စတုတ်ကို ၂-၁ ဂိုးဖြင့် အနိုင်ရပြီး ချဲလ်ဆီးက အမှတ်ပေးဇယားဆက်လက်ဦးဆောင် (ရုပ်သံ)

စနေနေ့ညက ယှဉ်ပြိုင်သွားတဲ့ ပရီးမီးယားလိဂ်ပွဲစဉ်မှာ ချဲလ်ဆီးက စတုတ်စီးတီးကို ၂ ဂိုး ၁ ဂိုးနဲ့ အနိုင်ရသွားပါတယ်။ ချဲလ်ဆီးက ဒီပွဲမှာ ဒဏ်ရာရနေတဲ့ တိုက်စစ်မှူး ဟာဇက်ကလွဲရင် လူစုံထုတ် ယှဉ်ပြိုင်သွားပါတယ်။ ချဲလ်ဆီးအတွက် ဦးဆောင်ဂိုးကို ၁၃ မိနစ်မှာ ၀ီလျံစ်က သွင်းယူပါတယ်။ ချဲလ်ဆီးကပဲ ဘောလုံးပိုင်ဆိုင်မှုရော ထိုးဖောက် ကန်သွင်းခွင့် အကြိမ်ရေပါ ပိုရခဲ့ပါတယ်။ စတုတ်အတွက် ချေပဂိုးကို ၃၈ မိနစ်မှာ ချဲလ်ဆီးေ နာက်တန်းသမား ကာဟေးရဲ့ ဖျက်ထုတ်မှုကြောင့် ပင်နယ်တီကနေ ရသွားပါတယ်။ အဲဒီ ပင်နယ်တီကို ဝေါ်တာက သွင်းယူပါတယ်။ ချဲလ်ဆီးအတွက် အနိုင်ဂိုးကိုတော့ ၈၇ မိနစ်မှာ နောက်တန်းသမား ကာဟေးက သွင်းယူပြီး အနိုင်ရသွားပါတယ်။ နိုင်ပွဲဆက်တဲ့ ချဲလ်ဆီးဟာ အမှတ်ပေးဇယားထိပ်မှာ ၆၉ မှတ်နဲ့ ဦးဆောင်နေပြီး ဒုတိယနေရာက တပွဲလျော့ စပါးစ်ကို ၁၃ မှတ် ဖြတ်ထား နိုင်လိုက်ပါတယ်။ စတုတ်ကတော့ ၃၆ မှတ်နဲ့ အဆင့် ၉ နေရာမှာ ရပ်တည်နေပါတယ်။

More News
Up