ပင်လည်ဘူးတွင် တရားမ၀င် တမလန်းသစ်များ ဖမ်းမိ

စစ်ကိုင်းတိုင်းဒေသကြီး ပင်လည်ဘူးမြို့နယ်မှာ တရားမဝင်သယ်ဆောင်လာတဲ့ တမလန်းသစ်တွေကို ဇန်န၀ါရီ ၂၈ ရက်နေ့က  ပိုင်ရှင်နှင့်အတူဖမ်း ဆီးရမိခဲ့ပါတယ်။ ၀န်းသို-ပင်လည်ဘူးမြို့နယ် ကားလမ်းမပေါ်မှာ AD ဘန်အဖြူရောင်ကားကို မသင်္ကာလို့ စစ်ဆေးရာကနေ  တရားမဝင်သယ်ဆောင်လာတဲ့ တမလန်းသစ်တွေကို ဖမ်းဆီးရမိတာလို့ ပင်လည်ဘူးမြို့ နယ်သစ်တောဦးစီး ဦးမြင့်ဝင်းသူက ပြောပါတယ်။ ကားပေါ်ကနေ တမလန်း ၁၀ တုံး ကာလတန်ဖိုး  ကျပ် ၆ သောင်းကျော်ဖိုးကို ဖမ်းမိခဲ့တာ ဖြစ်ပါတယ်။ တရားမဝင်တမလန်းသစ်တွေ သယ်ဆောင်လာသူ ယာဉ်မောင်းနဲ့ တခြားတယောက်တို့ကို ပင်လည်ဘူးမြို့မရဲစခန်းက  ပြည်သူပိုင်ပစ္စည်းကာကွယ်စောင့်ရှောက်ရေး ဥပဒေပုဒ်မ ၆(၁)နဲ့ အရေးယူဆောင်ရွက်နေပါတယ်။ သတင်းနှင့်ဓာတ်ပုံ - နိုင်စိုးလင်း

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up