ဒီတပတ်ဆွေးနွေးမယ့် အကြောင်းအရာကတော့ အမျိုးသားဒီမိုကရေစီအဖွဲ့ချုပ်ရဲ့ ဥပဒေအကြံပေးဖြစ်တဲ့ တရားလွှတ်တော်ရှေ့နေ ဦးကိုနီဟာ အပြည်ပြည်ဆိုင်ရာလေဆိပ်မှာ ဇန်နဝါရီလ ၂၉ ရက်နေ့က လုပ်ကြံသတ်ဖြတ်ခြင်း ခံခဲ့ရပါတယ်။ ဒါနဲ့ပတ်သက်လို့ ဒါဟာ နိုင်ငံရေးအရလား၊ လူမျိုးရေးအရလား၊ ပုဂ္ဂိုလ်ရေးအရလား၊ ဒါမှမဟုတ် ဘာသာရေးအရလား ဆိုတဲ့ ပြောဆိုမှုတွေ အများကြီးရှိပါတယ်။ ဒါပေမယ့် သေချာတာက မြန်မာပြည်ရဲ့ တရားဥပဒေစိုးမိုးရေးနဲ့ပတ်သက်လို့ တော်တော်များများ မေးခွန်းထုတ်နေပါတယ်။ ဒါနဲ့ပတ်သက်လို့ နောက်ဆက်တွဲ တရားခံတွေကို ဖမ်းဆီးနိုင်အောင် ဆက်လက်ကြိုးစားနေပါတယ်။ အဲဒါနဲ့ပတ်သက်လို့ ဆွေးနွေးသွားမှာဖြစ်ပြီး ဒီတပတ် ဆွေးနွေးမယ့်သူတွေကတော့ သတင်းစာဆရာ ဦးဇေယျာသူနဲ့ စာရေးဆရာမ ဒေါ်မွန်မွန်မြတ်တို့ ဖြစ်ပါတယ်။ ဦးတိုးဇော်လတ် (ဒီဗွီဘီ) “ဒါရဲ့နောက်ကွယ်မှာ အခု အများပြောနေကြသလို ဒီဟာရဲ့ နောက်ဆက်တွဲဂယက်တွေ ဘာတွေရှိလဲ။ ဒါနဲ့ပတ်သက်လို့ ဘာတွေများ လုပ်ဆောင်ဖို့လိုမလဲ။ ဆရာ့ရဲ့အမြင်လေး သိပါရစေခင်ဗျ။” ဦးဇေယျာသူ (သတင်းစာဆရာ) “နောက်ဆက်တွဲဂယက်ကတော့ အခုကို ဆုံးပြီးပြီးချင်း ဖြစ်သွားပြီ။ ဒါကို နိုင်ငံတကာတွေမှာလည်း အမြင်အမျိုးမျိုးတွေ ဖော်ပြကုန်ကြပြီ။ ပြည်တွင်းမှာလည်း သို့လော သို့လောပေါ့နော်။ အဲဒီတော့ ပေါင်းစည်းသွားတာ ရှိသလိုမျိုး ကွဲသွားကြတဲ့ အဖွဲ့တွေလည်း ရှိတယ်။ ရှိတဲ့အခါကျတော့ ရာဇဝတ်မှု ဖြစ်ပြီပေါ့လေ။ ဒါကို ကြံဆောင်တဲ့လူရဲ့ သို့မဟုတ် အဖွဲ့အစည်းရဲ့ ရည်ရွယ်ချက်ပေါ့။ ဒါတွေက အများကြီးတော့ ရှိတာပေါ့လေ။ ဒီမှာကကျတော့ နိုင်ငံရေးအရ ထိပ်ဆုံးခေါင်းဆောင် ဒေါ်အောင်ဆန်းစုကြည်တို့၊ ဦးဝင်းထိန်တို့လို မဟုတ်ပေမယ့် ဒါ ထင်ရှားတဲ့ခေါင်းဆောင် ဖြစ်နေတဲ့အခါကျတော့ နိုင်ငံရေးအရ ရည်ရွယ်ချက်အရ လုပ်ဆောင်တာ။ ဒါမှမဟုတ်ရင်တောင်မှ နိုင်ငံရေးလို့ ထင်အောင် လုပ်ဆောင်တာပေါ့။ ကျန်တဲ့ Evidence တွေကိုတော့ ရဲကလည်း လိုက်နေတယ်။ ထပ်လည်း ပေါ်လာစရာရှိတယ်ပေါ့။ ဂယက်ကတော့ အခုကတည်းက ထပြီးသွားပြီ။ အရင်ဆုံးတော့ ဘာဖြစ်လဲဆိုတော့ မြန်မာပြည် ထိတာပေါ့ဗျာ။ နိုင်ငံရေးအရ တဦးနဲ့တဦး အဆင်မပြေလို့ ဒါက လက်စတုံးတာလား၊ ဒါမှမဟုတ်ဘဲနဲ့လည်း နောက်ဆို မပြောရဲ မဆိုရဲအောင် ကြောက်အောင် လုပ်တာလား။ အဲဒါမျိုးတွေ ယူဆလာကြတော့ လောလောဆယ်တော့ မြန်မာပြည်ကတော့ ထိသွားတာပေါ့။ လူတယောက် ဆုံးတယ်ဆိုရင် သူနဲ့ ရန်ဖြစ်ဖူးတဲ့လူတို့ ဘာတို့ အဲဒါမျိုးတွေ အရင်ဆုံးရှာတဲ့အခါကျတော့ အဲဒါနဲ့ပတ်သက်တဲ့ ပုဂ္ဂိုလ်တို့၊ အဖွဲ့အစည်းတို့မှာလည်း လူတွေက မှန်းဆပြီး ပြောကြတာတွေလည်း ရှိတယ်။ ဘာပဲဖြစ်နေဖြစ်နေ၊ ဘယ်သူပဲသတ်သတ်၊ ဘယ်အဖွဲ့အစည်းကပဲလုပ်လုပ် အခုဟာကတော့ အမှုမှန်ပေါ်ပေါက်ရေးပေါ့လေ။ ဒါကတော့ အားလုံးရဲ့ လိုလားတဲ့ ရည်မှန်းချက် ဖြစ်သွားပြီ။ နောက်တချက်ကတော့ နိုင်ငံရေးလုပ်လုပ်၊ မလုပ်လုပ် ဒီလိုမျိုးကြီး နိုင်ငံတကာလေဆိပ်မှာ၊ လေဆိပ်ဆို တကယ်ကို ခမ်းခမ်းနားနားကြီး အခုမှလည်း ဆောက်ပြီးစလည်း ဖြစ်တဲ့အခါကျတော့ အဲဒီမှာ လူသတ်မှုဖြစ်တယ်။ အများမြင်ကွင်းမှာလည်း ဖြစ်သွားတဲ့အခါကျတော့ ဒါကြီးက တရားဥပဒေစိုးမိုးမှုမှာ သာမန်လူတွေဆိုရင် ပိုတောင်စိုးရိမ်သွားတဲ့သဘော ရှိတယ်။” ဦးတိုးဇော်လတ် (ဒီဗွီဘီ) “ဟုတ်ကဲ့ခင်ဗျ။ ဆရာဇေယျာသူကတော့ ဒီကိစ္စဟာ ရည်ရွယ်ချက်ရှိရှိနဲ့ လူတွေကို မပြောရဲ မဆိုရဲ၊ နောက်တခုက လူအများသိအောင် တမင်လုပ်တယ်ဆိုတဲ့ပုံစံမျိုး ပြောပါတယ်။ အခု ဆရာမကိုလည်း မေးပါရစေ။ မြန်မာပြည်မှာ ဒီလိုမျိုး နိုင်ငံရေးအရ လုပ်ကြံသတ်ဖြတ်မှုဆိုတာက ရှားပါတယ်။ သေနတ်နဲ့ပစ်တာတို့ ဘာတို့ပေါ့နော်။ ဒီလိုအမှုကို သွားပြီးဆက်စပ်နေတာလည်း ဘုရားခိုးတဲ့ဂိုဏ်းပေါ့နော်။ အခုမိထားတဲ့တရားခံ ဦးကြည်လင်းနဲ့ နောက်ကွယ်ကလူတွေကလည်း ဘုရားခိုးဂိုဏ်းနဲ့ ပတ်သက်နေတယ်။ စောစောကလို ဘာသာရေးနဲ့ ပတ်သက်သလိုလည်း ရှိတယ်။ ဒါနဲ့ပတ်သက်လို့ ဆရာမအမြင်ပေါ့။ လုံခြုံရေးအဖွဲ့တွေမှာလည်း တာဝန်ရှိတာပေါ့နော်။ အဲဒါနဲ့ပတ်သက်လို့ ဆရာမအမြင် ဘာများ ဖြည့်စွက်ပြောလိုပါလဲ။” ဒေါ်မွန်မွန်မြတ် (စာရေးဆရာမ) “ကျမကတော့ ဒါ နိုင်ငံရေးလုပ်ကြံမှုတခုလို့ မြင်ပါတယ်။ ဒီလုပ်ကြံမှုတခု ဖြစ်သွားတဲ့အတွက် ဘယ်သူတွေ အကျိုးအမြတ်ရှိသလဲ။ ဘာတွေ အကျိုးအမြတ်ထွက်သလဲဆို စဉ်းစားမယ်ဆိုရင် အဲဒီသံသယတွေ လိုက်လာတယ်။ စဉ်းစားမယ်ဆိုရင် တကယ်တမ်းကျတော့ အချက် ၃ ချက် တွေ့တယ်။ နံပါတ်တစ်ကတော့ ၂၀၀၈ အခြေခံဥပဒေကို စွမ်းစွမ်းတမံ ပြင်နိုင်တဲ့ လူတယောက် ကျမတို့နိုင်ငံမှာ ဆုံးရှုံးသွားတယ်။ နံပါတ်နှစ်အချက်က ဒီလိုမျိုး ဘာသာခြားတယောက်အနေနဲ့ မြင်နေတဲ့ နိုင်ငံတနိုင်ငံမှာ ဒီလို ဘာသာခြားလူမျိုးတယောက်ကို သတ်လိုက်တဲ့အတွက် ဘာသာရေး လူမျိုးရေး အဓိကရုဏ်းတခုခု ဖြစ်လာအောင် မီးမွှေးတဲ့အနေအထားမျိုးလည်း ဖြစ်နိုင်တယ်။ ပြီးတော့ တရားဥပဒေစိုးမိုးရေးကို စိန်ခေါ်နေပြီ။ လက်ရှိအစိုးရသစ်က တရားဥပဒေစိုးမိုးရေးကို အာမခံချက်မပေးနိုင်တဲ့ အစိုးရသစ်ဆိုပြီးတော့ အစိုးရရဲ့ ပုံရိပ်ကိုလည်း ကျဆင်းစေတယ်။ ဒါတွေက သက်ဆိုင်ရာ ကြံစည်သူ လူတစုအတွက် အကျိုးအမြတ်ထွက်နိုင်တာတွေပေါ့နော်။ ဒါမျိုးတွေ သွားတွေ့တယ်။ နောက်ပြီးတော့ နိုင်ငံရေးမှာ တိုက်ဆိုင်မှုမရှိဘူးဆိုတဲ့ စကားလည်းရှိတယ်။ ဘာဖြစ်လို့လဲဆိုတော့ ကျမတို့ လူထုရွေးကောက်တင်မြှောက်လိုက်တဲ့ အစိုးရတရပ်အပေါ်မှာ မလိုလားတဲ့ပါတီတွေ အများကြီးရှိတယ်။ ဒါပေမယ့် ဒီပါတီတွေကလည်း အစိုးရအသစ်နဲ့ပတ်သက်ပြီး ကာလုံအစည်းအဝေး ခေါ်သင့်ပါတယ်လို့ ကြေညာချက်တွေ မကြာခဏထုတ်တယ်။ ကျမ သိသလောက်ဆိုရင် အစိုးရသစ်တက်ပြီးမှ ၃ ကြိမ်ရှိပြီ။ ရွေးကောက်ပွဲပြီးပြီးချင်း ၁ ပတ်အကြာမှာ၊ နောက် ပြီးခဲ့တဲ့နိုဝင်ဘာမှာ၊ ဇန်နဝါရီ ၂၅ ရက်နေ့မှာ။ အဲဒီလိုမျိုးတွေ ဖြစ်ပြီးတာနဲ့ ဆူပူမှုတွေ၊ မငြိမ်မသက်မှုတွေ၊ ဒီလို တရားဥပဒေစိုးမိုးမှု မရှိတဲ့ကိစ္စတွေက ထပ်ဖြစ်လာတယ်ဆိုတော့ ဒါတွေကလည်း ပြည်ထဲရေးဝန်ကြီးဌာနအနေနဲ့ ထည့်သွင်းစဉ်းစားသင့်တဲ့ အချက်တွေပေါ့။ လူတယောက်ကို လုပ်ကြံတဲ့ အဖွဲ့အစည်းသည် ဘယ်လိုအကြံအစည်တွေ ရှိနေတဲ့ အဖွဲ့အစည်းမျိုးတွေ ဖြစ်မလဲဆိုတဲ့ သံသယပေါ့နော်။ ဒါတွေကို ကျမတို့ ထည့်သွင်းစဉ်းစားဖို့ လိုပါတယ်ရှင့်။” ဦးတိုးဇော်လတ် (ဒီဗွီဘီ) “ဟုတ်ကဲ့ပါခင်ဗျာ။ ဆရာမ မမွန်မွန်မြတ်ကတော့ ဒီကိစ္စသည် အစိုးရ လုံခြုံရေးတာဝန်ယူထားတဲ့ အင်စတီကျူးရှင်းတွေမှာလည်း တာဝန်ရှိတယ်ပေါ့။ ဒါလည်း သေချာပါတယ်။ အစိုးရကလည်း သက်တမ်း ၁၀ လ ကျော်လာပြီ။ လွှတ်တော်လည်း ၁ နှစ်ပြည့်သွားပါပြီ။ အဲဒီလိုအချိန်မှာ ဒီလိုကိစ္စနဲ့ ဆက်နွယ်ပြီးတော့ တာဝန်ရှိတဲ့ အထူးသဖြင့် လုံခြုံရေးကဏ္ဍကို ယူထားတဲ့ ပြည်ထဲရေးရှိမယ်၊ ကာကွယ်ရေးရှိမယ်၊ နယ်စပ်ရေးရာ… ဒါတွေက တပ်မတော်က တိုက်ရိုက်ကိုင်နေတာပေါ့နော်။ ဒီလိုဖြစ်ရပ်တွေက အခုလို လုံခြုံရေးကဏ္ဍ လျော့ရဲရင်လည်း လုံခြုံရေးကဏ္ဍ တာဝန်ယူထားတဲ့ တပ်မတော်ရဲ့ အင်စတီကျူးရှင်းတွေလည်း ထိခိုက်နိုင်တာပေါ့။ အဲဒီလိုပဲ အစိုးရမှာလည်း တာဝန်ရှိတယ်ပေါ့။ အဲဒါနဲ့ပတ်သက်လို့ ဒီအမှုနဲ့ဆက်နွယ်ပြီး ဘယ်လိုမျိုး ထိရောက်အောင် လုပ်သင့်လဲ။ အဲဒါလေးကို ဖြည့်စွက်ဆွေးနွေးပေးပါဦးခင်ဗျ။” ဦးဇေယျာသူ (သတင်းစာဆရာ) “အခုက ရေဆုံးရေဖျားလိုက်ဖို့ ကျနော်တို့က သန္နိဋ္ဌာန်ချထားရမှာပေါ့။ အဲဒီတော့မှ ဒီအမှုနဲ့ပတ်သက်ပြီး ခြေခြေမြစ်မြစ် သိရပြီးတဲ့အခါကျရင် ဒါမျိုးအမှုတွေဟာ ပေါ်လေ့မရှိဘူးဆိုတဲ့ အစဉ်အလာကိုပေါ့။ နောက်တခုရှိတာက ဒီ Political Assassination တွေက အမေရိကန်ပြည်ထောင်စုတို့ ဘာတို့မှာကိုက သိပ်ပေါ်လေ့မရှိဘူးပေါ့ဗျာ။ အဲဒီအချက်ကလည်း ရှိတယ်။ ကျနော်စိုးရိမ်တာ နောက်တခုက ဘာလဲဆိုတော့ အခုအချိန်မှာ ကျနော်တို့ဆီမှာက နိုင်ငံရေးအရလည်း အပြောင်းအလဲ ဖြစ်နေတယ်။ နိုင်ငံတကာကလည်း အာရုံစိုက်နေတဲ့အခါကျတော့ ဒီအမှုက ဘာကိုပြလဲဆိုတော့ လုံခြုံရေးက တကယ့်လေဆိပ်ကြီးပေါ့နော်။ ပြီးတော့ Official Visit ကနေ ပြန်လာတဲ့ ပုဂ္ဂိုလ်တယောက် လုပ်ကြံခံရတဲ့အခါကျတော့ လုံခြုံရေးက တော်တော်လေးကင်းမဲ့နေတာ တွေ့ရတယ်။ အဲဒီအခါကျတော့ ဒီဟာက ဘာကြောင့်ဖြစ်လဲဆိုတာ အခုလောလောဆယ်မှာ မသိရသေးရင်တောင်မှ နောက်လုပ်မယ့်လူတွေအတွက်က ဒါက အားပေးအားမြှောက်ပြုလိုက်သလို။ ဟာ… လုပ်ရင်ရတယ် ဆိုတာမျိုးပေါ့ မြင်သွားစရာရှိတယ်။ အဲဒီအမြင်မျိုး မဖြစ်ရအောင် ကျနော်တို့က သေသေချာချာလုပ်ပြီးတဲ့အခါကျရင် တရားဥပဒေစိုးမိုးရေးမှာလည်း အခုလိုမျိုး ဒီနေရာမှာ ဖြစ်တော့မှပဲ ရဲတွေရောက်လာပြီး လုပ်တာမျိုး မဖြစ်ရအောင်လို့ မြန်မာနိုင်ငံရဲတပ်ဖွဲ့ကို ဘယ်လို အဆင့်မြှင့်တင်မလဲ။ ဒီမှာလည်း လူချထားတာမျိုး မဟုတ်ဘဲနဲ့ ထောက်လှမ်းရေးသတင်းရယူတာ ဘာညာပေါ့နော်။ ကြိုတင်ကာကွယ်လို့ရအောင် ဘယ်လိုအဆင့်မြှင့်မလဲပေါ့။ ဒါတွေကတော့ နိုင်ငံတော်အတိုင်ပင်ခံပုဂ္ဂိုလ်ကိုယ်တိုင်ကိုက ရွေးကောက်ပွဲမတိုင်ခင်ကတည်းက တောက်လျှောက်ပြောလာတာ။ Rules of Law ပေါ့။ တရားဥပဒေစိုးမိုးရေးကို တောက်လျှောက်ပြောလာခဲ့တာ ဖြစ်တယ်။ ဒီအချိန်ကတော့ တရားဥပဒေစိုးမိုးရေးလုပ်ဖို့ အချိန်ကောင်းပဲ။ ဘာဖြစ်လို့လဲဆိုတော့ တကယ့်ကို ဒီကိစ္စက Internationally လည်း ထွက်သွားတဲ့အခါကျတော့ လုပ်ဖို့အချိန်ကောင်းပေါ့။ ဒါ အခွင့်ကောင်းအနေနဲ့ ယူသင့်ပါတယ်။” ဦးတိုးဇော်လတ် (ဒီဗွီဘီ) “ဟုတ်ကဲ့ခင်ဗျာ။ ဒီအခြေအနေကို အခွင့်ကောင်းယူပြီးတော့ တရားဥပဒေစိုးမိုးရေးကို လုပ်စေချင်တယ်ပေါ့။ အဲဒီလိုပဲ အများပြည်သူရဲ့ ဆန္ဒမှာတော့ ဒီကိစ္စမှာ နောက်ကွယ်က စနစ်တကျ အဖွဲ့တခု ပါတယ်။ ဒါကို နည်းမှန်လမ်းမှန် ဖော်ထုတ်ပေးရမယ်ပေါ့။ အဲဒီလိုနဲ့တပြိုင်နက် ပြည်ထဲရေး၊ အထူးသဖြင့်တော့ ရဲတပ်ဖွဲ့ကတော့ တော်တော်လေးအမှတ်လျော့တယ် ပြောရမှာပေါ့နော်။ စစ်ဆေးတဲ့ ရဲစစ်ချက်တွေ အပြင်ထွက်တယ်၊ နောက် တက္ကစီသမားက ဝင်ဖမ်းပေးရတယ်။ အဲဒီလိုဟာတွေမှာရော ပြည်သူအများကလည်း ဒီအပေါ်မှာ မျှော်လင့်ချက်ရှိတယ်။ ဒီဥပမာကို ယူပြီးတော့ မြန်မာပြည်မှာ ပြုပြင်သင့်တာ ပြုပြင်အောင် သက်ဆိုင်တဲ့သူတွေ ဘာလုပ်သင့်လဲ၊ နောက်တခုက ဒီလိုမျိုးကိစ္စတွေမှာ တာဝန်ရှိတဲ့ ခေါင်တွေကိုတော့ မိခဲတယ်။ အဆက်အသွယ် နှစ်ခု၊ သုံးခုလောက်ပဲ ရှိတယ်။ အဲဒီအပေါ်မှာတော့ ပြည်သူတွေက ကျေနပ်မှာ မဟုတ်ဘူးလေ။ အဲဒီအပေါ်မှာ သက်ဆိုင်သူတွေအနေနဲ့ ဘာလုပ်သင့်လဲဆိုတာ မမွန်မွန်မြတ်အနေနဲ့ ဖြည့်စွက် ဆွေးနွေးပေးပါဦး ခင်ဗျ။” ဒေါ်မွန်မွန်မြတ် (စာရေးဆရာမ) “ကျမတို့က အခု ၂၀၁၇ ဆိုတဲ့ ကာလတခုက ပြီးခဲ့တဲ့ကာလတွေထက် အများကြီးသာတယ်။ ဘာဖြစ်လို့လဲဆိုတော့ မီဒီယာဖွံ့ဖြိုးမှုရှိတယ်။ နောက်ပြီးတော့ ပြည်ထဲရေးနဲ့ တပြိုင်နက်တည်း အပြင်ဘက် မီဒီယာသမားတွေ ကိုယ်တိုင်ကလည်း လွတ်လပ်စွာ စုံစမ်းထောက်လှမ်းပြီးတော့ အမှုမှန်ပေါ်ပေါက်ဖို့ ကူညီပေးနေကြတယ်။ ဒါတွေက အားသာချက်ပေါ့။ ဒီအမှုမှာ လူတွေကလည်း သိချင်နေကြတယ်။ တရားခံရဲ့ နောက်ကွယ်မှာ ဘယ်လိုအဖွဲ့အစည်းတွေ ရှိလဲဆိုတာ။ ဒါတွေကို အားလုံးက တောင်းဆိုနေကြတယ်။ သိချင်နေကြတယ်။ အစိုးရကို Push လုပ်နေကြတယ်။ ဆိုတော့ အဲဒီမှာ ပြည်ထဲရေးဝန်ကြီးဌာနက အဓိကတာဝန်ရှိသွားပြီပေါ့နော်။ ဒါပေမယ့် ကျမတို့ မြန်မာပြည်မှာ အရှေ့က ပြောရရင် ဦးကိုနီရဲ့ လုပ်ကြံမှုကို မဖော်နိုင်တာလည်း မပြောပါနဲ့ဦး။ ၂၀၁၃ ဒီပဲယင်းအရေးအခင်းမှာ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို လုပ်ကြံတဲ့ကိစ္စကြီးတောင်မှ ဘာမှ လက်စလက်န မပေါ်ခဲ့သေးတာပဲ။ မပေါ်ဘူးဆိုတာလည်း ဖြစ်နိုင်သေးတာပဲ။ ဒါပေမယ့် အနေအထားတခုကြောင့် ကွာခြားသွားပြီ။ ပြည်ထဲရေးဝန်ကြီးဌာနက ပိုပြီးတော့ တာဝန်ခံမှု၊ တာဝန်ယူမှုရှိတဲ့ အဖွဲ့အစည်းတခု ဖြစ်လာသင့်တာပေါ့နော်။ ပြီးတော့ အခုချိန်မှာ ကျမတို့ မြင်သလောက်က ပြည်ထဲရေးဝန်ကြီးဌာနက မီဒီယာတွေနောက်က လိုက်ပြီး မေးနေရတုန်းပဲ။ အခု မီဒီယာက သွားပြီး အင်တာဗျူးလုပ်တဲ့ ဦးအောင်စိုးကို သူတို့က နောက်တရက်မှ သွားပြီးမေးနိုင်တဲ့ အနေအထားမျိုးဆိုတော့ အခုအချိန်ထိက သူတို့ကနေ Initiate လုပ်ပြီးတော့ သွားတဲ့အနေအထား မမြင်ရသေးဘူး။ လူထုက လိုက်ဖမ်းပေးရတယ်။ လူထုကပဲ လိုက်ပြီး ဖြစ်နိုင်ခြေရှိတဲ့ သဲလွန်စတွေ ဖော်ပေးနေရတယ်။ နောက် မီဒီယာသမားတွေရဲ့ ခေါင်းပေါ်မှာပဲ တာဝန်ရှိနေသလို ဖြစ်နေတယ်။ ပြည်ထဲရေးဝန်ကြီးဌာနရဲ့ လုပ်ဆောင်မှုက အင်မတန်မှ နှေးကွေးပါတယ်လို့ မနေ့ကပဲ ဘဘဦးတင်ဦးကိုယ်တိုင် ပြောသွားတယ်။ ကျမတို့က ပြည်ထဲရေးဝန်ကြီးဌာနရဲ့ စွမ်းဆောင်ရည်၊ လူထုအပေါ် တရားဥပဒေစိုးမိုးမှု ဘယ်လောက်ပေးနိုင်မလဲဆိုတဲ့ သူတို့ တာဝန်ယူထားတဲ့အဖွဲ့အနေနဲ့ ဒီထက်ပိုပြီး သူတို့ အလုပ်လုပ်သင့်တယ်လို့ ကျမကတော့ မြင်ပါတယ်။” ဦးတိုးဇော်လတ် (ဒီဗွီဘီ) “ဟုတ်ကဲ့ခင်ဗျာ။ လူထုရေချိန်ပေါ့နော်။ လူထုက ဒါကို အတတ်နိုင်ဆုံး အမှုမှန်ပေါ်ပေါက်ရေး၊ တရားမျှတရေး ဖော်ထုတ်နေတယ်ပေါ့။ ဦးကိုနီရဲ့ အသုဘမှာတော့ ဘာသာပေါင်းစုံပေါ့နော်။ ဗုဒ္ဓဘာသာရော၊ အစ္စလာမ်ဘာသာဝင်တွေရော၊ ဟိန္ဒူဘာသာဝင်တွေရော၊ ခရစ်ယာန်တွေရော လူတွေလည်း အများကြီး ထွက်လာကြတယ်။ အထူးသဖြင့်တော့ intimidation လုပ်တာပေါ့။ ငါတို့ကို အမှန်တရား မပြောရဲ၊ မဆိုရဲဖြစ်အောင် လုပ်တာတော့ လက်မခံဘူးဆိုတဲ့ လူထုရေချိန်လည်း ဖြစ်တယ်ပေါ့။ အဲဒီလိုပဲ ဦးကိုနီက အခြေခံဥပဒေနဲ့ပတ်သက်ရင် အသစ်ပြန်ဆွဲမယ်ဆိုတဲ့ဘက်ကို တော်တော်လေး ပြောတော့ အန်အယ်လ်ဒီထဲမှာဆိုရင်တော့ ဟာ့ဒ်လိုင်းလို့ ပြောတာပေါ့။ အဲဒီတော့ ဒါနဲ့ဆက်နွယ်ပြီးတော့ တရားလွှတ်တော်ရှေ့နေ ဦးကိုနီ လိုချင်တဲ့ အခြေခံဥပဒေတခု ပြန်လည်ဆွဲရေး၊ အဲဒါနဲ့ပတ်သက်လို့ ဘာတွေများ ထိခိုက်နိုင်လဲ။ နောက်ဆက်တွဲ အကောင်းဘက်ကနေ ဘာတွေများ ရလာနိုင်လဲပေါ့နော်။ အဲဒါလေး ဖြည့်စွက်ဆွေးနွေးပေးပါဦး ခင်ဗျ။” ဦးဇေယျာသူ (သတင်းစာဆရာ) “နိုင်ငံရေးလုပ်ကြံမှုတွေပေါ့နော်။ Political Assassination တွေ လေ့လာကြည့်တဲ့အခါ လုပ်ကြံခံလိုက်ရင် လုပ်ကြံခံလိုက်ရတဲ့သူရဲ့ ဂုဏ်သိက္ခာ ပိုတက်သွားလေ့ရှိတယ်။ ဘယ်မှာသွားတွေ့ရလဲဆိုတော့ ကနေဒီ ဆုံးတော့လည်း ဒီအတိုင်းပဲပေါ့နော်။ ကနေဒီ အသတ်ခံရပြီးနောက်ပိုင်း သူ့နိုင်ငံရေးသိက္ခာက တော်တော်လေးတက်သွားတယ်။ လွတ်သွားတဲ့လူတွေတောင်မှ တော်တော်လေးတက်သွားတယ်။ ရေဂင်လိုမျိုးပေါ့။ ရေဂင် လွတ်သွားတယ်။ အဲဒီမှာ သူ့သိက္ခာ ပိုပြီးတက်သွားတယ်။ အဲဒါက တခုပေါ့လေ။ နောက်တခုက ဘာလဲဆိုတော့၊ ဦးကိုနီကတော့ ဒေါ်အောင်ဆန်းစုကြည် ဦးဆောင်တဲ့ အန်အယ်လ်ဒီပေါ့လေ။ သူ့ကို သူက အကူအညီပေးပြီးလုပ်ခဲ့တာ။ လုပ်ခဲ့တဲ့အခါကျတော့ အခြေခံဥပဒေပြင်ရေးကလည်း သူပြောထားတာ တော်တော်လေး စုံသလောက် ဖြစ်နေပြီ။ ဖြစ်နေတဲ့အခါကျတော့ အခုချိန်မှာက အန်အယ်လ်ဒီကို Support ပေးနေတာတွေကလည်း နိုင်ငံခြားသားတွေရော၊ ပြည်တွင်းမှာရောပေါ့။ အရင်လို မဟုတ်တော့ဘူးလေ။ အစိုးရဖြစ်တဲ့အတွက် သူ့မှာ အရင်းအမြစ်က များလာပြီဆိုတဲ့အခါကျတော့ အခြေခံဥပဒေပြင်ရေးတို့ ဘာတို့က အန်အယ်လ်ဒီမှာလည်း အရင်းအမြစ်ကတော့ ရှိဦးမှာပဲ။ ကျနော်ကတော့ အဲဒီလို မြင်ပါတယ်။” ဦးတိုးဇော်လတ် (ဒီဗွီဘီ) “ဟုတ်ကဲ့ခင်ဗျာ။ ဆရာမ မွန်မွန်မြတ်လည်း မေးပါရစေ။ ဒီလ ဖေဖော်ဝါရီမှာ ဒုတိယပင်လုံ ပြန်လုပ်မယ်။ အဲဒီအပေါ်ကနေစပြီး အခြေခံဥပဒေပြင်ရေးကိုလည်း သွားနိုင်တဲ့လမ်းစတွေ ရှိတယ်ပေါ့။ အခု လုပ်ကြံခံရတဲ့ ရှေ့နေကြီးဦးကိုနီရဲ့ အဓိကလမ်းကြောင်းကလည်း ၂၀၀၈ အခြေခံဥပဒေပြုပြင်ရေးပေါ့။ သူ လုပ်ကြံခံရတာနဲ့ပတ်သက်ပြီး ဒီအခြေခံဥပဒေပြင်ရေးမှာ ဘာတွေများ ဖြစ်လာနိုင်လဲ။ နောက်ဆက်တွဲ ဘာတွေရှိလာနိုင်လဲ။ အဲဒါလေးကို နောက်ဆုံးအနေနဲ့ ဖြည့်စွက်ပြောပေးပါဦးခင်ဗျ။” ဒေါ်မွန်မွန်မြတ် (စာရေးဆရာမ) “၂၀၀၈ အခြေခံဥပဒေ ပြင်ရေးကတော့ ဦးကိုနီကဲ့သို့ စွမ်းစွမ်းတမံ လုပ်ဆောင်နိုင်တဲ့ ပညာရှင်တွေ အများကြီးရှိပါတယ်။ ဒါပေမယ့် ဦးကိုနီလို ပြောရဲဖို့တော့ လိုတာပေါ့နော်။ ဦးကိုနီ ပြေခဲ့တဲ့ထဲမှာ တခုရှိပါတယ်။ အရပ်သားဝန်ကြီးချုပ်တွေ လက်ထဲကို အုပ်ချုပ်ရေးအာဏာ ရောက်ဖို့က အင်မတန် အရေးကြီးတယ်ဆိုတဲ့ အနေအထားမျိုးတွေ။ ဒါတွေက အခြေခံဥပဒေမှာလည်း ပြင်ဖို့လိုသလို ပြင်ပမှာလည်း အုပ်ချုပ်ရေးအာဏာကို ပိုင်ပိုင်နိုင်နိုင် အရပ်သားအစိုးရလက်ထဲကို ရောက်ဖို့ လုပ်ရမှာတွေ တကယ်လိုပါတယ်။ အဲဒါတွေကို ပြင်ဆင်ဖို့ လွှတ်တော်ထဲမှာတင်မကဘူး။ အပြင်မှာပါ အစိုးရအဖွဲ့တွေအနေနဲ့ပါ စွမ်းစွမ်းတမံလုပ်ဖို့ လိုပါတယ်။ ဒီလို ပြောမယ့်ဆိုမယ့် ရှေ့နေတယောက် မရှိတော့ပေမယ့် နောက်ထပ် ကျန်ခဲ့တဲ့ပညာရှင်တွေကလည်း ဒီကိစ္စကို ဆက်ပြီး မီးမောင်းထိုးပြီးတော့၊ ဦးကိုနီကဲ့သို့ ရဲရဲဝံ့ဝံ့ ပြောပြီး လုပ်ဆောင်သွားမယ်ဆိုရင်တော့ ကျမတို့ ဆုံးရှုံးသွားရတဲ့ ဦးကိုနီနေရာမှာ ကျမတို့ အစားထိုးမယ့် အခြားသော ဦးကိုနီများစွာ ရှိလာမယ်ဆိုရင်တော့ ဒီလုပ်ကြံမှုတခုကနေ ထွက်လာတဲ့ နိုင်ငံရေးအကျိုးအမြတ်လို့ ယူဆမယ်ဆိုရင် ယူဆလို့ရပါတယ်။”