A d v e r t i s e m e n t With Us

မိုဆူးလ်မြို့ဟောင်းကို အပြီးသိမ်းပိုက်နိုင်ရေး အီရတ်စစ်တပ် ဆက်တိုက်ခိုက်

ဓာတ်ပုံ - ရိုက်တာ
အီရတ်စစ်တပ်တွေက မိုဆူးလ်မြို့ဟောင်းကို အပြီးသတ်သိမ်းပိုက်နိုင်ဖို့အတွက် ဆက်လက်တိုက်ခိုက်နေကြပါတယ်။ အီရတ်စစ်တပ်တွေဟာ အိုင်အက်စ်တပ်ဖွဲ့ရဲ့ ထိန်းချုပ်မှုအောက်မှာပဲ ရှိနေသေးတဲ့ မိုဆူးလ်မြို့ အနောက်ဘက်ခြမ်းကို ဥပုသ်လ ရာမာဒမ်ကာလအတွင်း အပြီးသတ် သိမ်းပိုက်နိုင်ဖို့ ရည်ရွယ်ပြီး တိုက်ခိုက်နေကြတာပါ။ ၇ လအကြာ တိုက်ခိုက်ပြီးတဲ့နောက် မိုဆူးလ်မြို့မှာ အိုင်အက်စ်စစ်သွေးကြွတွေ ထိန်းချုပ်ထားတဲ့ နယ်မြေဟာ ဧက ၃၀၀၀ လောက်ပဲ ကျန်တော့တယ်လို့ အီရတ်စစ်တပ်ရဲ့ ပြောရေးဆိုခွင့်ရှိသူက ပြောပါတယ်။ အီရတ်စစ်တပ်ဟာ မကြာခင် စစ်ပွဲကို အနိုင်ရတော့မယ်လို့ ရေးသားထားတဲ့ စာရွက်တွေကို စစ်သွေးကြွတွေ ထိန်းချုပ်ထားတဲ့ နယ်မြေတွေအပေါ်ကို လေယာဉ်နဲ့ ကြဲချခဲ့ပါသေးတယ်။ အမေရိကန်လေတပ်က ကူညီတိုက်ခိုက်မှုတွေအပြင် အကြံပေးကူညီမှုတွေကြောင့် အီရတ်စစ်တပ်ဟာ ဒီလ အစောပိုင်းက စတင်ခဲ့တဲ့ မိုဆူးလ်မြို့ အနောက်မြောက်ဘက်ခြမ်း မြို့ဟောင်းတိုက်ပွဲမှာ မြန်မြန်ဆန်ဆန် အောင်မြင်မှုတွေ ရရှိနေပါတယ်။ အရေအတွက် မမျှတော့တဲ့ စစ်သွေးကြွတွေဟာ အသေခံကားဗုံးဖောက်ခွဲမှုတွေ၊ ပြည်သူတွေကြားကနေ လက်ဖြောင့်တပ်သားတွေနဲ့ ပြန်လည်တိုက်ခိုက်နေဆဲ ဖြစ်ပါတယ်။ တိုက်ပွဲတွေအတွင်း စစ်သွေးကြွတွေရဲ့ သတ်ဖြတ်မှုတွေနဲ့ အီရတ်စစ်တပ်ရဲ့ ဗုံးမိုးရွာချမှုတွေကြောင့် ပြည်သူလူထု အမြောက်အမြား သေဆုံးခဲ့ရတယ်လို့ သိရပါတယ်။ ပြီးခဲ့တဲ့အပတ်က မိုဆူးလ်ကနေ ထွက်ပြေးကြတဲ့ ပြည်သူတွေရဲ့ အရေအတွက်ဟာ တရက်ကို ၂ သောင်းမက ရှိတယ်လို့ အီရတ်အစိုးရက ပြောပါတယ်။ "ကျနော်တို့တပ်ဖွဲ့တွေက မြို့အတွင်းဘက်ကို တဖြည်းဖြည်းနဲ့ သိမ်းနေတာ ဆက်သိမ်းဖို့ နယ်မြေနည်းနည်းပဲ ကျန်တော့တယ်။ အိုင်အက်စ်အဖွဲ့တွေက ကျနော်တို့ အတင်းတက်လို့ မရအောင် ပြည်သူတွေကို အိမ်တွေထဲမှာ ပိတ်ထားတယ်။ ကျနော်တို့ကလည်း ပြည်သူတွေကို မထိခိုက်စေချင်တော့ အတင်းတက်လို့မရဘူး။ ဘယ်လိုပဲဖြစ်ဖြစ် မကြာခင်မှာ ကျနော်တို့ မြို့ကို အပြီးသတ် သိမ်းနိုင်တော့မှာပါ" လို့ အီရတ်စစ်တပ် အရာရှိတဦးက ပြောပါတယ်။ မြို့ခံ ၁ ဦးက "ကျမတို့ကို အိုင်အက်စ်တွေလက်ထဲကနေ သူတို့စစ်တပ်က ကယ်ခဲ့တာပါ။ ဘုရားသခင်ကို ကျေးဇူးတင်ပါတယ်" လို့ ပြောပါတယ်။ ဆက်လက်ပြီး သတင်းထောက်က အိုင်အက်စ်အဖွဲ့တွေက ပြည်သူတွေကို ဘယ်လိုဆက်ဆံကြသလဲလို့ မေးတဲ့အခါမှာတော့ "တော်တော်ဆိုးပါတယ်။ သူတို့က မိသားစုအရေးက အစ အစစအရာရာ ဝင်ပါ ထိန်းချုပ်ထားကြတယ်" လို့ ပြန်ဖြေခဲ့ပါတယ်။

A d v e r t i s e m e n t With Us

More News
Up