လူထုသံဃာနဲ့ လူတစုသံဃာ
DVB
·
May 25, 2017
ဒီကနေ့ဆိုရင် ၂၁ ရာစုပင်လုံ ပြည်ထောင်စုငြိမ်းချမ်းရေးညီလာခံရဲ့ ဒုတိယအကြိမ် အစည်းအဝေးကို စတင်ကျင်းပနေပါပြီ။ ညီလာခံမတိုင်ခင် တလလောက်အတွင်းမှာ အမျိုးသားရေးဝါဒီ၊ မျိုးချစ်တွေလို့ ကိုယ့်ကိုယ်ကိုယ် ကြွေးကြော်ထားသူတွေနဲ့ ဘာသာရေးစိတ် ပြင်းထန်ကြတဲ့ လူပုဂ္ဂိုလ်နဲ့ ရဟန်းသံဃာအချို့ရဲ့ ဘာသာခြား၊ လူမျိုးခြား မုန်းတီးမှုတွေကို ဦးတည်စေနိုင်တဲ့ လှုပ်ရှားလှုံ့ဆော်မှုတွေ တဖြည်းဖြည်း ပိုစိပ်လာခဲ့တာကို သတိပြုခဲ့မိပါတယ်။
မေလ ၂၀ ရက်နေ့က သာသနာရေးနဲ့ ယဉ်ကျေးမှုဝန်ကြီးဌာန ပြည်ထောင်စုဝန်ကြီး သူရဦးအောင်ကိုအပေါ် နေပြည်တော် ရေနံ့သာဘောလုံးကွင်းမှာ ဆန္ဒပြတဲ့အဖြစ်အပျက်၊ ရန်ကုန်တိုင်းဒေသကြီး မင်္ဂလာတောင်ညွန့်မြို့နယ်မှာ မေလ ၉ ရက်နေ့ ညက ဖြစ်ပွားခဲ့တဲ့ ပဋိပက္ခ၊ ဧပြီလ ၂၈ ရက်နေ့က ရန်ကုန်မြို့၊ သာကေတမြို့နယ်၊ အနော်မာ ၁ ရပ်ကွက်မှ အစ္စလာမ်စာသင်ကျောင်း လေးကျောင်းအား အမျိုးသားရေးအဖွဲ့ဟု ၎င်းတို့ကိုယ်ကို အမည်ခံယူထားသောအဖွဲ့မှ ရဟန်းနဲ့ လူပုဂ္ဂိုလ်များက အကျပ်ကိုင်ပိတ်ခိုင်းမှု အဖြစ်အပျက်တွေဟာ ဘယ်ရှုထောင့်ကကြည့်ကြည့် ဘယ်လိုမှ မလုပ်အပ်တာတွေကို မငြိမ်သက်အောင် ရည်ရွယ်ချက်ရှိရှိနဲ့ လုပ်ဆောင်နေတာဟာ မြန်မာနိုင်ငံအတွက် အလွန်အန္တရာယ်ကြီးလှတယ်။
အင်္ဂလိပ်လို Religious Harmony/Racial Harmony လို့ခေါ်တဲ့ ဘာသာပေါင်းစုံ၊ လူမျိုးပေါင်းစုံ ငြိမ်းချမ်းစွာ အတူယှဉ်တွဲနေထိုင်နိုင်ရေးဟာ နိုင်ငံတနိုင်ငံ ဖွံ့ဖြိုးဖို့အတွက် မရှိမဖြစ်လိုအပ်တယ်။ လွတ်လပ်စွာကိုးကွယ်ခွင့်ကို ခြိမ်းခြောက်တာဟာ တိုင်းပြည်ကို မငြိမ်းချမ်းအောင် ခြိမ်းခြောက်နေတဲ့သဘောမို့ အလွန်အပြစ်ကြီးလွန်းလှပါတယ်။ ဒီလိုလုပ်ရပ်ဟာ လူပေါင်းများစွာရဲ့ အသက်အိုးအိမ်စည်းစိမ်ကို ဆွဲနုတ်ဖျက်ဆီးတတ်တဲ့ လူမျိုးရေး၊ ဘာသာရေး အဓိကရုန်းကြီးတွေ ဖြစ်လာအောင် ယမ်းပုံကြီးထဲ မီးစပစ်ထည့်နေသလို လှုံ့ဆော်တဲ့သဘောမျိုး သက်ရောက်နေတာမို့ အကုသိုလ်လည်း အလွန်ကြီးလှပါတယ်။
ဒါကြောင့်လည်း အဓမ္မနဲ့ မတရားမှုကို ဆန့်ကျင်ရာမှာ အစဉ်အလာကောင်းရှိပြီး ကမ္ဘာကတောင် အသိအမှတ်ပြုကြရတဲ့ “လူထုသံဃာ” တွေဖြစ်တဲ့ ရွှေဝါရောင်သံဃာတော်တွေဟာ အထူးအစည်းအဝေးကို မေလ ၂၀ ရက်နေ့ကပဲ မင်္ဂလာတောင်ညွန့်မြို့နယ် ရွှေဝါရောင်ပညာဒါနကျောင်း (ရွှေတောင်ကျောင်းတိုက်) မှာ ပြုလုပ်ခဲ့ပြီး အစွန်းရောက် အမျိုးသားရေးဝါဒီတွေကို နိုင်ငံတော်သံဃမဟာနာယက ဆရာတော်ကြီးများရဲ့ ထုတ်ပြန်ညွှန်ကြားချက်ဖြစ်တဲ့ ဓမ္မစက်နှင့် ပြစ်မှုဆိုင်ရာ ကျင့်ထုံးဥပဒေအခန်း ၂၀ အရ ပြည်ထဲရေးဝန်ကြီးဌာနက အာဏာစက်နဲ့ အရေးယူဆောင်ရွက်ဖို့ ရွှေဝါရောင်သံဃာတော်တွေက ကြေညာချက်ထုတ် တောင်းဆိုခဲ့ကြရပါတယ်။
အခုဆို သံဃမဟာနာယကအဖွဲ့ကနေ မြန်မာပြည်အနှံ့အပြားမှာ စိုက်ထူထားတဲ့ (မဘသ) အဖွဲ့ ဆိုင်းဘုတ်တွေကို ၂၀၁၇ ဇူလိုင် ၁၅ ရက် နောက်ဆုံးထားပြီး အပြီးအပိုင် ဖြုတ်သိမ်းဖို့၊ ဆုံးဖြတ်ချက်တွေကို လိုက်နာခြင်းမရှိပါက ရဟန်းပုဂ္ဂိုလ်ဖြစ်လျှင် သံဃာ့အဖွဲ့အစည်းဆိုင်ရာဥပဒေ ၂၀/၉၀ ဖြင့် အရေးယူရန်၊ လူပုဂ္ဂိုလ်ဖြစ်လျှင် သက်ဆိုင်ရာ တည်ဆဲဥပဒေများနဲ့ အရေးယူမယ့် ဆုံးဖြတ်ချက်ကို ထုတ်ပြန်ရတဲ့အဆင့်ကို ရောက်လာခဲ့ရပါပြီ။
၂၀၁၅ ရွေးကောက်ပွဲမှာ ပြည်သူမဲဆန္ဒအများစုကိုရပြီး အပြတ်အသတ် အနိုင်ရခဲ့တာမို့ လွတ်လွတ်ကျွတ်ကျွတ် အစိုးရဖွဲ့နိုင်ခဲ့တဲ့ အန်အယ်လ်ဒီအစိုးရ အာဏာလွှဲပြောင်းရယူချိန်ကစပြီး အရှိန်ယူလာခဲ့တဲ့ မျိုးချစ်ပုဂ္ဂိုလ်၊ မျိုးချစ်ရဟန်းဆိုသူတွေရဲ့ အမျိုးဘာသာ သာသနာ ကာကွယ်စောင့်ရှောက်မှု အကြောင်းပြပြီး လူမျိုးရေး၊ ဘာသာရေး မုန်းတီးမှု၊ ပဋိပက္ခဖြစ်စေနိုင်တဲ့ လှုံ့ဆော်ရေးသား ပြောဆိုဟောကြားလုပ်ဆောင်လို့ နိုင်ငံရဲ့ တည်ငြိမ်မှုကို နှောင့်ယှက်ဖျက်ဆီးလာကြတာဟာ အခုဆိုရင် တည်ဆဲဥပဒေတွေကို ပြောင်ပြောင်တင်းတင်း ချိုးဖောက်လာတဲ့အဆင့်ထိ အတင့်ရဲလို့ လာခဲ့ကြတာကြောင့် ဖြစ်ပါတယ်။
တကယ်တော့ အခုလို တိုင်းပြည်မငြိမ်မသက်ဖြစ်အောင် ရည်ရွယ်ချက်ရှိရှိ လှုံ့ဆော်ဖန်တီးနေကြတဲ့ သံဃာတွေဟာ အရင်စစ်အာဏာရှင် အသိုင်းအဝိုင်းတွေထဲက အခွင့်ထူးခံခွင့် စွန့်လွှတ်ရမှာ စိုးရွံ့နေတဲ့သူတချို့၊ အပြောင်းအလဲကို မလိုချင်တဲ့လူအချို့ရဲ့ ထောက်ခံမှုရလို့ဖြစ်ဖြစ်၊ ဘာသာရေး၊ လူမျိုးရေးဝါဒမှိုင်းတွေမိလို့ဖြစ်ဖြစ် အသုံးချခံနေရတဲ့ “လူတစုသံဃာ” အနည်းစုသာဖြစ်ပါတယ်။ ၂၀၁၆ ခုနှစ် တိုင်းဒေသကြီး/ပြည်နယ် ဝါဆိုသံဃာစာရင်းအရ မြန်မာနိုင်ငံမှာ ရဟန်းအပါး (၂၈၁,၃၆၆) နဲ့ သာမဏေ (၂၃၇,၂၂၇) ရှိတာမို့ စုစုပေါင်း သံဃာအင်အား ၅ သိန်းကျော်ရှိတယ်လို ပြောနိုင်ပါတယ်။
အထက်ကပြောခဲ့တဲ့ “လူတစုသံဃာ” တွေကို အနည်းစုသာဖြစ်တယ်လို့ တိတိကျကျ ဆိုနိုင်ရခြင်းကတော့ ပြီးခဲ့တဲ့ ၂၀၁၅ ရွေးကောက်ပွဲက အဖြေပေးထားလို့ပါပဲ။ အဲ့ဒီလူတစုနဲ့ သံဃာတွေဟာ ၂၀၁၅ ရွေးကောက်ပွဲ မဲဆွယ်နေစဉ်ကာလမှာကတည်းက အန်အယ်လ်ဒီပါတီကို မဲမပေးဖို့ ပြောဆိုစည်းရုံးခဲ့ကြသူတွေပါပဲ။ အဲ့ဒီသံဃာတွေသာ အင်အားကြီးပြီး အများစုဖြစ်နေရင် အန်အယ်လ်ဒီပါတီအနေနဲ့ ရွေးကောက်ပွဲမှာ မဲနိုင်စရာအကြောင်း မရှိပါဘူး။
အခုလို ဘာသာရေး၊ လူမျိုးရေးကိစ္စကို ရှေ့တန်းတင်ပြီး အန်အယ်လ်ဒီ အရပ်သားအစိုးရကို အပြစ်တင် နှောင့်ယှက်နေကြတဲ့ လူပုဂ္ဂိုလ်တွေ၊ ရဟန်းတွေကြည့်လိုက် သမိုင်းအစဉ်အလာကောင်းဆိုတာ ဗလာနတ္ထိ၊ သူတို့ ပြောဟောနေတဲ့ အကြောင်းအရာတွေ၊ စကားတွေ၊ ကိုယ်အမူအယာ၊ နှုတ်အမူအယာ အားလုံးက သူတို့ရဲ့ ကိုယ်ကျင့်သီလနဲ့ အသိဉာဏ်အဆင့်အတန်း ဘယ်လောက်ရှိတယ်ဆိုတာကို ညွှန်ပြနေတာပါပဲ။ အဲ့ဒီ လူတစုရဲ့ သံဃာတွေဟာ အလွန်ရက်စက်ကြမ်းကြုတ်တဲ့ စစ်အာဏာရှင်တွေခေတ်တုန်းက လူထုသံဃာတွေကို ရိုက်နှက်ဖမ်းဆီးထောင်ချ၊ သေအောင် တမင်ရဲဘက်စခန်းတွေပို့၊ ဘုန်းကြီးကျောင်းတွေကို သူပုန်စခန်းဝင်စီးသလို စီးပြီး ဖျက်ဆီးသိမ်းပိုက်ခဲ့တဲ့ သမိုင်းအဖြစ်အပျက်တွေမှာ မပါဝင်ခဲ့ကြတာများပြီး ရေငုံနှုတ်ပိတ်နေခဲ့ကြသူတွေ ဖြစ်ပါတယ်။ သမိုင်းဆိုတာ ညာလည်းမညာပါဘူး၊ ညှာလည်းမညှာတတ်ပါဘူး။
ထေရဝါဒ ဗုဒ္ဓဘာသာနိုင်ငံတွေထဲမှာ အရှင်းသန့်ဆုံးနဲ့ ဘုရားဟောတရားကို စောင့်ရှောက်လိုက်နာနေတဲ့ နိုင်ငံတွေအထဲမှာ မြန်မာနိုင်ငံက အကောင်းနဲ့ အမှန်ဆုံး ကျန်ရစ်တဲ့နိုင်ငံလို့ ပြောရင် မမှားပါဘူး။ ယိုးဒယားနဲ့ သီဟိုဠ်နိုင်ငံတွေတောင် အဲ့ဒီက ဗုဒ္ဓဘာသာ ဘုန်းတော်ကြီးတွေက အာဏာပါဝါနိုင်ငံရေးနောက် လိုက်လာကြလို့ နာမည်စပျက်လာပါပြီ။ ဘာသာရေးပါတီတွေထောင်၊ လောကီ လူဝတ်ကြောင်တွေ ကိစ္စတွေမှာ ဘောင်ကျော်လာကြ၊ ငွေကြေးအရှုပ်အရှင်းတွေနဲ့ ဗွက်ထလာနေကြတာ ကမ္ဘာ့သတင်းတွေမှာ ဖတ်နေရပါပြီ။ မြန်မာနိုင်ငံက ထေရဝါဒကတော့ အဲ့ဒီနိုင်ငံတွေထက်တော့ သန့်ရှင်းစင်ကြယ်သေးတယ်လို့ ပြောနိုင်ပါတယ်။
တနည်းပြောရရင် မြန်မာနိုင်ငံက ထေရဝါဒ ဗုဒ္ဓဘာသာရဲ့ နောက်ဆုံးခံတပ် ဖြစ်ပါတယ်။
ဒီခံတပ်ကို မပြိုလဲအောင် မှန်ကန်တဲ့နည်းလမ်းနဲ့ ကာကွယ်စောင့်ရှောက်နိုင်မယ့် အစိုးရဟာ ဗုဒ္ဓဘာသာ တရားအဆုံးအမတွေကို အနှစ်သာရကျကျ နားလည်ကျင့်ကြံနေတဲ့ ဒေါ်အောင်ဆန်းစုကြည် ဦးဆောင်နေတဲ့ အန်အယ်လ်ဒီ ပြည်သူ့အစိုးရပဲဆိုတာ အမှားအမှန် ခွဲခြားတတ်သူတိုင်း မြင်နိုင်ပါတယ်။
ဒီတော့ ဗုဒ္ဓဘာသာကို အမှန်တကယ် စောင့်ရှောက်ကာကွယ်ချင်ရင် အန်အယ်လ်ဒီ ပြည်သူ့အစိုးရကို ဝိုင်းရံထမ်းပိုး ကာကွယ်လို့ မြေတောင်မြှောက်ကြရမှာ ဖြစ်ပါတယ်။ တနှစ်သားကျော်ကျော် သက်တမ်းရှိတဲ့ အရပ်သားအစိုးရဆိုတဲ့ ဒီမိုကရေစီ အပင်ပေါက်ကလေးကို အညွန့်ချိုးသလို အညွန့်ဆိတ်ပြီး အတက်မထွက်နိုင်အောင် လုပ်နေတာကြတာတွေကို ဝိုင်းဝန်းကာကွယ်ပေးကြရမှာပါ။ နောက်ဆုံး အန်အယ်လ်ဒီအစိုးရက စေတနာနဲ့ အမှားလုပ်မိရင်တောင် လမ်းလျှောက်တတ်စ ကလေးလေးကို ထူပေး ကူပေးသလိုမျိုး စောင့်ရှောက်ကြပါလို့ အလေးအနက် တိူက်တွန်းချင်ပါတယ်။
ဘာကြောင့်လဲဆိုတော့ ဒီအပင်လေး အညှောက်ထွက်လာဖို့ ကျနော်တို့ပြည်သူတွေ အကြာကြီးစောင့်ခဲ့ရ၊ ဘဝတွေ၊ အသက်တွေ အများကြီးပေးဆပ်ခဲ့ရတာကို ဖြတ်သန်းခဲ့ဖူးသူတိုင်း သိကြပါတယ်။ ရိုးရိုးလေးစဉ်းစားကြည့်လိုက်ပါ။ နှစ်ပေါင်း ၂၀ ကျော် ၃၀ နီးပါး ဘဝတွေပျက် အသက်တွေရင်းပြီး အများပြည်သူတွေ အဖိနှိပ်ခံဘဝက လွတ်မြောက်ဖို့ ဒေါ်အောင်ဆန်းစုကြည်တို့ရဲ့ အန်အယ်လ်ဒီပါတီဟာ ပြည်သူနဲ့တသားတည်း အတူတကွ တနိုင်ငံလုံး ကြိုးပမ်းခဲ့ကြပြီးမှ သူတို့လက်ထက်မှာ အမျိုးဘာသာ သာသနာကို နစ်နာအောင် ဘယ်တော့မှ လုပ်မှာမဟုတ်ဘူးဆိုတာ စိတ်ချလက်ချ ယုံကြည်လို့ရပါတယ်။
အထက်မှာရေးခဲ့တဲ့ “လူထုသံဃာ” တွေဆိုတာ ပြည်သူနဲ့အတူ သမိုင်းအဆက်ဆက် တသားတည်း ထာဝရရပ်တည်ခဲ့ကြပြီး တာဝန်ကျေပွန်ခဲ့ကြတဲ့ အညတရ ရဟန်းတော်များ ဖြစ်ကြပါတယ်။ “လူထုသံဃာ” တွေဟာ စစ်အာဏာရှင် ဗိုလ်ချုပ်ကြီးနေဝင်း လက်ထက်ကတည်းက အဖိနှိပ်ခံပြည်သူ ဥပါသိကာ ဒါယကာ၊ ဒါယိကာမတွေနဲ့အတူ တသွေးတည်း တသားတည်း ရပ်တည်ပြီး အောက်မှာရေးပြထားတဲ့ စစ်အာဏာရှင် ဆန့်ကျင်ရေး သမိုင်းမှတ်တိုင်တွေမှာ အတွေးအမြင် မတိမ်းမစောင်းဘဲ အစဉ်အလာ ကြီးမားစွာ ပါဝင်ခဲ့ကြပါတယ်။
၁) စကြာသီဟသံဃာ့အရေးအခင်း
၂) ၈၈၈၈ လူထုအရေးတော်ပုံ
၃) ၁၉၉၀ ရှစ်လေးလုံးနှစ်ပတ်လည်အခြေပြု ပတ္တနိက္ကုဇ္ဇနကံဆောင်ပွဲ
၎) ပခုက္ကူ အရေးအခင်းအခြေပြု ပတ္တနိက္ကုဇ္ဇနကံဆောင်ပွဲ
၅) ကမ္ဘာကျော်၂၀၀၇ ရွှေဝါရောင်တော်လှန်ရေး
၆) ဘာသာရေးအစွန်းရောက်၊ မျိုးချစ်အမည်ခံ အမျိုးသားရေးအတု မျက်နှာဖုံးခွာချမှု လှုပ်ရှားမှု
စတဲ့ သမိုင်းမှတ်တိုင်တွေမှာ ဥပါသိကာ ဒါယကာ ပြည်သူတွေနဲ့အတူ ရက်စက်ကြမ်းကြုတ်လွန်းလှတဲ့ စစ်အာဏာရှင်စနစ်ကို အပင်ပန်း ဆင်းရဲကြီးစွာ ရဲရဲဝံ့ဝံ့ ဘဝတွေရင်း အသက်တွေနှင်းပြီး ခေတ်အဆက်ဆက်မှာ စွန့်လွှတ်အနစ်နာခံ ဆောင်ရွက်ခဲ့ကြတာ “လူထုသံဃာ” တွေပဲ ဖြစ်ပါတယ်။
ဒါကြောင့် အထက်မှာရေးပြခဲ့တဲ့ သမိုင်းမှတ်တိုင်တွေမှာ ရိုးသားရှင်းသန့်စွာ ကိုယ်ကျိုးမဖက်၊ မယိမ်းမယိုင် ကျရာနေရာကနေ တာဝန်ကျေခဲ့ကြတဲ့ ရွှေဝါရောင် သံဃာတော်များ၊ ဘုရားရှင် အဆုံးအမနဲ့အညီ ဝိနည်းအတိုင်း ရဟန်းအလုပ်ကို အားထုတ် ကျေပွန်ကြတဲ့ သံဃာတော်အရှင်သူမြတ်များ၊ အမှန်တရားကို စောင့်ရှောက်ခဲ့ကြတဲ့ အညတရ ရဟန်းတော်များ၊ စစ်အာဏာရှင်စနစ်ကို ဆန့်ကျင်ရင်း ပျံလွန်တော်မူခဲ့ရသော မြန်မာပြည် တနံတလျားက အမှန်တရားဘက်တော်သား “လူထုသံဃာ” အညတရ ရဟန်းတော်များရဲ့ ကျေးဇူးတရားတို့ကိုလည်း ဒီဆောင်းပါးကနေ ရည်မှန်းဦးခိုက် ကန်တော့ပါတယ် ဘုရား။
လူမျိုးခြား၊ ဘာသာခြား မုန်းတီးတဲ့ရောဂါဟာ ၁၉၈၈ မတိုင်ခင်ထိ မြန်မာနိုင်ငံမှာ မစွဲကပ်သေးပါဘူး။ ဒီရောဂါဆိုးကြီးကို သူတို့ အာဏာလက်မလွှတ်ရရေးအတွက် အသုံးချဖို့ မျိုးနှစ်အဆိပ်ပစ်ထည့်ပြီး ဖြန့်ခဲ့တာ အရင်စစ်အာဏာရှင်ဟောင်း အသိုင်းအဝိုင်းတွေထဲက ခေါင်းမာဂိုဏ်းသားတွေပဲ ဖြစ်တယ်။
လူအများစုရဲ့ ဘာသာတရားအမြင်၊ အသိတရား အတွေးအခေါ် နိမ့်ကျကျန်ရစ်ခဲ့တာကို အမြတ်ထုတ်ပြီး လမ်းမှားပို့ခဲ့တာဟာ ၁၉၉၀ အနိုင်ရ အန်အယ်လ်ဒီကို အာဏာမလွှဲပေးတာကို အကြောင်းပြ ဖုံးကွယ်ဖို့ ၂၀၀၀ ခုနှစ်ဝန်းကျင်မှာ ဘာသာရေး၊ လူမျိုးရေး မှိုင်းတိုက်မှု ဆိုက်ဝါးအနေနဲ့ စတင်လာတာဖြစ်တယ်။ ဒါကို ယုံကြည်မိနေတဲ့ ပြည်သူတွေကို အလင်းပြဖို့ အစိုးရအာဏာစက်တင်မကဘူး၊ ဓမ္မစက်အပြင် သံဃာအစစ်၊ သံဃာအမှန်တွေဖြစ်တဲ့ “လူထုသံဃာ” တွေရဲ့ မြတ်စွာဘုရားရှင်ရဲ့ ဆုံးမလမ်းညွှန်မှုတွေနဲ့အညီ ဟောပြော တရားပြသမှုတွေ၊ သိနားလည်တဲ့ ပြည်သူတွေရဲ့ ပူးပေါင်းကူညီမှုတွေနဲ့ ဆရာ၊ ဒကာ ညီညွတ်စွာ လက်တွဲဖြေရှင်းကြရမှာ ဖြစ်ပါတယ်။
အချုပ်အားဖြင့်ရေးရရင် အဖိနှိပ်ခံပြည်သူတွေကို ကိုယ်စားပြုတဲ့ “လူထုသံဃာ” နဲ့ အာဏာကို လက်မလွှတ်ချင်တဲ့ အခွင့်ထူးခံ လူနည်းစုကို ကျောထောက်နောက်ခံပြုထားပြီး လူမျိုးခြား၊ ဘာသာခြား မုန်းတီးမှုတွေ ဖြန့်ဝေလို့ မြတ်စွာဘုရားရှင်ရဲ့ အလိုတော်နဲ့ ဆန့်ကျင်နေတဲ့ လူမျိုးရေး၊ ဘာသာရေးပဋိပက္ခတွေ၊ စစ်ပွဲတွေ ဖြစ်ပွားအောင် လှုံ့ဆော်နေကြတဲ့ “လူတစုသံဃာ” ဆိုတာ သမိုင်းအစဉ်အလာချင်းလည်း မတူသလို တန်ဖိုးချင်းမှာလည်း ကွာခြားပါတယ်။
အများပြည်သူ အကျိုးစီးပွားကို မဖော်ဆောင်တဲ့ လုပ်ရပ်တွေ၊ တိုင်းပြည် ငြိမ်းချမ်းသာယာ ဖွံ့ဖြိုးမှုကို အဟန့်အတားပြုနေတဲ့ ဘယ်လို လူပုဂ္ဂိုလ်၊ ရှင်ရဟန်း ဖြစ်ပါစေ၊ ပြည်သူလူထုတရပ်လုံးရဲ့ မုန်းတီးရွံရှာမှုကိုခံရပြီး မလှပတဲ့ သမိုင်းဆိုး သမိုင်းညစ်နဲ့ နိဂုံးသတ်ရတယ်ဆိုတာ သတိပြုစေချင်ပါတယ်။ မြန်မာနိုင်ငံသား လူပုဂ္ဂိုလ်၊ ရှင်ရဟန်းတိုင်း အမှန်နဲ့အမှား ခွဲခြားတတ်လျက် ကောင်းသောကံများသာ ပြုနိုင်ကြပါစေ။
မင်းကောင်းချစ်
မေလ (၂၄) ရက် ၂၀၁၇ ခုနှစ်
