မုံရွာမြို့တွင် အုပ်စုဖွဲ့ ဆိုင်ကယ်နှင့် ခိုးနှိုက်သူများ ဖမ်းမိ
Aung Ko Latt
·
May 16, 2017
မေ ၁၅ ရက်နေ့ နေ့လယ်ပိုင်းက စစ်ကိုင်းတိုင်းဒေသကြီး မုံရွာမြို့ ထန်းတောရပ်ကွက် ဘုရားနီလမ်းအတိုင်း ဆိုင်ကယ်စီးလာတဲ့ မမြင့်မြင့်ခိုင်ကို အမည်မသိ အမျိုးသား ၂ ဦးက ဆိုင်ကယ်နဲ့ နောက်ကလိုက်လာပြီး ဆိုင်ကယ်လက်ကိုင်မှာ ချိတ်ထားတဲ့ ငွေ ၁ သိန်း ၂ သောင်း ၈ထောင့် ၅၀၀ ကျပ်နဲ့ ဖုန်းထည့်ထားတဲ့ အိတ်ကို လုယူထွက်ပြေးမှုဖြစ်ပေါ်ခဲ့ပါတယ်။
နေ့လယ်ပိုင်းမှာ လုယက်ခံရလို့ ပတ်ဝန်းကျင်ကို အော်ဟစ် အကူအညီတောင်းရာ ပြည်သူတွေ ဝိုင်းဝန်းဖမ်းဆီးပြီး ရဲတပ်ဖွဲ့လက် အပ်နှံခဲ့တာပါ။
လုနှိုက်ထွက်ပြေးသူတွေက မုံရွာမြို့ ကန်သာဦးရပ်ကွက်နေသူတွေ ဖြစ်တဲ့ အောင်ဇော်ဇော်(ခ)တရုတ်ကြီး (၂၀-နှစ်)နဲ့ မျိုးမင်းကျော်(ခ)မွှေးနီ(၁၆-နှစ်)တို့ ၂ ဦးကို ဖမ်းဆီးရမိခဲ့ပါတယ်။
ဆက်လက်ပြီး ကွင်းဆက်တရားခံစုံစမ်းရာ ကြက်တော(ခ)ရဲဝင်းအောင် (၁၇-နှစ်)ကို သက်သေတွေနဲ့အတူ ဖမ်းဆီးရမိခဲ့ပါတယ်။
နောက်ထပ်စုံစမ်းဖော်ထုတ်မှုတွေအရ ငွေ ၃ သောင်းကျပ်နဲ့ ဖုန်း ၁ လုံးပါ ဆလင်းဘတ်အိတ်တလုံး အပါအဝင် ပိုက်ဆံအိတ် ခိုးနှိုက်မှု ၆ မှုတို့ကို ဖော်ထုတ်ရရှိခဲ့ပါတယ်။
ခိုးနှိုက်မှု ကျုးလွန်သူ ၃ ဦးကို မုံရွာမြို့မရဲစခန်းက (ပ)၅၆၂/၂၀၁၇၊ ရာဇသတ်ကြီးဥပဒေ ပုဒ်မ ၃၇၉ အရ အမှုဖွင့်အရေးယူဆောင်ရွက်နေတယ်လို့ မုံရွာမြို့မရဲစခန်းက သိရပါတယ်။
