မြိတ်မြို့တွင် တနင်္သာရီတိုင်းအစိုးရနှင့်ပြည်သူများ စုပေါင်းအမှိုက်ကောက် (ဓာတ်ပုံ)
DVB
·
May 15, 2017
တနင်္သာရီတိုင်း မြိတ်မြို့မှာ ဒေသခံပြည်သူနဲ့အတူ တိုင်းဒေသကြီးအစိုးရ ဝန်ကြီးချုပ် ဒေါက်တာလဲ့လဲ့မော်၊ ဌာနပေါင်းစုံကဝန်ထမ်းတွေ၊ ရပ်ကွက်/ ကျေးရွာ အုပ်ချူပ်ရေးအဖွဲ့တွေနဲ့ လူမှုရေးအသင်းအဖွဲ့တွေ အင်အား ၁၀၀၀ လောက်နဲ့ စုပေါင်းအမှိုက်ကောက်ပြီး မြို့သန့်ရှင်းရေးလှုပ်ရှားမှုကို ဒီကနေ့မနက်က ပြုလုပ်ခဲ့ပါတယ်။
မြိတ်မြို့ သန့်ရှင်းသာယာ လှပရေးအတွက် သတ်မှတ်ထားတဲ့ ကမ်းနားလမ်းမကြီး တလျှောက်၊ နောက်လယ်ရပ်ကွက် အ.ထ.က (၅) ကျောင်းအရှေ့လမ်းနဲ့ မြိတ်တောင်ရပ်ကွက် အ.ထ.က ခွဲ မြို့သစ်ကျောင်း အရှေ့လမ်းမကြီးတလျှောက်မှာ အမှိုက်တွေ ကောက်ယူ ရှင်းလင်းခဲ့ကြတာဖြစ်ပါတယ်။
သတင်း - ဇော်ဇော်(မြိတ်)