မြန်မာနိုင်ငံရဲ့ စီးပွားရေး ဖွံ့ဖြိုးတိုးတက်မှုနှုန်းက လာမယ့် ၃ နှစ်အတွင်း ၁ နှစ်ကို ပျှမ်းမျှ ၇ ဒသမ ၁ ရာခိုင်နှုန်းလောက် ရှိလာမယ်လို့ ကမ္ဘာ့ဘဏ်က ထုတ်ပြန်လိုက်ပါတယ်။ ဇန်နဝါရီ ၃၀ ရက်နေ့က ပြည်လမ်းမှာရှိတဲ့ ကမ္ဘာ့ဘဏ်ရုံးမှာ ပြုလုပ်တဲ့ မြန်မာ့စီးပွားရေး စောင့်ကြည့်အစီရင်ခံစာ ထုတ်ပြန်ပွဲမှာ အခုလို ထုတ်ပြန်လိုက်တာပါ။ ဒါ့အပြင် ငွေကြေးဖောင်းပွမှုကြောင့် ဖြစ်လာနိုင်တဲ့ ဖိအားတွေ လျော့နည်းသွားနိုင်ပြီး လူသုံးကုန်ပစ္စည်းထုတ်လုပ်ရေး၊ ခရီးသွားလုပ်ငန်း၊ အခြေခံအဆောက်အဦပိုင်းဆိုင်ရာ ဝန်ဆောင်မှုလုပ်ငန်း၊ အကြီးစားကုန်စည် မဟုတ်တဲ့ ထုတ်လုပ်ရေးကဏ္ဍတွေမှာ အစိုးရနဲ့ ပုဂ္ဂလိက စီးပွားရေးလုပ်ငန်းရှင်တွေရဲ့ ရင်းနှီးမြှုပ်နှံမှုတွေလည်း မြင့်တက်လာနိုင်တယ်လို့ အဲဒီထုတ်ပြန်ချက်မှာ ဖော်ပြထားပါတယ်။ ကမ္ဘာ့ဘဏ်ရဲ့ အကြီးတန်းစီးပွားရေးပညာရှင်က မြန်မာနိုင်ငံရဲ့ စီးပွားရေးတိုးတက်မှုနှုန်းက အရင်နှစ်ကထက် ကျဆင်းသွားတယ်လို့ ပြောပါတယ်။ “ဒီလိုကျဆင်းသွားရတာကလည်း လက်ရှိအစိုးရအနေနဲ့ စီးပွားရေးဖွံ့ဖြိုးတိုးတက်မှုရှိအောင် လုပ်ဆောင်နေပေမယ့်လည်း မြန်မာငွေကြေး ကျဆင်းနေတာဟာ စီးပွားရေးလုပ်ငန်းရှင်တွေကလည်း ပြောင်းလဲစ နိုင်ငံရေးအခြေအနေတွေကို စောင့်ကြည့်နေတာတွေကြောင့်ပါ။ ဒါကလည်း ပြောင်းလဲစ နိုင်ငံတိုင်းမှာ နိုင်ငံရေးတည်ငြိမ်မှုကို စောင့်ကြည့်ကြတာပါပဲ။ အစိုးရအနေနဲ့လည်း ငွေကြေးဆိုင်ရာမူဝါဒတွေ ရေးဆွဲတာ ပြင်ဆင်ရတဲ့အပိုင်းတွေ ရှိပါတယ်။ နောက် လယ်ယာစိုက်ပျိုးရေးကဏ္ဍ နှေးကွေးနေတာ။ ဒါအတွက်ကြောင့်ပဲ ထုတ်လုပ်မှုပိုင်း နှေးကွေးနေတာတွေ။ အဓိကကတော့ အစိုးရရဲ့ စီးပွားရေးဆိုင်ရာ မူဝါဒတွေနဲ့ ဖွဲ့စည်းပုံတွေကြောင့်လည်း ဖြစ်ပါတယ်” လို့ World Bank Group, Senior Country Economist Habib Rab က ပြောပါတယ်။ ရင်းနှီးမြှုပ်နှံမှုတွေ နှေးကွေးနေတဲ့ မြန်မာအစိုးရအနေနဲ့ စီးပွားရေးမူဝါဒတွေကို အများပြည်သူ ယုံကြည်မှုရရှိနိုင်ဖို့အတွက် လွယ်ကူရှင်းလင်းစွာ အသိပေးနိုင်ဖို့လည်း အရေးကြီးတယ်လို့ ပြောပါတယ်။ လက်ရှိအစိုးရအနေနဲ့ ပြီးခဲ့တဲ့နှစ် ဇူလိုင်လထဲမှာ စီးပွားရေးဆိုင်ရာမူဝါဒ ၁၂ ချက်ကို ထုတ်ပြန်ခဲ့ပြီး စီးပွားရေးတိုးတက်မှုတွေကို ပုံမှန်ထုတ်ပြန်တဲ့ အချက်ကလည်း ရင်းနှီးမြှုပ်နှံသူတွေအတွက် ယုံကြည်မှုတိုးစေတယ်လို့ ကမ္ဘာ့ဘဏ်ရဲ့ ထုတ်ပြန်ချက်မှာ ဖော်ပြထားပါတယ်။ “မြန်မာနိုင်ငံတွင်းမှာရှိတဲ့ ပြည်သူတွေ ဝင်ငွေတိုးပြီး အလုပ်အကိုင် အခွင့်အလမ်းတွေ တိုးတက်ဖို့၊ အခွင့်အရေးတွေ ဖန်တီးပေးနိုင်ဖို့ အရေးကြီးတာပါ။ ပြည်သူအားလုံး ပါဝင်နိုင်ပြီး တည်ငြိမ်တဲ့ ဖွံ့ဖြိုးတိုးတက်မှုကို ထိန်းနိုင်တဲ့မူဝါဒ ရှိဖို့ပါ။ ဒါ့အပြင် ဒီမူဝါဒတွေက ဆင်းရဲနွမ်းပါးတဲ့ အခြေခံလူတန်းစားတွေအပေါ် သက်ရောက်မှုပြင်းတဲ့ ငွေကြေးဖောင်းပွမှုကို လျှော့ချနိုင်မှုကလည်း အဓိကကျတယ်” လို့ မြန်မာနိုင်ငံဆိုင်ရာ ကမ္ဘာ့ဘဏ်ရဲ့ ဌာနေကိုယ်စားလှယ် မစ္စတာ အဗ္ဗဒူလာရေဆက်က ပြောပါတယ်။ မြန်မာနိုင်ငံရဲ့ စီးပွားရေး ဖွံ့ဖြိုးတိုးတက်မှုနှုန်းဟာ ၂၀၁၅-၂၀၁၆ ဘဏ္ဍာနှစ်မှာ ၇ ဒသမ ၃ ရာခိုင်နှုန်း ရှိခဲ့ရာကနေ ဒီနှစ် ဘဏ္ဍာနှစ်မှာတော့ ၆ ဒသမ ၅ ရာခိုင်နှုန်းအထိ ကျဆင်းခဲ့တယ်လို့ ကမ္ဘာ့ဘဏ်ရဲ့ ၂၀၁၆ ခုနှစ် ဒီဇင်ဘာလ ထုတ်ပြန်ချက်မှာ ဖော်ပြခဲ့ပါတယ်။