မိကျောင်းကြီးနှင့် ခြင်္သေ့အုပ်စုကြားမှ ကြေက်မက်ဖွယ်တိုက်ပွဲ (ရုပ်သံ)

မိကျောင်းတွေဟာ ကုန်းနေရေနေသတ္တဝါတွေ ဖြစ်ကြပေမယ့် တောတွင်းမှာ ကျင်လည်ကျက်စားကြတဲ့ ခြင်္သေ့တွေနဲ့ ထိပ်တိုက်တွေ့ဆုံကြဖို့ဆိုတာ တကယ့်ကို မလွယ်ကူလှပါဘူး။ ဒီရုပ်သံဗွီဒီယိုဖိုင်ထဲမှာတော့ မိကျောင်းတကောင်နဲ့ ခြင်္သေ့ ၃ ကောင်အုပ်စု ဘယ်လိုတိုက်ခိုက်ကြသလဲဆိုတာကို တွေ့ရမှာပါ။ မိကျောင်းဟာ ရေစပ်စပ်တနေရာမှာ ရှိနေခဲ့ပြီး သူ့ဘေးမှာတော့ ခြင်္သေ့ ၃ ကောင်က ဝိုင်းရံထားခဲ့တာပါ။ လျင်မြန်ဖျတ်လတ်တဲ့ ခြင်္သေ့တွေဟာ မိကျောင်းကို ခုန်အုပ်ဖို့ ဘယ်လိုကြိုးစားခဲ့သလဲဆိုတာက စိတ်ဝင်စားစရာပါပဲ။ မိကျောင်းက တွားသွားနေရင်းကနေ ပါးစပ်ကြီးကိုဟပြီး ခြင်္သေ့တွေကို ကိုက်ဖို့ ပြင်ဆင်ထားခဲ့တာပါ။ ခြင်္သေ့တွေဟာ မိကျောင်းအနီးကို တိုးကပ်လာရင်း ရုတ်တရက်ပဲ ခုန်အုပ်ကာ ရှေ့ကရော နောက်ကပါ ကိုက်ဆွဲခဲ့ကြချိန်မှာ မိကျောင်းဟာ ကိုယ်ကိုရမ်းခါပြီး ခြင်္သေ့တွေကို ပြန်လည်ကိုက်ခဲဖို့ ကြိုးစားခဲ့တာကို တွေ့ရပါတယ်။ ဒါပေမယ့် မအောင်မြင်ဘဲ ခြင်္သေ့တွေကို မကိုက်မိခဲ့သလို ခြင်္သေ့တွေဟာလည်း ထူထဲလွန်းတဲ့ မိကျောင်းရဲ့ အရေခွံကြောင့် ကိုက်ဆွဲခဲ့ပေမယ့် မအောင်မြင်ခဲ့ကြပါဘူး။ ဒါပေမယ့် နောက်ပိုင်းမှာတော့ ခြင်္သေ့တွေဟာ မိကျောင်းကို အမိအရ ကိုက်ခဲနိုင်ခဲ့ပြီး တိုက်ခိုက်နိုင်ခဲ့တာကို ရုပ်သံဗွီဒီယိုဖိုင်ထဲမှာ တွေ့မြင်နိုင်ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up