၎ နှစ်ကလေးအား အဓမ္မပြုကျင့်မှု သံသယဖြင့် အသက် ၇၀ ကျော် အဘိုးအိုကို အမှုဖွင့်
DVB
·
February 5, 2017
မွန်ပြည်နယ်၊ ပေါင်မြို့နယ်၊ ဝဲပတန်ကျေးရွာမှာ အသက် ၇၄ နှစ်အရွယ်အဘိုးအိုတဦးက အသက် ၄ နှစ်အရွယ်ရှိတဲ့ မိန်းကလေးငယ်ကို အဓမ္မပြုကျင့်ခံရကြောင်း ဖေဖော်ဝါရီ ၁ ရက် နေ့လယ်ပိုင်းက လာရောက်တိုင်ကြားခဲ့တယ်လို့ ပေါင်မြို့နယ် အလှပ်ရဲစခန်းက သိရပါတယ်။
“ဖြစ်တာက ဝဲပတန်ကျေးရွာ၊ အမှတ်(၂)ရပ်ကွက်က ဦးအောင်ကျော်စိုး၊ ဒေါ်ပြည့်ပြည့်ဝင်းတို့ရဲ့ သမီးအငယ်ဆုံးပါ။ သားသမီးက ၄ ယောက်ပါ။ လောလောဆယ်တောာ့ ကျူးလွန်သူကို ဖမ်းဆီးထား ပါတယ်။ သူတကယ်လုပ်လား မလုပ်ဘူးလားဆိုတာကတော့ မျက်မြင်မတွေ့ခဲ့လို့ ကျနော်တို့အနေနဲ့ ပြောလို့မရသေးပါဘူး။ ဆေးစာထွက်မှဘဲ သိရမယ်။ မနေ့ကရုံးချိန်ကျော်သွားလို့ ရမန်မယူဖြစ်ဘူး။ ဒီနေ့မှပဲ တရားရုံးမှာ သွားယူရမယ်။ ဦးတင်လှကိုတော့ ၃၇၆ နဲ့ ဖွင့်ထားတယ်”လို့ အလှပ်ရဲကင်းစခန်းမှူး ရဲအုပ်တင့်လွင်ကပြောပါတယ်။
ဖြစ်စဉ်မှာ ဖေဖော်ဝါရီ ၁ ရက် မနက်ပိုင်းက ဒေါ်ပြည့်ပြည့်ဝင်း က တရွာတည်းနေ မခင်ဆွေဦးအိမ်မှာ အဝတ်လျှော်၊ ထမင်းချက်ပြုလုပ်ဖို့အတွက် သမီးဖြစ်သူ မပန်းအိဖြူကိုခေါ်သွားပြီး နေ့လယ်ပိုင်းမှာ ထမင်းကျွေးပြီး နေအိမ်မှာဆော့ကစားဖို့အတွက် ပြန်လွှတ်ခဲ့ပါတယ်။
မွန်းလွဲ ၁၂ နာရီ ခွဲလောက်မှာ တူမဖြစ်သူက ဒေါ်ပြည့်ပြည့်ဝင်း အဝတ်လျှော်တဲ့နေအိမ်ကို လိုက်လာပြီး သူတို့အိမ်ကို အလည်အပတ်ရောက်ရှိနေတဲ့ အဖိုးဖြစ်သူ ဦးတင်လှက မပန်းအိဖြိုးကို မဖွယ်မရာပြုလုပ်နေတာကို တွေ့ရကြောင်း ပြောပြလို့ ဒေါ်ပြည်ပြည့်ဝင်းမှ သမီးဖြစ်သူရဲ့ မိန်းမကိုယ်အား ကြည့်ရှုပြီးနောက် အလှပ်နယ်မြေရဲစခန်းကို သွားရောက် တိုင်ကြားခဲ့တာလို့ သိရပါတယ်။
ဖြစ်စဉ်နဲ့ပတ်သက်ပြီး ဦးတင်လှကို ပေါင်မြို့မရဲစခန်းက (ပ)၆၃/၂၀၁၇ ရာဇသတ်ကြီးဥပဒေ ပုဒ်မ ၃၇၆ နဲ့ အမှုဖွင့်အရေးယူထားတယ်လို့ ရဲမှတ်တမ်းတွေအရ သိရပါတယ်။
သတင်း - ယူမင်းစိုး