နိုင်ငံရေးအကျဉ်းသားများအပါအ၀င် အကျဉ်းသား ၂၅၉ ဦးလွှတ်ပေး

ပြည်ထောင်စု ငြိမ်းချမ်းရေးညီလာခံ ၂၁ ရာစုပင်လုံကို ကြိုဆိုတဲ့ အနေနဲ့ နိုင်ငံခြားသား ၇၀ ကျော် နဲ့ နိုင်ငံရေးအကျဉ်းသားတွေ အပါအ၀င် အကျဉ်းသား ၂၅၉ ဦးကို  နိုင်ငံတော်သမ္မတက  ပြစ်ဒဏ် လွတ်ငြိမ်းခွင့် ပေးလိုက်ပါတယ်။ နိုင်ငံတော်ရဲ့ မေတ္တာနဲ့ စေတနာကို နားလည်ပြီး မိမိအကျိုး၊ ဒေသအကျိုး၊ နိုင်ငံတော် အကျိုးအတွက် အများပြည်သူနဲ့အတူ တာဝန်ထမ်းဆောင်နိုင်စေရေးအတွက်လည်းကောင်း လူမှုရေးအရ ငဲ့ညှာသောအားဖြင့် လည်းကောင်း နိုင်ငံသား အကျဉ်းသား ၁၈၆ ဦးကို ပြစ်ဒဏ် လွတ်ငြိမ်းခွင့်ပေးလိုက်တာလို့  မေ ၂၃ ရက် သမ္မတရုံးထုတ်ပြန်ချက်မှာ ဖော်ပြပါတယ်။ အလားတူ  အကျဉ်းထောင်အသီးသီးမှာ အကျဉ်းကျနေတဲ့ နိုင်ငံခြားသား ၇၃ ဦးကိုလည်း နိုင်ငံ အချင်းချင်း မိတ်ဝတ်မပျက် ဆက်ဆံရေးကို ရှေးရှုသောအားဖြင့် ပြစ်ဒဏ်မှ လွတ်ငြိမ်းခွင့် ပေးပြီး ပြည်နှင်ဒဏ်ပေးလိုက်တယ်လို့ သမ္မတရုံးက သီးခြားထုတ်ပြန်ကြေညာထားပါတယ်။ ပြန်လွှတ်ပေးလိုက်သူတွေထဲမှာ  တိုင်းရင်းသားလက်နက်ကိုင်အဖွဲ့ဝင်တွေ၊ လယ်သမား၊ အလုပ်သမားနဲ့ ကျောင်းသားတွေပါဝင်ပြီး  သာသနာရေးဝန်ကြီးဟောင်း ဦးဆန်းဆင့်လည်း ပါဝင်တယ်လို့ သတင်းတွေထွက်နေပါတယ်။ မန္တလေး အိုးဘိုထောင်ကနေ ပြန်လွတ်လာမယ့်သူတွေထဲ အမျိုးသား ၄၅ ဦး၊ အမျိုးသမီး ၁ဦး၊ တောင်သူ ၇ ဦးနဲ့ နိုင်ငံခြားသား ၃ ဦးပါဝင်တယ်လို့ ဒီဗွီဘီက ရရှိထားတဲ့ ကနဦးစာရင်း အရသိရပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up