လုပ်ခလစာ အပြည့်အဝရရှိရန်နှင့် အလုပ်သမားအခွင့်အရေးတချို့ ရရှိရန် တောင်းဆို
စိုးမိုးအောင်
·
May 18, 2017
လှိုင်သာယာမြို့နယ် စက်မှုဇုန် ၄ မှာရှိတဲ့ Join-Profit (Myanmar)Garment အထည်ချုပ်စက်ရုံက အလုပ်သမား ၃၅၀ လောက်ဟာ အခြေခံလုပ်ခလစာ အပြည့်အဝမရရှိဘဲ စက်ရုံအတွင်း အလုပ်သမားအခွင့်အရေးတချို့ မရရှိတဲ့အပေါ် မေလ ၁၇ ရက်ကစတင်ပြီး ဆန္ဒပြတောင်းဆိုခဲ့ကြပါတယ်။
အလုပ်ရှင်အလုပ်သမား သဘောတူစာချုပ်အတိုင်း မလုပ်ဆောင်တာ၊ စက်ရုံ အလုပ်သမားတွေကို ရိုင်းပျစွာဆက်ဆံပြောဆိုတာ၊ ခွင့်ယူတဲ့အခါ ရက်မှန်ကြေး၊ ရှားပါးစာရိတ် တလ ၅ ထောင်ဖြတ်တောက်တာ၊ အပိုကြေး ဖြတ်တောက်တာတွေရှိနေတယ်လို့ အလုပ်သမားတွေက ဆိုပါတယ်။
စက်ရုံလုပ်သားတွေကို အနိမ့်ဆုံးလုပ်ခလစာ ၁၈၀၀ ကျပ်ကနေ အမြင့်ဆုံးလုပ်ခလစာ ၃၆၀၀ ကျပ်သာရရှိနေပါတယ်။ အချိန်ပိုကြေးအဖြစ် ၁ နာရီကို ၄၅၀ ကျပ်ကနေ အမြင့်ဆုံး ၉၀၀ ကျပ်အထိပေးတယ်လို့ ဆိုပါတယ်။
အလုပ်ရှင်ဘက်က မေလ ၁၇ ရက်ကစပြီး ၁၈ ရက်နေ့အထိ အလုပ်သမားတွေကို လုပ်ငန်းခွင်ပြန်ဝင်ဖို့ ကြေညာချက် ၂ ကြိမ်ထုတ်ပြန်ထားပါတယ်။