ကြားဖြတ်ရွေးကောက်ပွဲအနိုင်ရ အန်အယ်လ်ဒီ ကိုယ်စားလှယ် ၃ ဦး ကန့်ကွက်ခံရ
DVB
·
April 26, 2017
ဧပြီလ ၁ ရက်နေ့က ပြုလုပ်ခဲ့တဲ့ ကြားဖြတ်ရွေးကောက်ပွဲမှာ အနိုင်ရတဲ့ ကိုယ်စားလှယ် ၃ ဦး ကန့်ကွက်လွှာ တင်သွင်းခံခဲ့ရပါတယ်။
ရန်ကုန်တိုင်းဒေသကြီး ကော့မှူး၊ လှိုင်သာယာနဲ့ ဒဂုံမြို့သစ်အရှေ့ပိုင်း မြို့နယ်တွေက အနိုင်ရခဲ့တဲ့ အမျိုးသားဒီမိုကရေစီအဖွဲ့ချုပ် (အန်အယ်လ်ဒီ) ကိုယ်စားလှယ် ၃ ဦးကို ကြံ့ခိုင်ဖွံ့ဖြိုးရေးပါတီ ကိုယ်စားလှယ်တွေက ပြည်ထောင်စုရွေးကောက်ပွဲ ကော်မရှင်ထံ ကန့်ကွက်လွှာ တင်သွင်းခဲ့တာဖြစ်ပါတယ်။
ဒဂုံမြို့သစ်အရှေ့ပိုင်း မြို့နယ်က အနိုင်ရတဲ့ အန်အယ်လ်ဒီအမတ် ဦးနေကျော်ကို ပြည်ခိုင်ဖြိုးပါတီက ဦးနေလင်းက ကန့်ကွက်လွှာတင်သွင်းထားသလို လှိုင်သာယာမှာအနိုင်ရတဲ့ ဦးဝင်းမင်းကို ဦးတင်ယုက ကန့်ကွက်ပြီး ကော့မှူးမဲဆန္ဒနယ်ကအနိုင်ရတဲ့ ဦးကျော်ဆွေဝင်းကို ဦးကျော်ဇင်ဟိန်းက ကန့်ကွက်လွှာတင်သွင်းတာလို့ ပြည်ထောင်စု ရွေးကောက်ပွဲကော်မရှင် အတွင်းရေးမှူး ဦးတင်ထွန်းက ပြောပါတယ်။
“သူတို့အနိုင်ရရှိသွားတာက တရားမဲ့ပြုကျင့်ပြီးတော့ ဆန္ဒမဲကို အများဆုံး ရရှိသွားတယ်ဆိုပြီတော့ အဲလိုမျိုးနဲ့ ကန့်ကွက်တာပါ။ ”
ကန့်ကွက်လွှာတင်ထားတဲ့ လှိုင်သာယာမဲဆန္ဒနယ်က ပြည်ခိုင်ဖြိုးပါတီ ကိုယ်စားလှယ် ဦးတင်ယုက ရွေးကောက်ပွဲမှာ ရွေးကောက်ပွဲဥပဒေနဲ့ မကိုက်ညီတဲ့ လုပ်ဆောင်ချက်တွေ ရှိခဲ့လို့ ကန့်ကွက်တာလို့ ပြောပါတယ်။
“ဒီလိုပဲ ကျနော်တို့ ဒီရွေးကောက်ပွဲ ကော်မရှင်ရဲ့ စည်းကမ်းချက်ဥပေဒတွေနဲ့ မကိုက်ညီတဲ့ ဟာလေးတွေကို ကန့်ကွက်တာပါ။ တခြားအထွေအထူးတော့ မရှိပါဘူး။”
ကန့်ကွက်ခံရသူ ကောမှူးမြို့နယ် အနိုင်ရ အန်အယ်လ်ဒီကိုယ်စားလှယ် ဦးကျော်ဆွေဝင်းကတော့ ရွေးကောက်ပွဲအတွင်း အရိုးသားဆုံးနဲ့ အသန့်ရှင်းဆုံးလုပ်ဆောင်ခဲ့တာကြောင့် ဒီလိုကန့်ကွက်ခံရတဲ့အပေါ် ပြောစရာမရှိကြောင်း ပြောပါတယ်။
“ကျနော်တို့က ကျနော်တို့ခေါင်းဆောင်နေရာဖြစ်တဲ့အတွက်ကြောင့်မို့ အရိုးသားဆုံးနဲ့ အသန့်ရှင်းဆုံး စည်းရုံးဟောပြောသွားတာချည်းပဲလေ။ ရွေးကောက်ပွဲကာလအတောအတွင်းမှာ လည်း ပဋိပက္ခအသွင်ဆောင်တဲ့ ကိစ္စမျိုးလည်းမရှိပါဘူး။ ထိထိမိမိကိစ္စတွေဘာတခုမှ မရှိခဲ့ပါဘူး။ ကျနော်တို့ကတော့ ရိုးရိုးရှင်းရှင်းပဲ ရွေးကောက်ပွဲကို ယှဉ်ပြိုင်သွားတာလေ။ ပြိုင်ဘက်တွေ အပေါ်မှာလည်း ကျနော်တို့က အကုန်လုံး တန်ဖိုးထားပြီးတော့မှ ပြောဆို ဆက်ဆံခဲ့တာပဲလေ။ ဆိုတော့ ကျနော်တို့ဘက်ကတော့ ဘာမှ ပြောစရာမရှိပါဘူး။”
ရွေးကောက်ပွဲအနိုင်ရတဲ့ လွှတ်တော်ကိုယ်စားလှယ်အမည်ကို တိုင်းဒေသကြီး သို့မဟုတ် ပြည်နယ်ရွေးကောက်ပွဲကော်မရှင်အဖွဲ့ခွဲက ကြေညာပြီး ၄၅ ရက်အတွင်းမှာ အနိုင်ရ ကိုယ်စားလှယ်တွေကို ယှဉ်ပြိုင်အရွေးခံခဲ့တဲ့ ကိုယ်စားလှယ်တွေနဲ့ မဲဆန္ဒရှင်ပြည်သူတွေက ပြည်ထောင်စု ရွေးကောက်ပွဲကော်မရှင်ထံ ကန့်ကွက်လွှာ တင်သွင်းခွင့်ရှိတာဖြစ်ပါတယ်။
၄၅ ရက်ပြည့်ရင်တော့ အခု ကန့်ကွက်လွှာတင်တဲ့ကိစ္စတွေကို ခုံရုံးဖွဲ့ပြီး စတင်စစ်ဆေး မယ်လို့ ပြည်ထောင်စု ရွေးကောက်ပွဲကော်မရှင်အတွင်းရေးမှူး ဦးတင်ထွန်းက ပြောပါတယ်။
ကန့်ကွက်လွှာတွေကို လာမယ့်မေ ၁၅ ရက်နေ့အထိ ပြည်ထောင်စုရွေးကောက်ပွဲ ကော်မရှင်က လက်ခံသွားမှာ ဖြစ်ပါတယ်။