မေယုFM ထုတ်လွှင့်မှုအပေါ် ဒေသခံများ၏ သဘောထားအမြင်

ရခိုင်ပြည်နယ်၊ မောင်တော၊ ဘူးသီးတောင်၊ ရသေ့တောင်ဒေသတွေမှာ မေယု FM ရေဒီယို အစီအစဉ်ကို အစိုးရပြန်ကြားရေးဌာနက ဖေဖော်ဝါရီ ၁ ရက်ကစပြီး ဗမာနဲ့ ရခိုင်ဘာသာအပြင် ဘင်္ဂါလီဘာသာစကားနဲ့ပါ  စမ်းသပ်ထုတ်လွှင့်နေပါတယ်။ မေယု FM အစီအစဉ်ဟာ ရခိုင်ပြည်နယ်မြောက်ပိုင်း မောင်တောဒေသမှာ နေထိုင်ကြသူတို့အတွက် သတင်းအချက်အလက်တွေ အချိန်နဲ့တပြေးညီ ဖြန့်ချိပေးနိုင်ဖို့ ထုတ်လွှင့်တဲ့ အစီအစဉ်ဖြစ်ပြီး မည်သည့် ပြင်ပပုဂ္ဂိုလ် အစုအဖွဲ့ကိုမျှ အသံလွှင့်ခွင့်ပေးခြင်းမဟုတ်ကြောင်း အစိုးရ ပြန်ကြားရေးက ထုတ်ပြန်ထားပါတယ်။ အခုလို မေယု FM အစီအစဉ်ကို ဘဂါင်္လီဘာသာစကားနဲ့ ထုတ်လွှင့်နေမှုအပေါ် ဒေသခံတွေရဲ့ သဘောထားသိရဖို့  ဒီဗွီဘီ နယ်မြေခံသတင်းထောက် ဝဏ္ဏခွာညိုက မေးမြန်းထားပါတယ်။ မောင်တော ပြည်နယ်လွှတ်တော်ကိုယ်စားလှယ် ဦးမောင်အုန်း “ဌာနဆိုင်ရာတွေအနေနဲ့ သတင်းမှန်ရရှိဖို့အတွက်ကို သူတို့က လုပ်ကြတယ်ပေ့ါ။ အဲဒီလိုပုံစံမျိုး ဖြစ်လာမယ့် အခြေအနေ မတွေ့ဘူးခင်ဗျ။ ဘာလဲဆိုတော့ ဒီဘင်္ဂါလီအသံနဲ့ ပြောတယ်ဆိုတော့ သတင်းမှန်ဖို့ဆိုတာ မလွယ်ဘူး။ အဲဒီသတင်းကို ဘယ်သူကပေးလို့လဲ၊ အာဏာပိုင်တွေပေးတဲ့ သတင်း သူတို့က တင်နေရတာလား၊ မဟုတ်ဘဲနဲ့ ဒေသခံတွေရဲ့ ပြောစကားအရ သူတို့က ပြောနေတာလား၊ ဒါကိုလည်း ကျနော်တို့က နားလည်ဖို့လိုတယ်။ အထက်ကပေးတဲ့သတင်းမျိုး ဆိုရင်တော့ ပြောဖို့မလိုဘူး ဆိုပေမယ့်လည်း အခြေကုပ်တခု ရသွားနိုင်တယ်။ အခွင့်အရေးတခု တောင်းဆိုလာနိုင်တဲ့ အခြေအနေပေါ်မှာ ကျနော်တို့က မြင်တယ်ခင်ဗျ။” စစ်တွေလူမှုအဖွဲ့အစည်းများ၏  ဦးဆောင်နာယက ဆရာဦးသန်းထွန်း “နံပါတ်တစ်တချက်က နိုင်ငံတော်အစိုးရရဲ့ သတင်းစကားအမှန်တွေကို ရောက်စေချင်တယ်။ နောက်တချက် အစွန်းရောက်တွေရဲ့ တဘက်သက်ဝါဒဖြန့်ချိမှုကို တွန်းလှန်ချင်တယ်ဆိုတဲ့ ရည်ရွယ်ချက်နဲ့ ထုတ်လွှင့်တယ်ဆိုတာကိုတော့ နားလည်မိပါတယ်။ ဒါပေမယ့် အဲဒီမှာ ဘာတွေဖြစ်လာလဲဆိုတော့ သူတို့ဘက်က ဘဂါင်္လီဆိုတဲ့ အသုံးအနှုန်း ထုတ်လွှင့်တယ်ဆိုတဲ့အခါ ဘင်္ဂါလီဆိုတဲ့ စာလုံးဟာ အစိုးရကိုယ်တိုင်က သူတို့ကို ဘင်္ဂါလီတွေ အသိအမှတ်ပြုပြီးတော့ ရေဒီယို အသံလွှင့်ပေးတာကြောင့် ဒီဘဂါင်္လီတွေ မြန်မာနိုင်ငံသားတွေ ဖြစ်တယ်ဆိုတဲ့ အစွဲသန်မှုတွေ ရှိလာနိုင်တယ်။ နောက်တချက် ဘာဖြစ်လဲဆိုတော့ ဘင်္ဂါလီအများစုဟာ သူတို့ရဲ့ မော်လဝီစကားတွေကို တသွေမတိမ်း လိုက်နာပြီးတော့ သိပ်ဖယ်ရှားရဲတဲ့သူတွေ မဟုတ်ဘူး။ အဲဒီတော့ အစိုးရရဲ့ ဝါဒဖြန့်ချိမှုဟာ မော်လဝီရဲ့ စကားတွေအပေါ် ကျော်လွန်ပြီး သက်ရောက်မယ်လို့ မထင်ဘူး။ ဆိုလိုချင်တဲ့ အဓိပ္ပာယ်ကတော့ ထိရောက်မှုနည်းမယ်လို့ ထင်တယ်။ နောက်ဆုံး အရေးကြီးဆုံးတချက်က ကျနော်တို့ အခု စိုးရိမ်တဲ့အချက်ကို တွေ့နေရပြီး၊ အစိုးရက ဘင်္ဂါလီစကားနဲ့ လွှင့်မယ်လို့ ဘယ်လောက်ပြောပြော သူတို့က နိုင်ငံတကာပြောတဲ့အခါမှာ ရိုဟင်ဂျာဘာသာစကားနဲ့ လွှင့်နေတယ်လို့ ပြောနေတယ်။ အဲဒီလို ဘေးထွက်ဆိုးကျိုးလည်း ဖြစ်လာနိုင်တယ်။ မေယု FM နဲ့ ပတ်သက်ပြီးတော့ ကျနော် ပြောရမယ်ဆိုလို့ရှိရင် အကောင်းနဲ့ အဆိုး၊ အကျိုးနဲ့ အပြစ်မှာ အကျိုးထက် အပြစ်က နည်းနည်းများ ပိုများမလာလို့ ကျနော် ဒီလိုပဲပြောချင်ပါတယ်။” စာရေးဆရာ ဦးဝေဟင်အောင် “အဲဒီလို အသံလွှင့်တာက ကောင်းပါတယ်။ လိုလည်း လိုအပ်ပါတယ်။ ထောက်လည်း ထောက်ခံတယ်။ ဒါပေမယ့် အဲဒီမှာ တချက်ပြောစရာရှိတာက အဲဒီလို အသံလွှင့်ခဲ့မယ်ဆိုလို့ရှိရင် ဒေသခံရခိုင်တွေ ကြိုပြီးတော့ အသိပေးသင့်တယ်။ ကျနော်တို့မှာ မနေတနေ့ကစပြီးတော့ ဘင်္ဂါလီတွေနဲ့ ပတ်သက်ပြီးတော့ အသံလွှင့်ဌာနတခု လုပ်တော့မယ်ဆိုပြီးတော့ ပြည်သူကို နည်းနည်းချပြသင့်တယ်။ နောက်တပိုင်းကတော့ ဘင်္ဂါလီဘာသာသက်သက် မဟုတ်ဘူး။ အဲဒီမှာ အနီးပတ်ဝန်းကျင်မှာရှိတဲ့ ရခိုင်တွေရှိတယ်။ အခြားမျိုးနွယ်စုဖြစ်တဲ့ မြို၊ သက်မ၊ ဒိုင်းနက်၊ မျိုးနွယ်စုတွေ ရှိမယ်။ အဲဒီတိုင်းရင်းသားတွေ ထည့်ပြီးတော့ စဉ်းစားသင့်တယ်။ အထူးသဖြင့် ပြောချင်တာက လွှင့်လို့ရတယ်။ ပွင့်လင်းမြင်သာမှုဖြစ်အောင်တော့ လုပ်သင့်ပါတယ်လို့ အဲဒီလိုပဲ ထောက်ပြချင်တယ်။ ကောင်းကျိုးအနေနဲ့ကတော့ ဘင်္ဂါလီတွေရဲ့ ဝါဒမှိုင်းတိုက်နေတဲ့ လော်ဘီတွေကို တနည်းအားဖြင့် ကာကွယ်နိုင်တဲ့ပုံစံမျိုး ဖြစ်သွားမယ်။ ဆိုးတဲ့ဘက်ကတော့ တခါတလေမှာ သူတို့ဘာသာစကားသက်သက်နဲ့သာ ထုတ်လွှင့်နေမယ်ဆိုလို့ရှိရင် ကျနော်တို့ တိုင်းရင်းသားတွေက ဘာကိုထုတ်လွှင့်နေမှန်းမသိဘူး။ ဘာတွေပြောလို့ပြောနေမှန်း မသိဘူး။ ဒါက ကောင်းတဲ့အချက် မဟုတ်ဘူး။ မီဒီယာကို အသုံးချပြီးတော့ နိုင်ငံရေးကစားခဲ့တာတွေ ရှိတယ်။” ရခိုင်အမျိုးသားပါတီ အထွေထွေအတွင်းရေးမှူး ဦးထွန်းအောင်ကျော် “ကျနော်တို့ ရခိုင်ပြည်မှာ ဒီဘဂါင်္လီကိစ္စဟာ တော်တော်လေးကို ပြင်းပြင်ထန်ထန်နဲ့ အကျပ်အတည်းတခုကို ဖြစ်ပေါ်စေတဲ့ကိစ္စတခု ဖြစ်တယ်။ ဒီနေ့လွှင့်နေတဲ့ ဘင်္ဂါလီဘာသာစကားနဲ့ ကိစ္စမှာ အစိုးရရဲ့ အမြင်ကတော့ ပြည်ပမှာရှိတဲ့ ဘင်္ဂါလီတွေရဲ့ အမြင်တွေကို ရှင်းလင်းသွားအောင်နဲ့ သတင်းတွေ ကျယ်ကျယ်ပြန့်ပြန် ရရှိစေဖို့အတွက် သူတို့က ထုတ်လွှင့်တယ်လို့ ပြောပါတယ်။ ဒါပေမယ့် တဘက်ကကြည့်ရင် ကျနော်တို့ ရခိုင်အမျိုးသားတွေကတော့ စိုးရိမ်မှုတခုက ဘယ်လိုလဲဆိုတော့ ဒီဘင်္ဂါလီတွေက ရခိုင်နယ်ပယ်နဲ့ ရခိုင်လူမျိုးတွေထက်စာရင် သတင်း၊ ဝက်ဆိုက်တွေ ထူထောင်ထားနိုင်တာ တွေ့ရတယ်။ နောက်တခုက ရေဒီယိုဆိုတာ လိုအပ်သလို သုံးစွဲလို့ရတယ်။ စစ်ရေးမှာလည်း သုံးလို့ရတယ်။ နောက် လျှို့ဝှက်ကိစ္စတွေမှာလည်း အမျိုးမျိုး ပြောလို့ရတယ်။ အစိုးရကတော့ ဒီလို သာမန်အမြင်နဲ့ လုပ်တယ်ဆိုပေမယ့် ကျနော်တို့ ရခိုင်လူမျိုးတွေအနေနဲ့ အင်မတန် သတိကြီးစွာနဲ့ထားရတယ်။ ဘယ်လိုမှ အမှားမခံနိုင်တဲ့ကိစ္စပါ။ တကယ်လို့ ဖြစ်လာလို့ရှိရင် ပထမဆုံးခံရမှာက ဘူးသီးတောင်၊ မောင်တောက အင်မတန်လူဦးရေနည်းနေတဲ့ ရခိုင်လူမျိုးတွေ အသက်အိုးအိမ်အတွက် ကျနော်တို့ အင်မတန်စိုးရိမ်ပါတယ်။ တခုခုကို အချိန်းအချက်လုပ်ပြီးတော့ သူတို့ဘာသာစကားနဲ့ မသိမမြင်နိုင်တဲ့ အချိန်းအချက်တခုနဲ့ ပြဿနာတခုကို ဖန်တီးလိုက်ရင် ကျနော်တို့ ရခိုင်တွေကသာလျှင် ဒီဒဏ်ခံရမှာဖြစ်တဲ့အတွက်ကြောင့် ကျနော်တို့ကတော့ အင်မတန် အန္တရာယ်များတယ်လို့ မြင်ပါတယ်။” ဝံလတ်ဖောင်ဒေးရှင်းမှ ဒါရိုက်တာ ဦးခိုင်ကောင်းစံ “ကျနော့်အမြင်ကတော့ ခေါင်းစဉ်က ပိုအရေးကြီးမယ် ထင်ပါတယ်။ ဒီလို အသံလွှင့်ဌာနတခု လုပ်မယ်ဆိုရင် မေယု FM ဆိုရင်တော့ မေယုခရိုင်အတွင်းမှာ နေထိုင်တဲ့ တိုင်းရင်းတွေရော၊ တိုင်းရင်းသား မဟုတ်တဲ့သူတွေရော အသံတွေပါရမယ်။ ဥပမာ ဒေသမှာ မြို၊ ရခိုင်၊ သက်ဒိုင်းနက်၊ သက္ကမ၊ ခမီ၊ မြို စတဲ့ သူတို့အသံလွှင့်တဲ့ အစီအစဉ်တွေ ပါရမယ်။ နောက်တခု မေယု FM ဆိုတဲ့ အစီအစဉ်မှာ ဘင်္ဂါလီဘာသာစကားနဲ့ လွှင့်တယ်ဆိုတာက ကျနော်ကတော့ အကောင်းဘက်ကို ဦးတည်တယ်လို့ မြင်တယ်။ ဒါက ကျနော့်ရဲ့အမြင်ပေါ့။ ဘာကြောင့် အကောင်းဘက်ကို ဦးတည်တယ် ဆိုတော့ ကျနော်တို့ အရင်တုန်းက ဦးနုခေတ်က လွှင့်ခဲ့တဲ့ဟာနဲ့ တခြားစီဖြစ်တယ်။ ဘာကြောင့်လဲဆိုတော့ ဘင်္ဂါလီတွေဖြစ်စဉ်ပေ့ါ။ ဘင်္ဂါလီတွေရဲ့ လှုပ်ရှားမှုတွေ၊ နောက်ပြီးတော့ ဘာသာစကားတွေအရသာ လွှင့်ဖို့ အရေးကြီးတယ်ပေ့ါ။ လွှင့်တဲ့အခါမှာလည်း ဘဂါင်္လီလို လွှင့်တယ်။ နောက်ပြီး မြန်မာလို၊ ရခိုင်လို စသည် ဘာသာပြန်ပြီးအားဖြင့်ပေ့ါ။ အဲဒီအခါကျမှ ကျနော်တို့ ရခိုင်တွေဘက်က ယုံကြည်မှုတွေ ဖြစ်လာမယ်။” ဝဏ္ဏခွာညို

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up