ရန်ကုန်တိုင်းဒေသကြီးအတွင်း ရဲတပ်ဖွဲ့ဝင်များဖြင့် လုံခြုံရေးတိုးမြှင့်

ရန်ကုန်တိုင်းဒေသကြီး ရဲတပ်ဖွဲ့အနေနဲ့ ရပ်ရွာအေးချမ်းသာယာရေး၊  တရားဥပဒေစိုးရေးအတွက် ခရိုင် ၄ ခရိုင်အတွင်းရှိ မြို့နယ်တွေမှာ လုံခြုံရေးတာဝန်တွေ တိုးမြှင့်ချထားဆောင်ရွက်နေကြောင်း ရန်ကုန်တိုင်းရဲတပ်ဖွဲ့ ဖေ့စ်ဘွတ်ခ်စာမျက်နှာမှာ ဖော်ပြထားပါတယ်။ နယ်မြေများအလိုက် ရပ်ကင်းတွေ၊ စက်ဘီးလှည့်ကင်းတွေ၊ မော်တော်ဆိုင်ကယ်လှည့်ကင်းတွေ၊ မော်တော်ယာဉ် လှည့်ကင်းတွေအပြင် ယာဉ်စစ်ပိတ်ဆို့လုပ်ငန်းတွေ ဆောင်ရွက်နေတယ်လို့ ဆိုပါတယ်။ မြို့ဝင် မြို့ထွက်နေရာတွေ၊ အရေးကြီးအဆောက်အအုံတွေဖြစ်တဲ့ သာသနိကအဆောက်အအုံတွေ၊ တန်ခိုးကြီးဘုရားစေတီတွေ၊ ဆေးရုံတွေ၊ စာသင်ကျောင်းတွေ၊ တက္ကသိုလ်၊ ကောလိပ်တွေ ဘာသာရေး အဆောက်အုံတွေ၊ ပန်းခြံ၊ ဥယျာဉ်နဲ့ကစားကွင်းတွေ၊ လူစည်ကားရာနေရာ ဈေးဝယ်စင်တာတွေ၊ ဈေးတွေ၊ ကုန်တိုက်တွေ၊ လေဆိပ်၊ သင်္ဘောဆိပ်၊ သဗ္ဗာန်ဆိပ်၊ အဝေးပြေးယာဉ်ရပ်နားစခန်းတွေမှာ စစ်ဆေးဆောင်ရွက်နေတယ်လို့ သတင်းမှာ ဖော်ပြထားပါတယ်။ ဒါ့အပြင် ဟိုတယ်၊ မိုတယ်၊ အင်းနဲ့တည်းခိုခန်းတွေမှာလည်း တာဝန်ရှိသူတွေ ပူးပေါင်းကာ တည်းခိုသူစာရင်းတွေကိုလည်း စစ်ဆေး ဆောင်ရွက်နေတယ်လို့ ဆိုပါတယ်။ သတင်းဓာတ်ပုံ - ရန်ကုန်တိုင်းရဲတပ်ဖွဲ့

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up