ဗုံးသီးဟောင်းနှင့် ကျည်ဆန်များ ကသာမြို့တွင် တွေ့ရှိ
1.4K
စစ်ကိုင်းတိုင်းဒေသကြီး ကသာမြို့ အမှတ် (၄) ရပ်ကွက် တာရိုးလမ်း စစ်ဝင်းဆိပ် တောင်ဆင်းမှာ ဖေဖော်ဝါရီလ ၁၄ ရက် မနက်ပိုင်းအချိန်က ဗုံးသီး ဟောင်းတွေ နဲ့ ကျည်ဆန်တွေကို တွေ့ရှိခဲ့ပါတယ်။
ကသာ မြို့နယ်စည်ပင် အဖွဲ့မှ လက်ထောက် အင်ဂျင်နီယာ ဦးကြာလင်း ဦးဆောင်ပြီး ဘက်ဟိုးအသေးစားနဲ့ လမ်းချဲ့ခြင်း ဆောင်ရွက်ရာက ဒုတိယ ကမ္ဘာစစ်အတွင်းက ဗုံးသီးဟောင်းတွေကို တွေ့ရှိခဲ့တာ လို့ ဆိုပါတယ်။
ပွိုင့် ၃၀၃ ရိုင်ဖယ်ကျည်ဆံ (၅၆) တောင့်၊ အရှည် (၁) ပေ လုံးပတ် (၉) လက္မခန့်ရှိ အမြောက်ကျည်ဆန် (၅) လုံး၊ အရှည် (၉) လက်မ လုံးပတ် (၉) လက်မခန့်ရှိ အမြောက်ကျည်ဆန် (၁၄) လုံး၊ အရှည် (၄) လက်မခွဲ လုံးပတ် (၇) လက်မခန့်ရှိ (၁) လုံးတို့ကို တွေ့ရှိခဲ့တာပါ ။
အဆိုပါ တွေ့ရှိခဲ့တဲ့ ဗုံးသီးဟောင်းတွေကို အမှတ် (၉၀၉) စစ်မြေပြင် အင်ဂျင်နီယာ တပ်ရင်းမှ လာရောက်ကြည့်ရှုစစ်ဆေးခဲ့ပြီး ခမရ (၃၀၉) သို့ သယ်ယူထိန်းသိမ်းခဲ့တယ် လို့ သိရပါတယ်။
သတင်း - သီဟဆွေ (ကသာ)
