အသားစားသိမ်းငှက်က ဥသြငှက်ကို ဘယ်လိုတိုက်ခိုက်ခဲ့သလဲ (ရုပ်သံ)

သဘာဝသားရိုင်းတိရစ္ဆာန်တွေကြားက ပတ်သက်ဆက်နွယ်နေမှုဟာ တကယ့်ကို အံ့သြစရာကောင်းလှသလို ထူးခြားတဲ့ တုံ့ပြန်တိုက်ခိုက်မှုတွေ၊ နေထိုင်မှုဝန်းကျင်တွေဟာလည်း စိတ်ဝင်စားစရာကောင်းပါတယ်။ မျိုးနွယ်တူချင်း တိုက်ခိုက်မှုတွေရှိကြသလို မတူညီတဲ့ မျိုးစိတ်တွေကြားက အသက်လုတိုက်ပွဲတွေလည်း ရှိနေတတ်တာမျိုးပါ။ ဒီရုပ်သံဗွီဒီယိုဖိုင်ထဲမှာတော့ ငှက်မျိုးနွယ်ချင်းတူပေမယ့် မတူညီတဲ့ မျိုးစိတ်ချင်း တိုက်ခိုက်မှုမှာ ဘယ်သူက အနိုင်တိုက်နိုင်မလဲဆိုတာကို တွေ့မြင်ကြရမှာပါ။ တိုက်ခိုက်မှုစွမ်းရည်မှာ တကယ့်ကို အားသာတဲ့ သိမ်းငှက်တကောင်နဲ့ ဥသြငှက် တကောင်ကြားက အပြန်အလှန်တိုက်ခိုက်မှုဟာ ရင်သပ်ရှုမောစရာပါပဲ။ သိမ်းငှက်ဟာ ဥသြငှက်ရဲ့ရင်ဘတ်ကို နင်းထားခဲ့ပြီး အသာစီးကနေ တိုက်ခိုက်နိုင်ခဲ့တာပါ။ ဥသြငှက်ဟာ ဘာမှမတတ်နိုင်ခဲ့bJ မြေပြင်ပေါ်မှာ ပက်လက်အနေအထားနဲ့ ရှိနေခဲ့ပါတယ်။ သူ့ရဲ့ရင်ဘတ်မှာတော့ ထိုးဆိတ်ခံထားရတဲ့ ဒဏ်ရာကနေ သွေးတွေထွက်နေခဲ့ပြီး သိမ်းငှက်က အဆက်မပြတ် ထိုးဆိတ်နေတာကြောင့် အတောင်မွေးတွေဟာ မြေပြင်ပေါ် တဖွားဖွား လွင့်စင်နေခဲ့တာကို တွေ့ရပါတယ်။ ဥသြငှက်ဟာ ရုန်းကန်လိုက် သိမ်းငှက်က နင်းကာ လိုက်တိုက်ခိုက်လိုက်နဲ့ အခြေအနေဟာ အချိန်အတော်ကြာအထိ ရှိနေခဲ့ပြီး တချိန်လုံး သိမ်းငှက်ကသာ အသာစီးအခြေအနေနဲ့ တိုက်ခိုက်နိုင်ခဲ့တာကို တွေ့ရပါတယ်။

//
More News
Up