မြန်မာနေရှင်နယ်လိဂ် အသင်းများရဲ့ ကြိုတင်ပြင်ဆင်မှုအခြေအနေ
DVB
·
January 6, 2012
၂၀၁၂ မြန်မာနေရှင်နယ်လိဂ်ပြိုင်ပွဲကို ဇန်နဝါရီလ ၇ ရက်နေ့မှာ စတင် ကျင်းပတော့မှာ ဖြစ်ပါတယ်။ အသင်းသစ် နှစ်သင်းတိုးလာတာကြောင့် မြန်မာနေရှင်နယ် လိဂ်ဟာ အသင်းပေါင်း ၁၄ သင်းနဲ့ ယှဉ်ပြိုင်ကစားကြမှာပါ။ ပထမဆုံးအကြိမ်အဖြစ် အောက်ဆုံး နှစ်သင်း တန်းဆင်းရမယ့်စနစ်ကို ကျင့်သုံးဖို့ စီစဉ်ထားခြင်းက ၂၀၁၂ မြန်မာနေရှင်နယ်လိဂ် ပြိုင်ပွဲရဲ့ ထူးခြားချက်လို့ ဆိုနိုင်ပါတယ်။ ရန်ကုန်ယူနိုက်တက်အသင်းက လက်ရှိချန်ပီယံဖြစ်ပြီး ၂၀၁၁ ပြိင်ပွဲမှာ ဧရာဝတီယူနိုက်တက်က ဒုတိယ၊ ဇေယျာရွှေမြေအသင်းက တတိယ ရရှိခဲ့ကြပါတယ်။ လာမယ့်၂၀၁၂ ပြိုင်ပွဲရဲ့အလားအလာကို ကြိုတင် သုံးသပ်နိုင်ဖို့ ပြိုင်ပွဲအသင်း ၁၄ သင်းရဲ့ ကြိုတင်ပြင်ဆင်မှု အနေအထားတွေကို သုံးသပ် တင်ပြလိုက်ရပါတယ်။
ရန်ကုန်ယူနိုက်တက်
ယခုနှစ်ပြိုင်ပွဲအတွက် ရန်ကုန်ယူနိုက်တက်အသင်းဟာ နိုင်ငံခြားသားကစားသမားတွေ အပြောင်းအလဲ ပြုလုပ်ထားတယ်။ နိုင်ငံခြားသား ကစားသမားခေါ်ယူမှု အဖြစ် ဆားဘီးယားတိုက်စစ်မှူးမီလန်နဲ့ ကွင်းလယ်လူ မလာဒန်၊ မက်ဆီဒိုးနီးယား နောက်ခံလူ နီကိုလာတို့ကို ခေါ်ယူထားပြီး ဧရာဝတီအသင်းမှ နောက်တန်းအတွင်းလူ မျိုးဝင်းထွဋ် ကိုလည်း ခေါ်ယူနိုင်ခဲ့တယ်။ ဒါပေမယ့် ကွန်မြူနတီဒိုင်းမှာ ရန်ကုန်တို့ခြေစွမ်းမပြနိုင်သေးဘဲ ဧရာဝတီယူနိုက်တက်ကို ပင်နယ်တီအဆုံးအဖြတ်မှာ ရှုံးချက်နာခဲ့တယ်။ အထူးသဖြင့် ရန်ကုန်ယူနိုက်တက်ရဲ့ ဗဟိုခံစစ်အတွဲနဲ့ဂိုးသမားတို့ တည်ငြိမ်မှု အားနည်းနေသေးလို့အချိန်မီပြုပြင်နိုင်ဖို့လိုအပ်နေပါတယ်။ ရန်ကုန်ယူနိုက်တက်အနေနဲ့ နဲ့ခံစစ်ပိုင်းတောင့်တင်းအောင် တည်ဆောက်နိုင်မယ် ဆိုရင်တော့ ချန်ပီယံဘွဲ့ကို ကာကွယ်နိုင်မယ့် အခွင့်အလမ်းကောင်းတွေ ရှိနေတာအမှန်ပါ။
ဧရာဝတီယူနိုက်တက်
ဧရာဝတီယူနိုက်တက်အသင်းဟာ ပြီးခဲ့တဲ့ ရာသီက ခြေစွမ်းပြခဲ့တဲ့ တိုက်စစ်မှူး ဂျူပီတာနဲ့ နောက်ခံလူ ဂျွန်တိုကို ဆက်ခေါ်ထားပြီး ဆလိုဗက်ကီးယား ကွင်းလယ်ကစားသမားတယောက် အသစ်ခေါ်ယူ အားဖြည့်ခဲ့ပါတယ်။ မျိုးဝင်းထွဋ်နဲ့မင်းမင်းထွန်းတို့ကိုတော့ ဒီရာသီမှာ လက်လွှတ်လိုက်ရတယ်။ ပြည်တွင်းကစားသမား ခေါ်ယူမှုအဖြစ် ထင်ကျော်အောင် (ဇွဲကပင်)၊ ကျော်ဇေယျာမင်း (ရတနာပုံ)၊ နိုင်နိုင်လင်း (ဟံသာဝတီ)၊ နိုင်လင်းဦးတို့နဲ့ အားဖြည့်နိုင်ခဲ့တယ်။ ဧရာဝတီယူနိုက်တက်ရဲ့ အဓိက အားနည်းချက်က အရန်အင်အားနည်းပါးမှုပါ။ အဓိက ပြိုင်ပွဲ၃ ရပ် ယှဉ်ပြိုင်ဖို့ရှိနေတာကြောင့် အရန်အင်အားနည်းပါးတဲ့
ဧရာဝတီယူနိုက်တက် ပြီးခဲ့တဲ့နှစ်ကလို ရလဒ်တွေကောင်းဖို့အတွက် ခက်ခက်ခဲခဲ ရုန်းကန်ရမယ့် အနေအထားဖြစ်ပါတယ်။
ဇေယျာရွှေမြေ
ပြီးခဲ့တဲ့ရာသီမှာ တတိယ ရထားတဲ့ ဇေယျာရွှေမြေအသင်းရဲ့အနေအထားက အနည်းငယ်အားနည်းသွားတယ်လို့ဆိုနိုင်ပါတယ်။ နိုင်ငံခြားသား ကစားသမား လူဟောင်းတွေ နေရာမှာ မာတင်နဲ့ဆာဆာကို အားဖြည့်ခဲ့တယ်။ ရွှေလှိုင်ဝင်းနဲ့ ဇော်ထက်အောင်တို့ကို ဆုံးရှုံးခဲ့ပြီး မကွေးအသင်းတိုက်စစ်မှူး စည်သူဝင်းကို ပြန်ခေါ်နိုင်ခဲ့တယ်။ နည်းပြချုပ် စတီဗင်ဟန်ဆန်လည်း မရှိတော့ဘဲ လက်ထောက်နည်းပြ ဦးစိုးမိုးက နည်းပြချုပ်အဖြစ်တာဝန်ယူမှာပါ။ ဇေယျာရွှေမြေရဲ့ အနေအထားဟာ ချန်ပီယံဖြစ်ဖို့အခွင့်အလမ်းနည်းပြီး မနှစ်ကထက် အဆင့်ကျမသွားအောင် အဓိက ရုန်းကန်ရမယ့်နေအထား ဖြစ်ပါတယ်။
ကမ္ဘောဇအသင်း
ကမ္ဘောဇအသင်းရဲ့ဒီရာသီအနေအထားက စိတ်ဝင်စားစရာပါ။ အသင်းမူဝါဒကို အပြောင်းအလဲပြုလုပ်ပြီး နိုင်ငံခြားသားကစားသမားတွေ ခေါ်ယူထားပါတယ်။ ရန်ကုန်ယူနိုက်တက် နောက်ခံလူဟောင်း ဟန်ဆန်ကို စာချုပ်ချုပ်ဆိုထားပြီး၊ ဥဿာ တိုက်စစ်မှူး လစ်ပီနွှဲ့ ရန်ကုန်ကွင်းလယ်လူဟောင်း ဆန်ဂျလို တို့ကို ခေါ်ယူဖို့နီးစပ်နေတယ်။ ပြည်တွင်းကစားသမားစုဖွဲ့မှုမှာ လက်ရွေးစင်ကစားသမား အများအပြား ရှိနေလို့တောင့်တင်းတဲ့ အနေအထားဖြစ်ပါတယ်။ ဝါရင့်နည်းပြကြီး အေးမောင်ကြီးက နည်းပြချုပ်အဖြစ် ပြန်လည်တာဝန်ယူမှာဖြစ်ပြီး ၂၀၁၂ မြန်မာနေရှင်နယ်လိဂ်မှာ ရန်ကုန်ယူနိုက်တက်အသင်းဆီက ချန်ပီယံဆုကို အဓိက ခြိမ်းခြောက်မယ့် စိန်ခေါ်သူ နံပါတ် ၁ အသင်းအဖြစ် သတ်မှတ်ချင်ပါတယ်။
ချန်ပီယံဟောင်း ရတနာပုံ နှင့် ပြင်ဆင်မှုကောင်းသော နေပြည်တော်
မြန်မာနေရှင်နယ်လိဂ်ရဲ့အအောင်မြင်ဆုံး ရတနာပုံအသင်းဟာ ပြီးခဲ့တဲ့ ရာသီက အဆင့် ၉ သာရခဲ့လို့ပြုပြင်ပြောင်းလဲမှု အများအပြား လုပ်ထားပါတယ်။ ဘယ်လ်ဂျီယံလူမျိုး နည်းပြချုပ် ရိုဟန် နေရာကို ဘရာဇီးသား ဘော်ရယ်ဂျီယို နဲ့အစားထိုးထားတယ်။ နိုင်ငံခြားသား ကစားသမားတွေ အပြောင်းအလဲလုပ်ထားပြီး ပြည်တွင်း ကစားကောင်းအချို့လည်း ခေါ်ယူထားတယ်။ ရက္ခပူရ အသင်းက သုထက်ပိုင်၊ ဥဿာအသင်းမှ နီမောင်မောင်အောင်နဲ့ ကျော်စိုးလွင်၊ မနောမြေ အသင်းဂိုးသမား မွန်ထရယ်အောင်၊ မြန်မာ ယူ-၁၉ အသင်းခေါင်းဆောင် ဖြိုးမောင်မောင်ကျော်တို့ကို ခေါ်ယူထားတာပါ။ အသင်းရဲ့လက်ရှိ အနေအထားက ဝါရင်နဲ့ လူငယ်ကစားသမားတွေမျှတတဲ့ အနေအထားမှာ ရှိနေတာကြောင့် နည်းပြသစ် ဘော်ရယ်ဂျီယိုသာ မှန်ကန်တဲ့ ဦးဆောင်မှု ပေးနိုင်ခဲ့မယ်ဆိုရင် ရတနာပုံအသင်း ထိပ်ဆုံး ၅ နေရာ အတွင်း ပြန်လည်ပါဝင်လာမှာ ဖြစ်ပါတယ်။
နေပြည်တော်အသင်းဟာ နိုင်ငံခြားသားကစားသမားတွေမပြောင်းဘဲ ပြည်တွင်းကစားသမား ၇ ဦးအထိ ခေါ်ယူအားဖြည့်ထားတယ်။ မြန်မာ့လက်ရွေးစင် ၂ ယောက်ဖြစ်တဲ့ ရွှေလှိုင်ဝင်းနဲ့ဇော်ထက်အောင်တို့ရောက်လာတာက အားကိုးရမယ့် အနေအထားပါ။ ချန်ပီယံဆုမှန်းတဲ့ အသင်းကြီးတွေကို နေပြည်တော်အသင်း အဓိက ဒုက္ခပေးနိုင်စွမ်း ရှိနေပါတယ်။
အလယ်အလတ်အသင်းများ ဒီရာသီမှာ အလယ်အလတ်အသင်းတွေရဲ့ပြင်ဆင်မှုတွေက အားရစရာ သိပ်မရှိပါဘူး။ ဥဿာနဲ့ဆောက်သမ်းတို့က အသုံးစရိတ်တွေ လျှော့ထားပြီး မကွေးကလည်း ပြည်တွင်းကစားသမားကောင်းတွေ ခေါ်ယူအားဖြည့်နိုင်မှု မရှိခဲ့ဘူး။ မကွေး၊ဥဿာနဲ့ဆောက်သမ်းတို့အရင်နှစ်တွေကလောက် ခြေစွမ်းပြနိုင်မလား ဆိုတာ သံသယရှိစရာပါ။ ဒီ ၃ သင်းထက်စာရင် မနောမြေနဲ့ ရက္ခပူရ အသင်းတို့ရဲ့ ရာသီကြိုပြင်ဆင်မှု အနေအထားတွေက အားရစရာ ပိုကောင်းခဲ့လို့၂၀၁၂ မြန်မာနေရှင်နယ်လိဂ်မှာ အလယ်အလတ်အသင်းများရဲ့ ရပ်တည်မှုတွေ အပြောင်းအလဲ ဖြစ်သွားနိုင်ပါတယ်။
ပြီးခဲ့တဲ့ ဘောလုံးရာသီ ၂ ခုမှာ ဂိုးအလှူ ပေးခဲ့ရတဲ့ ဇွဲကပင်ယူနိုက်တက် ဒီရာသီတော့ အခြေအနေ အနည်းငယ် ပိုကောင်းလာနိုင်ပါတယ်။ ဘာကြောင့်ဆို ဇွဲကပင်ထက် အခြေအနေဆိုးတဲ့ အသင်းသစ် မောရဝတီနဲ့ ချင်းယူနိုက်တက်တို့ ပါဝင်လာလို့ပါ။ အသင်းသစ် ၂ သင်းလုံးမှာ နိုင်ငံခြားသား ခေါ်ယူမှုမပြုဘဲ ပြည်တွင်းကစားသမားစုဖွဲ့မှူကလည်း ပရိုအဆင့်မမီဘဲ ဖြစ်နေကြောင်းကို ၂၀၁၂ မြန်မာနေရှင်နယ်လိဂ် အကြိုအသင်းများရဲ့ ပြင်ဆင်မှုတွေအဖြစ် တင်ပြလိုက်ရပါတယ်။