မိဘမဲ့ဂေဟာမှ ကလေး ၂ ဦးကို ရောင်းစားရန်သွေးဆောင်သူ ၂ ဦး ကော့သောင်းတွင် ဖမ်းမိ
DVB
·
February 21, 2017
ကော့သောင်းမြို့၊ မလိဝမ်းကျေးရွာ၊ ရွှေတောင်ဦး မိဘမဲ့ ပရဟိတကျောင်းမှ ကျောင်းသားနှစ်ဦးကို ရောင်းစားရန် သွေးဆောင်ဖြားယောင်းသူ ၂ ဦးကို ဖေဖော်ဝါရီ ၂၀ ရက်က ဖမ်းဆီးရမိခဲ့တယ်လို့ ကော့သောင်းမြို့မ ရဲစခန်းက သိရပါတယ်။
ရွှေတောင်ဦး မိဘမဲ့ ပရဟိတကျောင်း ဂေဟာမှူး ဦးလွင်က ကျောင်းမှာ မောင်စိုင်းသီဟနဲ့ မောင်သီဟတို့ ပျောက်ဆုံးနေကြောင်း သိရတဲ့အတွက် လိုက်လံစုံစမ်းရှာဖွေရာ ကျောင်းအနီး ကိုပြူးရဲ့ နေအိမ်မှာ ခေတ္တရောက်ရှိနေတဲ့ အာလီ(ခ)စိုးနိုင် (၃၄-နှစ်) နဲ့ စန်းဝင်း (၅၀-နှစ်) တို့ဟာ အခြားကျောင်းသား ၃ ဦးနဲ့အတူ ဖေဖော်ဝါရီ ၁၈ ရက်က လိုက်ပါသွားခဲ့တယ်လို့ သိရပါတယ်။
ဆက်လက်ရှာဖွေရာ ကော့သောင်းမြို့ အေးရိပ်ငြိမ်ရပ်ကွက်ရှိ ဦးဝင်းလှိုင်ရဲ့ ပြုပြင်ရန် ကုန်းပေါ်တင်ထားတဲ့ လှေပေါ်မှာ ပြန်လည်တွေ့ရှိခဲ့ပါတယ်။
ဒီအမှုနဲ့ပတ်သက်ပြီး သွေးဆောင်ဖြားယောင်သူ အာလီ(ခ)စိုးနိုင်နဲ့ စန်းဝင်းတို့ကို ဦးလွင်က တရားလိုပြုလုပ်ပြီး ကော့သောင်းမြို့မရဲစခန်းက ရာဇသတ်ကြီးပုဒ်မ ၃၆၃/၃၆၇/၅၁၁ အရ အရေးယူဆောင်ရွက်နေတယ်လုိ့ သိရပါတယ်။
သတင်း - လတ်ကိုကိုဦး
