တ​နေ့​မှာ ကျ​နော့်​ တပည့်​ဟောင်း​တ​ယောက် အိမ်​ရောက်လာတယ်။ မင်း​ဘာလုပ်​နေလဲလို့​ ​မေး​တော့​ သူက ပတ်ဝန်း​ကျင်ထိန်း​သိမ်း​ရေး​ လုပ်​နေ​ကြောင်း​ ​ပြောပါတယ်။ အရင်က ကိုယ့်​ရပ်ကိုယ့်​ရွာ​လောက်သာ စိတ်ဝင်စား​ကြတဲ့​ လူ​တွေဟာ ကမ္ဘာ့​ပတ်ဝန်း​ကျင်ကို စိတ်ဝင်စား​လာကြတယ်။ ​ကောင်း​ပါတယ်။ ​ခေတ်မီတိုး​တက်တဲ့​ ကမ္ဘာကြီး​မှာ တဖက်က အရမ်း​ကာ​ရော တိုး​တက်​နေ​တော့​ ကျန်တဲ့​ဘက်ကလည်း​ အထိန်း​အချုပ်​တော့​ လိုပါတယ်။

ခု​ခေတ်မှာ ပလတ်စတစ်အိတ်​တွေ အကြီး​အကျယ် ပြဿာနာတက်​နေတယ် ဆရာလို့​ သူ​ပြောပါတယ်။ ဟုတ်တယ်​လေ။ မြို့​နေလူထုအများ​စုဟာ ဒါကို ​တွေ့​နေမြင်​နေကြရတယ်။ ​ရေ​မြောင်း​တွေ ပိတ်ဆို့​တယ်။ ​ရေလျှံလို့​ ​ရေစုပ်စက်​တွေသုံး​ ​ရေစုပ်ထုတ်​နေရတယ်။

ကျ​နော် တိုကျို​ရောက်တုန်း​က အဖြစ်အပျက်​လေး​ တခုကို အမှတ်တရ ​ပြောပြချင်တယ်။ ကျ​နော်တို့​ဟာ အ​မေရိကန်အဖွဲ့​နဲ့​ စား​သောက်ဆိုင်မှာ သွား​စား​ဖြစ်တယ်။ အ​မေရိကန်အမျိုး​သမီး​တွေက သူတို့​ကိုယ်ပိုင်တူ​တွေ ယူလာ တယ်။ သူတို့​ ရွံလို့​ဖြစ်မှာ​ပေါ့​လို့​ သာမန်ပဲ ​တွေး​မိခဲ့​ တယ်။ ဒါ​ပေမယ့်​ ​နောက်မှ သိလာတယ်။ သူတို့​ ရွံတာမဟုတ်ဘူး​တဲ့​။ သူတို့​က ပတ်ဝန်း​ကျင် ထိန်း​သိမ်း​ရေး​ သမား​တွေတဲ့​။

ဝါး​တူ ဒါမှမဟုတ် တခါသုံး​တူ​တွေဟာ ပတ်ဝန်း​ကျင်ကို ထိခိုက်​စေတယ်လို့​ သူတို့​က ဆိုတယ်။ တခါသုံး​ ဝါး​တူ သန်း​ပေါင်း​များ​စွာကို ဂျပန်တနိုင်ငံတည်း​မှာ ​နေ့​စဉ် သုံး​စွဲ​နေကြတယ်။ တရုတ်နိုင်ငံမှာလည်း​ ဒီလိုသုံး​တာပဲ။ ယ​နေ့​မှာ ထိုင်း​၊​ က​မ္ဘောဒီး​ယား​၊​ ဗီယက်နမ်၊​ စင်ကာပူစတဲ့​ အာဆီယံ နိုင်ငံ​တွေမှာလည်း​ ဝါး​တူ​တွေ သုံး​တယ်။

ဒီတူ​တွေကို စွပ်ထား​တဲ့​ ပလတ်စတစ်​တွေကလည်း​ ပြဿာနာတခုအဖြစ် တိုး​လာတယ်။ ဝါး​တူ​တွေကို တခါသုံး​ပြီး​ လွှင့်​ပစ်တယ်။ ဒီအတွက် ဝါး​ပင်​တွေ ဘယ်​လောက် ​သေ​ကျေပျက်စီး​မလဲ။ ဝါး​တူ​လေး​တွေကို သန့်​ရှင်း​စေဖို့​ ရည်ရွယ်ချက်နဲ့​ ပလတ်စတစ်အိတ် (ကျွတ်ကျွတ်အိတ်)​လေး​တွေ စွပ်ထား​သေး​တော့​ မိ​အေး​နှစ်ခါနာပဲ​ပေါ့​။ ​နောက် ကျ​နော်တို့​ တိုကျိုမှာရှိတဲ့​ ဗုဒ္ဓဘာသာ ဘုရား​ကျောင်း​တွေကို သွား​ကြ​တော့​ အ​မေရိကန် ပတ်ဝန်း​ကျင်သမား​တွေက သူတို့​ဟာ အ​မွှေး​တိုင်​တွေနဲ့​ မပူ​ဇော်ကြဖို့​ ​ပြောတယ်။

သူတို့​ဟာ အ​မွှေး​တိုင်ကို ဆန့်​ကျင်သတဲ့​။ အ​မွှေး​တိုင်ဟာ ပတ်ဝန်း​ကျင်ကို ဖျက်ဆီး​ခြင်း​ ၄မျိုး​ကို ပြုလုပ်ပါသတဲ့​။ ဖျက်ဆီး​ခြင်း​ ၄ မျိုး​ဆိုတာကို သူတို့​ ​ပြောပြတယ်။ ပထမက​တော့​ အ​မွှေး​တိုင်လုပ်ဖို့​ ဝါး​တွေလိုတယ်။ ဝါး​ပင်​တွေကို ခုတ်ရတယ်။ အ​မွှေး​တိုင်က တုတ်​တွေဟာ ဝါး​ချောင်း​လေး​တွေပဲ။ သိပ် ကြီး​ကြီး​ကျယ်ကျယ်မှ မဟုတ်တာ ဒါ​ပေမယ့်​ တကမ္ဘာလုံး​ သုံး​နေကြတယ်​လေ။

တရုတ်ပြည် ဆိုရင် လူဦး​ရေ သန်း​ ၁ ​ထောင်​ကျော်ရှိတယ်။ ဂျပန်၊​ ဗီယက်နမ်နဲ့​ မြန်မာနိုင်ငံ အား​လုံး​ဟာ အ​မွှေး​တိုင်​တွေ သုံး​တယ်။ ဒုတိယက​တော့​ သစ်မှုန့်​တွေ​ပေါ့​။ အ​မွှေး​တိုင်မှာ သစ်သား​မှုန့်​တွေကို ​ကော်သုတ်နယ်ပြီး​ ဝါး​မှာ ကပ်ထား​တယ်။ သစ်သား​တွေ အများ​ကြီး​သုံး​ရတယ်။ အရင်​ခေတ်က သိပ်မဆိုး​ဘူး​။ ခု​ခေတ်မှာ သစ်ပင်​သေး​သေး​လေး​တွေ​တောင် ခုတ်ကြတယ်။

နောက်ပိုင်း​မှာ ပခုက္ကူနယ် ​ရေစကြိုဝန်း​ကျင်​တွေမှာ ဆီး​ပင်​တွေမကျန် ခုတ်ကြတယ်။ မန်ကျည်း​ပင်မကျန် ခုတ်တယ်။၂၀၁၁ မှာ ပခုက္ကူ​ရေကြီး​ပြီး​ ​ရွှေ​ချောင်း​တံတား​ ကျိုး​တာ ဒီ​နောက်ဆက်တွဲရလဒ် တခုပါပဲ။

တတိယက​တော့​ ​ရေ​မွှေး​တွေ ဖျန်း​တယ်။ ​ရေ​မွှေး​ကို Aerosol ​တွေ သုံး​တော့​ ဆိုး​ပါတယ်။ ​နောက် ဒီအ​မွှေး​တိုင်​တွေကို လူ​တွေက မီး​ရှို့​တယ်။ အ​မွှေး​နံ့​သာနဲ့​ ပူ​ဇော်တာပါ။

ဒါ​ပေမယ့်​ ဒီမီး​လောင်တာဟာ ပတ်ဝန်း​ကျင်ကို မလိုအပ်ဘဲ ညစ်ညမ်း​စေတာပါ။ နတ်​ဒေဝတာများ​ဟာ သူတို့​နေတဲ့​ဘုံဗိမ္မာန်​တွေမှာ ​လေထုညစ်ညမ်း​တာကို အား​မ​ပေး​သင့်​ပါဘူး​လို့​ သူတို့​က ဆက်​ပြောကြတယ်။ ​ကောင်း​ကင်ကြီး​ဟာ ဘာလဲ။ အာကာသဟာ ဘာလဲ။ တို့​တ​တွေ အညစ်အ​ကြေး​တွေကို စွန့်​ထုတ်ရာ ​နေရာပဲလား​တဲ့​။ စဉ်း​စား​စရာပါပဲ။ ကျ​နော်က ဘာသာ​ရေး​ကိစ္စကို သူတို့​နဲ့​ မ​ဆွေး​နွေး​လိုပါ။ မိမိမကြိုက်ရင် မိမိ မလုပ်နဲ့​ပေါ့​။

ဒါ​ပေမယ့်​ သူတို့​က ပညာ​ပေး​ချင်ကြတယ်။ ချမ်း​သာဖို့​ ယတြာ​တွေလုပ်တယ်။ နတ်​ဒေဝတာ​တွေကို အ​မွှေး​တိုင်​တွေနဲ့​ ပူ​ဇော်တယ်။ ဖ​ယောင်း​တိုင်​တွေကို ​နေ့​လယ် ​နေပူကျဲကျဲမှာ ထွန်း​လို့​ ပူ​ဇော်တယ်။ ချမ်း​သာလိုကြတယ်။ ​လေထုညစ်ညမ်း​ပြီး​ မကျန်း​မာတဲ့​ ​နေရာမှာ ချမ်း​သာကြရင် အဆင်​ပြေပါ့​မလား​။ စဉ်း​စား​ကြည့်​ရင် သ​ဘော​ပေါက်ကြမှာပါ။

ပတ်ဝန်း​ကျင်နဲ့​ ပတ်သက်ပြီး​ စဉ်း​စား​ရင် မျက်စိလည်စရာ ​ကောင်း​တယ်။
ကျ​နော်တို့​ဟာ တချို့​အချက်​တွေကို ခုန်ပြီး​ စဉ်း​စား​လို့​ မရဘူး​။
ဝါး​တူမသုံး​ဘဲ ပလတ်စတစ်တူသုံး​တဲ့​ကိစ္စ။ ချမ်း​သာတဲ့​သူ​တွေ ဆင်စွယ်တူ​တွေ သုံး​ကြတယ်။ ဒါဆိုရင် ဆင်​တွေ ဘယ်​လောက်​သေကြမလဲ။ လူ​တွေဟာ ​ရှေး​ကတည်း​က တိရစ္ဆာန်အ​ရေ​တွေ၊​ အရိုး​တွေကို အသုံး​အ​ဆောင်အ​နေနဲ့​ သုံး​ခဲ့​တာပဲ။

ဝါး​ရိုး​တွေကို အထည်ချုပ်ရာမှာ သုံး​တယ်။ ​မောင်​ပေါက်ကျိုင်း​ နဂါး​နိုင်မင်း​အ​ကြောင်း​မှာ “ရာ​ပေး​လို့​ ဆုတ်၊​ ​ထောင်​ပေး​လို့​ချုပ်၊​ ချစ်တဲ့​သူအရိုး​ ဆံထိုး​လုပ်” ဆိုတဲ့​စကား​ဟာ အရိုး​တွေအ​ရေ​တွေကို သုံး​တာ အထင်အရှား​ သိနိုင်တယ်။

သား​ရေ​တွေကို ဖိနပ်အတွက် သုံး​တယ်။ သို့​သော် တဖြည်း​ဖြည်း​နဲ့​ တိရစ္ဆာန်အရိုး​တွေအ​ရေ​တွေ ရှား​လာတယ်။ ဒါ​ကြောင့်​ ပလတ်စတစ် ပိုလီမာ​တွေ အစား​ထိုး​ဝင်​ရောက်လာတယ်။ ပလတ်စတစ်​တွေဟာ ပတ်ဝန်း​ကျင် ထိန်း​သိမ်း​စောင့်​ရှောက်​ရေး​မှာ အ​ရေး​ပါတဲ့​ ကဏ္ဍတခုအ​နေနဲ့​ ပါခဲ့​တာ မဟုတ်လား​။

တကယ်လို့​ ပိုလီမာ​တွေမရှိဘဲ ဖိနပ်​တွေကို ချုပ်ရမယ်ဆိုရင် ဖိနပ်​တွေ အ​တော်​ဈေး​ကြီး​မှာပဲ။ ကျ​နော်တို့​ ငယ်ငယ်က ဖိနပ်တရန် ဝယ်စီး​ဖို့​ အ​တော်စဉ်း​စား​ ယူရတယ်။ အများ​စုက ဖိနပ်မစီး​နိုင်ကြဘူး​။ ဒီအတိုင်း​ပဲ အညာခရီး​တွေမှာ ထန်း​ခေါက်ဖာကို တွင်တွင်ကျယ်ကျယ်သုံး​ခဲ့​တာ ၁၉၆ဝခုနှစ်များ​ အထိပဲ။ ခု​ခေတ် လူငယ်​တွေ ထန်း​ခေါက်ဖာကို မြင်​တောင် မမြင်ဖူး​တော့​ဘူး​။ ကျ​နော် ဆိုလိုတာက ပတ်ဝန်း​ကျင်နဲ့​ ပတ်သက်ပြီး​ ပလတ်စတစ်​တွေ ထိလိုက်ရင် အမျှင်​တွေ တသီတတန်း​ကြီး​ ထွက်လာ​တော့​မှာ အ​သေအချာပဲ။

နိဂုံး​ချုပ်​ပြောရရင်​တော့​ ကျ​နော်တို့​ဟာ ပတ်ဝန်း​ကျင်ကို ​ပေယျာလကန် ဖြစ်ချင်ရာ ဖြစ်ဆိုပြီး​ ပစ်စလက်ခတ်ထား​လို့​ မရတာ​တော့​ အ​သေအချာပဲ။ ကျ​နော်တို့​ ငယ်ငယ်က ပတ်ဝန်း​ကျင် ထိန်း​သိမ်း​မှုဟာ အိမ်သာနဲ့​ ​ရေအိုင် အ​ကြောင်း​ကိုသာ အဓိကထား​ကြတယ်။ အိမ်သာက ယင်၊​ရေအိုင်က ခြင်၊​ဒီနှစ်ခုလုံး​ဟာ ကျ​နော်တို့​ကို အများ​ကြီး​ ဒုက္ခ​ပေး​ခဲ့​တယ်။ ခြင်နဲ့​ယင်ကို ယ​နေ့​တိုင် ကျ​နော်တို့​ မနိုင်ကြ​သေး​ပါဘူး​။

တခါတရံ ဝမ်း​ပျက်ဝမ်း​လျှော​တွေ ရှိ​နေ​သေး​တယ်။ ခြင်​ကြောင့်​ ​သွေး​လွန်တုပ်​ကွေး​တွေ ဖြစ်​နေ​သေး​တယ်။ ဒါ​ပေမဲ့​ အ​တော်အသင့်​တော့​ ထိန်း​ထား​နိုင်တယ်။ လူထုက ကူညီမှဖြစ်တဲ့​ကိစ္စ​တွေပါ။ လူအလစ်မှာ ​မြောင်း​ဖုံး​ကိုလှန် ကျွတ်ကျွတ်အိတ်​တွေနဲ့​ အမှိုက်​တွေ ပစ်​နေတာ တား​ရခက်ပါတယ်။ ဒီမိုကရစီ​ခေတ်မှာ ပတ်ဝန်း​ကျင်ကိစ္စ မိမိကိုယ်တိုင် တာဝန်ယူပါ။ ပညာ​ပေး​ပါ။ ​ဆွေး​နွေး​ပါ။