယ်လေ။ ဒီဖိုရမ်ပြီးသွားရင်ရော ဒီဖိုရမ်မှာ ဆွေးနွေးခဲ့တဲ့ဟာတွေကို အစိုးရနဲ့ ဆက်ပြီးတော့ ဆွေးနွေးပြီးတော့မှ ရလဒ်တွေ ထွက်လာအောင်လုပ်ဖို့ ပြင်ဆင်မှုတွေ ရှိပါသလား။ “ဒီဖိုရမ်ကို ကျနေ်ာတို့ လက်ရှိအစိုးရလက်ထက်မှာပေါ့ ကျနော်တို့ MIDA ဖွဲ့ထားတဲ့အပေါ်မှာ ကျနေ်ာတို့ ပထမဦးဆုံး ရန်ကုန်တိုင်းအစိုးရပေါ့နော်။ ဝန်ကြီးချုပ်က ကျနော်တို့က ဒီကိစ္စရှင်းပြတော့ သူကလည်း အလွန်သင့်တော်တယ်ဆိုပြီးတော့ သူကလည်း အားပေးတယ်။ နိုင်ငံတကာက တချို့ရင်းနှီးမြှုပ်နှံချင်တဲ့ဟာတွေဆိုရင် ကျနော်တို့ဆီ လွှတ်လိုက်တာပေါ့။ တချို့လည်း ကျနော်တို့ဆီလာတယ်။ လာပြီးတော့မှ အဖြေ အစိုးရအတွက် လိုအပ်ပြီပေါ့။ ဥပမာ မီးပေါ့။ ကျနော်တို့ ဆွေးနွေးတယ်။ နောက်ခံ Background ပေါ့ လေ့လာတယ်။ ဒီလူတွေဟာ နိုင်ငံတော်အတွက် အကျိုးရှိနိုင်တဲ့သူတွေဆိုရင် ကျနော်တို့က သူတို့ကိုလှမ်းပြီးတော့ ဒီလူတွေနဲ့တော့ တွေ့ဖို့လိုအပ်တယ်။ ဝန်ကြီးတို့နဲ့ ချိန်းပြီးတော့ တွေ့ပေးလိုက်တာမျိုးတော့ ကျနော်တို့ လုပ်ခဲ့တယ်။” ဒီဖိုရမ်မှာ အဓိက အရေးတယူ အကျယ်တဝံ့ ဆွေးနွေးခဲ့တဲ့ အကြောင်းအရာတွေထဲမှာ တခုက အထူးစီးပွားရေးဇုန်တွေပေါ့လေ။ အဲဒီထဲမှာ သီလဝါပါမယ်၊ ထားဝယ်ပါမယ်၊ ကျောက်ဖြူပါမယ်။ တချို့စီးပွားရေးဇုန်တွေကတော့ ဥပမာ ဂျပန်ရဲ့ ရင်းနှီးမြှုပ်နှံမှုနဲ့က အရှိန်က ရနေပြီလို့ ပြောလို့ရတယ်။ ဒါပေမယ့် ထားဝယ်ဆိုရင် သိပ်ပုံပန်းမကျသေးဘူး။ ဒီဖိုရမ်ပြီးတဲ့အချိန်မှာ ထားဝယ်လို စီးပွားရေးဇုန်မှာ ရင်းနှီးမြှုပ်နှံမှုတွေက ကျနေ်ာတို့တိုင်းပြည်က မျှော်လင့်ထားသလို ဖြစ်လာမယ့်အလားအလာရော ရှိလား။ “ရှိပါတယ်။ ကျနော်ထင်တယ်။ မကြာသောကာလမှာ ထားဝယ်ဆိုလည်း ကျနော်သိထားသလောက်ဆိုရင် နောက်ထပ် ထိုင်းတင်မကဘူးပေါ့နော်။ နောက်ထပ် ဂျပန်တို့ ဘာတို့နဲ့လည်း တွဲလုပ်ဖို့ဆိုတဲ့ အစီအမံတွေ ပေါ်လာတယ်။ ဒီနေ့တောင်မှ ကျနော် ဖေ့စ်ဘွတ်ခ်ပေါ်မှာ တွေ့လိုက်သေးတယ်။ ဂျပန်က ထားဝယ်တင်မကဘူးပေါ့။  ကမ်းရိုးတန်းတလျှောက်လုံး စိတ်ဝင်စားတယ်ပေါ့။ အဲလိုတွေတောင် ဖြစ်လာတယ်ပေါ့နော်။” “ထို့အတူပဲ ကျောက်ဖြူဆိုရင် ထုံးစံအတိုင်း တရုတ်ကတော့ သူ့ရဲ့ ပင်လယ်ထွက်ပေါက် ဖြစ်နေတဲ့အတွက်ကြောင့် သူက ရင်းနှီးမြှုပ်နှံဖို့ရာ လွယ်သွားမှာပါပဲ။ အဲတော့ ကျနော်ထင်တယ်  အထူးစီးပွားရေးဇုန် SEZ တွေဟာ သေချာစနစ်တကျနဲ့ အကောင်အထည်ဖော်မယ်ဆိုရင် တိုးတက်လာမှာပဲ။ ထို့အတူပဲ ကျနော်တို့ ဒါတင်မကဘူးပေါ့နော်။ မူဆယ်ဆို SEZ တွေ လုပ်သင့်တယ်။ အခြားတိုင်းနဲ့ ပြည်နယ်မှာ တခုစီလောက်လုပ်မှပဲ မျှတစွာနဲ့ ကျနော်တို့နိုင်ငံက စီးပွားရေးတိုးတက်မှု ဖြစ်ထွန်းမှာဖြစ်ပါတယ်။” တရုတ်ဆိုလို့ပေါ့လေ။ အခု ဒီ နိုင်ငံခြားကလာတဲ့ ရင်းနှီးမြှုပ်နှံသူတွေ အများစုဟာ တရုတ်တွေဖြစ်တယ်လို့ ခန့်မှန်းရတယ်လေ။ တရုတ်တွေနဲ့လည်း ဆွေးနွေးကြတာ ပြောတာတွေရှိတယ်။ ဒါကလည်းပဲ ကောင်းတဲ့အလားအလာလို့ ကျနော်တို့ ယူဆပါတယ်။ သို့သော် ဒီနေရာမှာ လူတွေက ထောက်ပြချင်တဲ့ အချက်တခုရှိတာက အရင်တုန်းက မြန်မာနိုင်ငံမှာ လာရောက်ပြီးတော့ တရုတ်က မြှုပ်နှံခဲ့တဲ့ စီမံကိန်းတွေက အငြင်းပွားမှုတွေဖြစ်တယ်။ ကြေးနီသတ္တုမိုင်းလို ကိစ္စမျိုးတို့၊ မြစ်ဆုံလိုကိစ္စမျိုး၊ ဟိုနေရာ ဒီနေရာတွေ ရှိတယ်။ နောက်အနာဂတ်မှာလာမယ့် တရုတ်ကလာမယ့် ရင်းနှီးမြှုပ်နှံမှုတွေဟာ အငြင်းပွားမှုတွေ မဖြစ်အောင် ပွင့်လင်းမြင်သာမှု ဖြစ်အောင် လုပ်ပေးနိုင်မယ့် အလားအလာကော ရှိလား။ “ရှိတာပေါ့။ ရှိရမှာပေါ့။ ကျနော်တို့ရဲ့ ခံယူချက်က ပွင့်လင်းမြင်သာမှု ဖြစ်ကိုဖြစ်ရမယ်။ ဘာဖြစ်လို့လဲဆိုတော့ ခုန ကျနော်ပြောသလိုပေါ့။ ဘယ်နိုင်ငံမှာမဆိုပေါ့။ ဘယ်သူပဲဖြစ်ဖြစ်ပေါ့ အဆိုးနဲ့အကောင်းကတော့ ရှိမှာပဲ။ ကျနော်တို့ဆီမှာ ခုနပြောသလိုပဲ နယ်စပ်လာပြီးတော့ ခိုးနေတဲ့ တရုတ်တွေလည်း အများကြီးပဲ ရှိခဲ့တယ်။ ပေါင်းစားပြီးလုပ်တဲ့သူတွေလည်း ရှိခဲ့တယ်။ ဒါပေမယ့် သူ့နိုင်ငံမှာသူ မှန်မှန်ကန်ကန်နဲ့ စနစ်တကျနဲ့ ဘီလျံနာ ဖြစ်သွားသူတွေလည်း အများကြီးပဲ။ ဂျပန်လည်း ဒီလိုပဲရှိမှာပဲ။ ကောင်းတာ မကောင်းတာ။ အမေရိကန်လည်း ရှိမှာပဲ။ အဲဒီကောင်းတာတွေနဲ့တော့ ကျနော်တို့က ရွေးချယ်ပြီးတော့ နိုင်ငံတော်အကျိုးရှိမယ့်အလုပ်မျိုး လုပ်ရမယ်။ မကောင်းတဲ့လူတွေကိုတော့ ကျနော်တို့က ပြတ်ပြတ်သားသား တရုတ်တင်မဟုတ်ဘူး ဘယ်သူ့မဆို ရှင်းရမှာပဲ။” အမေရိကန်နဲ့ ဥရောပကတော့ ကျနော်တို့နိုင်ငံမှာ ချမှတ်ထားတဲ့ စီးပွားပိတ်ဆို့မှုတွေ ပေါ့လေ။ အရင်အစိုးရလက်ထက်ကတည်းက တဖြည်းဖြည်း ဖြေလျော့လာတယ်။ ဒေါ်အောင်ဆန်းစုကြည် အစိုးရလက်ထက်မှာ လုံးဝဖြေလျော့သွားတယ်။ လုံးဝမရှိတော့ဘူး။ အဲဒါမျိုးက သူတို့က ရင်းနှီးမြှုပ်နှံဖို့ တာစူနေကြပြီပေါ့နော်။ အဲဒါမျိုး အခြေအနေအောက်မှာ မြန်မာရင်းနှီးမြှုပ်နှံမှုဖိုရမ်က ဘယ်လိုအခန်းကဏ္ဍကနေပြီးတော့ နိုင်ငံခြားကလာတဲ့ ရင်းနှီးမြှုပ်နှံတဲ့သူတွေကို ပံ့ပိုးကူညီပေးနိုင်မယ့် အားဖြည့်ပေးနိုင်မယ့် အခြေအနေမှာ ရှိလဲခင်ဗျ။ “ကျနော်တို့ အခုဆိုရင် ယူအက်စ်ကလူတွေပါတယ်။ တချို့ဆိုရင် တော်တော်အားရစရာ ကောင်းတယ်။ ကျနော်တို့ရဲ့ လိုအပ်နေတဲ့ကဏ္ဍကို ဝင်ဖြည့်ပေးချင်တယ်။ သူတို့နိုင်ငံမှာ တကယ့်နည်းပညာမြင့်တဲ့ ကျောက်မီးသွေးနဲ့သုံးတဲ့ဟာရှိတယ်။ ကျောက်မီးသွေးပါ သူတို့က ပါလာမှာ။ အဲဒီဟာမျိုးတွေကို ကျနော်တို့အတွက် အာမခံတယ်ပေါ့။ နည်းပညာမြင့်မြင့်နဲ့ ကျနော်တို့ဆီမှာလာပြီးတော့ စက်ရုံတွေဘာတွေ ဆွေးနွေးတာပါတယ်။ အဲဒါမျိုးဟာ သူတို့ပြောသလိုပေါ့ သေချာတော့ ဆန်းစစ်ရမှာပေါ့။ သူတို့ပြောသလိုသာ တကယ်တမ်း မဂ္ဂါဝပ်ကလည်း နည်းတာမဟုတ်ဘူး။ ၁၀၀၀ မဂ္ဂါဝပ်ရှိတယ်။ အဲဒါမျိုးတခုကို ကျနော်တို့က အမေရိကန်ဆီက သူ့ရဲ့ နည်းပညာအမြင့်ဆုံးဟာမျိုး ကျနော်တို့ဆီက ဖြစ်လာနိုင်ရင် ဒါကလည်း ကျနော်တို့အတွက် ၂ နှစ်အတွင်းမှာ မီးပြဿနာ တော်တော်ရှင်းသွားမယ်။” ရင်းနှီးမြှုပ်နှံဖို့ တာစူနေတဲ့ နိုင်ငံခြားကုမ္ပဏီတွေပေါ့လေ။ အဲဒါကို အဲကုမ္ပဏီတွေနဲ့ ဒီက မြန်မာပြည်အစိုးရကို တိုက်ရိုက်ဆက်သွယ်လုပ်တာမျိုး ရှိနိုင်တယ်။ ဒါမှမဟုတ် မြန်မာရင်းနှီးမြှုပ်နှံသူများ ဖွံ့ဖြိုးတိုးတက်မှုအသင်း (MIDA) တို့လို အဖွဲ့လိုမျိုးက ကြားခံ ဆက်သွယ်လာပြီးတော့မှ ဆောင်ရွက်ပေးတာမျိုးတွေလည်း ဖြစ်နိုင်တယ်။ အဲဒါမျိုး အခြေအနေမျိုးမှာ မြန်မာရင်းနှီးမြှုပ်နှံမှုဖိုရမ်မျိုးဟာ အရေးကြီးတဲ့ အခန်းကဏ္ဍတခုမှာ ရှိနေလိမ့်ဦးမယ်ပေါ့။ “မှန်တာပေါ့။ ဘာလို့လဲဆိုတော့ ဖိုရမ်လုပ်တာနဲ့ မလုပ်တာကို မတူတော့ဘူးလေ။ ဒီဖိုရမ်လုပ်ဖို့အတွက်ကို ကျနော်တို့ အများကြီးအားစိုက်ရတယ်။ ဝက်ဘ်ဆိုက်တွေ ထောင်ရတယ်။ နိုင်ငံတကာတွေ ပို့ရတယ်။ တကမ္ဘာလုံးမှာရှိတဲ့ ကုမ္ပဏီတွေကို ကျနေ်ာတို့ ဆက်သွယ်ထားရတယ်။ သူတို့လည်း လာပြီးတော့ လုပ်တယ်ဆိုကတည်းက ဗမာပြည်ပြောင်းမှ ရင်းနှီးမြှုပ်နှံရင် သူတို့အတွက် တကယ့်အခွင့်အလမ်းကောင်းတွေ ရလာမယ်ဆိုရင်တော့ သူတို့လည်း လာကြမှာပါပဲ။” ဒီနှစ်ကျင်းပခဲ့တဲ့ မြန်မာရင်းနှီးမြှုပ်နှံမှုဖိုရမ်ရဲ့ အားနည်းချက် ကိုယ့်ကိုယ်ကိုယ် ပြန်သုံးသပ်မယ်ဆိုရင် အဓိကကျတဲ့ အားနည်းချက်က ဘာဖြစ်မလဲ။ “နောက်ဆိုရင်ပေါ့ ဒီထက်ပိုပြီးတော့ အင်အားများတဲ့၊ ဗမာဘက်ကလည်း အင်အားများတဲ့ အနေအထားမျိုး နောက်ထပ်လည်းပဲ တကယ့် ဒီဘက်လာပြီး ရင်းနှီးမြှုပ်နှံမှု လုပ်ချင်တဲ့သူတွေ ထိထိရောက်ရောက် ဒီ့ထက်ပိုဖြစ်လာအောင် ကြိုးစားနိုင်ရင်တော့ ဒီထက်ပိုကောင်းမယ်။ သဘောကတော့ ဥပမာအားဖြင့်တော့ တရုတ်ပြည်မှာ 1 to 10၊ အမေရိကန်မှာ 1 to 10၊ ဂျပန် 1 to 10 အဲလိုပဲ ဗမာဘက်ကလည်း အဲလို အင်အားရှိတဲ့သူတွေ အများကြီး ကျနေ်ာတို့ စုစည်းထားပြီးတော့မှ တကယ့်ထိပ်တန်းတွေကို ဆုံပေးနိုင်ရင်တော့ ဒီ့ထက်ပိုပြီး အားရှိတာ ဖြစ်လာနိုင်မယ်လို့ ထင်ပါတယ်။” အခုလိုရှင်းပြပေးတာ ကျေးဇူးပါပဲခင်ဗျာ။

A d v e r t i s e m e n t With Us

More News
Up