မောင်တောမြို့နယ်တွင် မူးယစ်ဆေးဝါးနှင့် ခဲယမ်းများ ဖမ်းမိ
DVB
·
February 6, 2017
မောင်တောမြို့နယ်ထဲမှာ ဖေဖော်ဝါရီလ ၅ ရက်နေ့ ညနေပိုင်းမှာ မူးယစ်ဆေးဝါးနဲ့ ခဲယမ်းတချို့ မေယုစစ်ဆင်ရေးအထူးတပ်ဖွဲ့က ဖမ်းဆီးရမိခဲ့ပါတယ်။
ညနေ ၅ နာရီခန့်မှာ မောင်တောဘက်ကို မောင်းနှင်လာတဲ့ ကားတစီးကို ဗောဓိကုန်းစစ်ဆေးရေးဂိတ်မှာ ရပ်တန့်စစ်ဆေးတဲ့အခါ ကားပေါ်မှာ ပီနံအိတ်နဲ့ထုပ်ထားတဲ့ WY စိတ်ကြွဆေးပြား ၄ သိန်းကျော်ကို ဖမ်းဆီးရမိခဲ့ပါတယ်။
အဲဒီမော်တော်ယာဉ်မှာပါလာတဲ့ လိုက်ပါလာတဲ့ ဦးအာစာရကို စစ်ဆေးမေးမြန်းချက်အရ နောက်ထပ် WY မူးယစ်ဆေးပြားတွေနဲ့ ခဲယမ်းတချို့ကို ရွှေဗဟိုဘုန်းကြီးကျောင်းထဲမှာ ရှာဖွေတွေ့ရှိ ခဲ့ပါတယ်လို့ သိရပါတယ်။ ရွှေဗဟိုဘုန်းကြီးကျောင်း အပေါ်ထပ် ကျက်သရေခန်း ခုတင်အောက်မှာ ဆာလာအိတ်အ၀ါရောင် ၃ အိတ်၊ အောက်ထပ်စတိုထဲက ဆာလာအိတ် ၅ အိတ်၊ ကျောင်းလှေကားအောက်က ဆာလာအိတ် ၁၁ အိတ်၊ စုစုပေါင်း ဆာလာအိတ် ၁၆ အိတ်ကို WY ဆေးပြားတွေထည့်ထားတာ တွေ့ရှိရပြီး ကျောင်းဆောင်ဘေးအခန်းထဲက ဗုံးသီး ၁ လုံး၊ နိုင်ငံခြားဖြစ် ၅.၅၆ ကျည် ၄၀ တောင့်၊ ကပစထုတ် ၅.၅၆ ကျည် ၁၅ တောင့်နဲ့ ၇.၆၂ ကျည် ၃၉ တောင့်တို့ကိုပါ သိမ်းဆည်း ရမိခဲ့ပါတယ်။ ဖမ်းဆီးရမိတဲ့ ဆေးပြားအရေအတွက်ဟာ ၄၂ သိန်း၊ ၂ သောင်းကျော်ရှိ ပါတယ်။
မူးယစ်ဆေးဝါးတွေနဲ့ ဖမ်းဆီးရမိတဲ့ ဗဟိုကျောင်းဆရာတော် ဦးအာစာရကို မူးယစ်နဲ့ လက်နက်ဥပဒေတွေအရ အမှုဖွင့်အရေးယူထားပြီး စစ်ဆေးနေဆဲဖြစ်တယ်လို့ သိရှိရပါတယ်။
ရခိုင်ပြည်နယ်ထဲမှာ မူးယစ်ဆေးဝါးနှိမ်နင်းဖို့အတွက် မေယုစစ်ဆင်ရေးကို ဖေဖော်ဝါရီ ၁ ရက်နေ့က စတင်ဆောင်ရွက်နေတာပါ။ ဒီစစ်ဆင်ရေးကို မူးယစ်ဆေးဝါးတားဆီး နှိမ်နင်းရေး ရဲတပ်ဖွဲ့က ဆောင်ရွက်နေတာဖြစ်ပြီး ရခိုင်ဒေသက မဟုတ်တဲ့ ရဲတပ်ဖွဲ့ဝင်တွေ ပါဝင်တယ်လို့ သိရပါတယ်။ ဖေဖော်ဝါရီလကို အထူးစစ်ဆင်ရေးလအဖြစ် သတ်မှတ်ထားတာပါ။
သတင်း၊ ဓာတ်ပုံ - ကိုအောင်
