၂၀၁၇ နှစ်မှာ အကြမ်းဖက်ဝါဒ ပိုပြီးခေါင်းထောင်ထလာလေမလား

muslim militants
၂၀၁၇ ခုနှစ် ကူးပြောင်းခါစ ဇန်နဝါရီလ ၁ ရက်နေ့၊ တနင်္ဂနွေနေ့မနက် ၁ နာရီ ၁၅ မိနစ်လောက်မှာ တူရကီနိုင်ငံ အစ္စတန်ဘူလ်မြို့က ညကလပ်တခုမှာ နှစ်သစ်ကူးအကြို ပျော်ပွဲဆင်နွှဲဖို့ စုဝေးရောက်ရှိလာကြတဲ့သူတွေကို အကြမ်းဖက်သမားတဦးက ဝင်ရောက်ပစ်ခတ် တိုက်ခိုက်မှုတခု ဖြစ်သွားခဲ့လို့ တူရကီနိုင်ငံတဝန်းနဲ့ တခြားနိုင်ငံအတော်များများက ပြည်သူလူထုတွေ ထိတ်လန့်တကြား ဖြစ်သွားခဲ့ပါတယ်။ ထိတ်လန့်လောက်အောင်လည်း အကြမ်းဖက်သမားတဦးတည်းက ပစ်ခတ်တိုက်ခိုက်မှုကြောင့် သေဆုံးခဲ့ရသူဦးရေက အနည်းဆုံး ၃၉ ယောက်ရှိပြီး အယောက် ၇၀ နီးပါးလောက် ဒဏ်ရာရရှိသွားခဲ့တာ ဖြစ်ပါတယ်။ အကြမ်းဖက်တိုက်ခိုက်မှုခံခဲ့ရတဲ့ ရေနာ ညကလပ်ဟာ အစ္စတန်ဘူလ်မြို့မှာ လူသိများ အထင်ရှားဆုံး ကလပ်တခုတွေထဲက ကလပ်တခုဖြစ်ပြီး နာမည်ကျော် အဆိုတော်တွေ၊ ရုပ်ရှင်သရုပ်ဆောင်တွေနဲ့ အားကစားသမားတွေ မကြာခဏ လာရောက်လေ့ရှိတဲ့ နေရာတခုလည်း ဖြစ်ပါတယ်။ ပစ်ခတ်တိုက်ခိုက်မှု ဖြစ်ပွားတဲ့ နှစ်သစ်ကူးအကြိုညမှာတော့ ကလပ်ထဲမှာ ပျော်ပွဲရွှင်ပွဲ တက်ရောက်လာတဲ့လူ ၆၀၀ လောက် ရှိခဲ့တယ်လို့ ဆိုပါတယ်။ ဟေဘာတပ်ခ်သတင်းစာမှာ အေပီသတင်းဌာနက ရရှိခဲ့တဲ့ လုံခြုံရေးကင်မရာဓာတ်ပုံတွေအရ ကျောပိုးအိတ်တအိတ် လွယ်ထားပြီး အမည်းရောင် ဝတ်ဆင်ထားတဲ့ တိုက်ခိုက်သူတယောက်က ကလပ်အပြင်မှာ ရဲအရာရှိတယောက်ကို သေနတ်နဲ့ပစ်ပြီး ကလပ်ထဲကို ဝင်ရောက်လာခဲ့တာကို တွေ့ရပါတယ်။ တခြားကင်မရာတခုက ရိုက်ကူးထားတဲ့ ဓာတ်ပုံတွေမှာတော့ သူဟာ ကလပ်ထဲမှာ မတူကွဲပြားတဲ့ ဝတ်စုံတွေနဲ့ စင်တာကလော့ ဦးထုပ်တလုံးကို ဆောာင်းထားတာလည်း တွေ့မြင်ရပါတယ်။ ဒါပေမယ့် တူရကီဝန်ကြီးချုပ်ကတော့ သူဟာ စင်တာကလော့ဦးထုပ် ဆောင်းထားခဲ့တယ်ဆိုတဲ့အချက်ကို ငြင်းပယ်ခဲ့ပါတယ်။ သူက သတင်းထောက်တွေကို “အဲဒါက မမှန်ပါဘူး။ သူက ကျနော်တို့သိတာကတော့ လက်နက်ကိုင် အကြမ်းဖက်သမားတယောက် ဆိုတာပါပဲ” လို့ ပြောကြားခဲ့ပါတယ်။ ပုဂ္ဂလိက ဒိုဂင်သတင်းဌာနက ရေနာကလပ်ပိုင်ရှင် မဲမက်ခိုခါဆလန်ကို တွေ့ဆုံမေးမြန်းရာမှာတော့ သူက ပုလိပ်တပ်ဖွဲ့က အထက်တန်းကျတဲ့ အော်တာခွိုင်ဝန်းကျင်မှာတော့ လုံခြုံရေးကို တိုးမြှင့်ချထားတာတွေ လုပ်ခဲ့တယ်လို့ ပြောခဲ့ပါတယ်။ မြို့ရဲ့အဓိက အချက်အချာနေရာတွေမှာ ၂၄ နာရီ ပုလိပ်စခန်းတဲတွေ ထိုးထားတာတွေနဲ့ ကမ်းခြေစောင့်တပ်ရဲ့ ကျွမ်းကျင်တဲ့ အားထုတ်မှုတွေပါသုံးပြီး လုံခြုံရေးကို အားဖြည့်ပေးထားခဲ့တယ်လို့လည်း ဆိုပါတယ်။ သူက “ပုလိပ်တပ်ဖွဲ့က ဒီကြိုတင် သတိထား လုပ်ဆောင်တာအားလုံး ရှိခဲ့ပေမယ့် ဒီနာကျင်ခံစားစရာ ကံမကောင်း အကြောင်းမလှတဲ့အဖြစ် ဖြစ်ခဲ့တာပါပဲဗျာ။ ဘာပြောရမှန်းတောင် မသိတော့ပါဘူး။ ကျနော်တို့က ပြောစရာစကား ကုန်သလောက်ဖြစ်နေပါပြီ” လို့ ပြောခဲ့ပါတယ်။ တကယ်လည်း ပုလိပ်တပ်ဖွဲ့ဟာ အမေရိကန် ထောက်လှမ်းရေး အစီရင်ခံစာက တူရကီမှာ အကြမ်းဖက်တိုက်ခိုက်ခံရနိုင်ချေ ရှိတယ်လို့ သတိပေးခဲ့အပြီး ၁၀ ရက်လောက်ကစပြီး လုံခြုံရေးဆောင်ရွက်မှုတွေကို ချမှတ်ဆောင်ရွက်ခဲ့တာ ဖြစ်ပါတယ်။ အဓိကမြို့ကြီးတွေဖြစ်တဲ့ အစ္စတန်ဘူလ်နဲ့ မြို့တော်အင်ကာရာမှာရှိတဲ့ အဓိကရင်ပြင်ကြီးတွေကို ဦးတည်တဲ့ ယာဉ်တွေကို ပိတ်ပင်ထားခဲ့ပြီး အစ္စတန်ဘူလ်မြို့ လုံခြုံရေးအတွက် ပုလိပ်တပ်ဖွဲ့ဝင် ၁၇၀၀၀ ကို ချထားပေးခဲ့ပြီး တချို့ကို စင်တာကလော့၊ တချို့ကို လမ်းဘေးဈေးသည်တွေယောင်ဆောင်ခိုင်းပြီး လုံခြုံရေးတာဝန်ကို ထမ်းဆောင်စေခဲ့ပါတယ်။ တရားရေးဝန်ကြီး ဘက်ခီယာ ဘော့ဇ်ဒက်ကဆို တူရကီအနေနဲ့ အကြမ်းဖက်အုပ်စုတွေကို ဆန့်ကျင်တိုက်ခိုက်မှုတွေလုပ်ပြီး ကြိုတင်နှိပ်ကွပ်သွားမယ်လို့ ကတိပေး ပြောကြားထားခဲ့ပါတယ်။ ဒါပေမယ့် အဲဒီအကြမ်းဖက်သမားဟာ ရုတ်တရက် ပြောင်းရှည်သေနတ်တလက်နဲ့ ကလပ်ကို ရောက်လာပြီး ကလပ်ရဲ့အပြင်မှာ တာဝန်ကျ ပုလိပ်တပ်ဖွဲ့ဝင်တယောက်နဲ့ အရပ်သားတယောက်ကို ပစ်သတ်ပြီး ကလပ်ထဲကိုဝင်၊ နှစ်သစ်ကူးပါတီပွဲ ကျင်းပနေကြတဲ့ လူအုပ်ထဲကို သေနတ်နဲ့ ပစ်ခတ်ခဲ့တာဖြစ်တယ်လို့ အုပ်ချုပ်ရေးမှူး ဝါဆစ်ဆာဟင်က ပြောပြခဲ့ပါတယ်။ ပြည်ထဲရေးဝန်ကြီး ဆူလေမန်ဆွိုင်လူကလည်း သေနတ်သမားဟာ လွတ်မြောက်နေဆဲဖြစ်ပြီး “အဲဒီအကြမ်းဖက်သမားကို ရှာဖွေဖို့ ဆက်ပြီးအားထုတ်နေပါတယ်” လို့ သူက ဆက်ပြောခဲ့ပါတယ်။ ကံဆိုးရှာတဲ့ သေဆုံးခဲ့ရသူတွေရဲ့ ၃ ပုံ ၂ ပုံနီးပါးဟာ နိုင်ငံခြားသားတွေဖြစ်ကြပြီး အတော်များများက အရှေ့အလယ်ပိုင်းက ဖြစ်တယ်လို့ နိုင်ငံပိုင် အနာဒိုလူ သတင်းဌာနက ဆိုပါတယ်။ ဒဏ်ရာရသူတွေထဲမှာတော့ အမေရိကန်တယောက်နဲ့ ဆော်ဒီအာရေဗျ၊ မော်ရိုကို၊ လက်ဘနွန်နဲ့ လစ်ဗျားနိုင်ငံသားတွေ ပါဝင်ကြပြီး တူရကီနိုင်ငံသားတွေလည်း ပါဝင်ပါတယ်။ တူရကီ ၃ ယောက်၊ ၄ ယောက်ကတော့ ညကလပ်က ဝန်ထမ်းတွေ ဖြစ်တယ်လို့ ဆိုပါတယ်။ ပုလိပ်တပ်ဖွဲ့ ထုတ်ပေးတဲ့ စီစီတီဗွီ ပုံတွေအရတော့ တယောက်တည်း ပစ်ခတ်တိုက်ခိုက်တယ်လို့ ယူဆရတဲ့ အကြမ်းဖက်သမားဟာ သူ ညကလပ်ထဲဝင်တဲ့ လမ်းကြောင်းမှာ ပစ်ခတ်ပြီး ဝင်ရောက်ခဲ့တယ် ဆိုတာကို တွေ့ရပါတယ်။ ပြည်ထဲရေးဝန်ကြီး ဆွိုင်လူက “ဒါ လူတွေကို အစုလိုက်အပြုံလိုက် သတ်တာပဲ။ တကယ့်လူမဆန်တဲ့ အကြမ်းဖက်ရက်စက်မှုပါပဲ” လို့ ခါးခါးသီးသီး ပြောကြားခဲ့ပါတယ်။ ဒီလို နှစ်သစ်ကူးအချိန်မှာ ဒီလောက် ရက်စက်ကြမ်းတမ်းတဲ့ အစုလိုက်အပြုံလိုက် ပစ်ခတ်သတ်ဖြတ်မှုကို ကျူးလွန်လိုက်တာဟာ လူ့နှလုံးသားရှိတဲ့ လူတွေရဲ့ ရင်ထဲမှာ အရမ်းထိတ်လန့်တုန်လှုပ် ကြေကွဲဝမ်းနည်းစရာ ဖြစ်ခဲ့ကြရတာကတော့ အသေအချာပဲ ဖြစ်ပါတယ်။ အဲဒီအချိန်မှာ မိသားစုနဲ့အတူ ဟာဝိုင်ရီကို ရောက်နေတဲ့ အမေရိကန်သမ္မတ ဘာရတ် အိုဘားမားက သူ့ရဲ့ အမျိုးသားလုံခြုံရေးအဖွဲ့ကို ရှင်းလင်းပြောပြခဲ့ပြီး အခြေအနေကို ဖြစ်ပေါ်ပြောင်းလဲနေတဲ့ အခြေအနေနဲ့အညီ သတင်းအချက်အလက်ရအောင် ဆောင်ရွက်ကြဖို့ မှာကြားခဲ့တယ်လို့ ဆိုပါတယ်။ အိမ်ဖြူတော်ကလည်း ဒီထိတ်လန့်ချောက်ချားစရာ အကြမ်းဖက်မှုကို ပြစ်တင်ရှုတ်ချလိုက်ပြီး လိုအပ်တဲ့ အကူအညီတွေ ပေးအပ်ဖို့ ကမ်းလှမ်းပြောဆိုခဲ့ပါတယ်။ ရုရှားသမ္မတ ဗလာဒီမာပူတင်ကလည်း တူရကီသမ္မတကို “ဒီလိုနှစ်သစ်ကူးအခါသမယမှာ အပြစ်မဲ့သူတွေကို သတ်ဖြတ်တဲ့ လူသားအပေါ် မကောင်းမြင် သတ်ဖြတ်တဲ့ ရာဇဝတ်မှုမျိုးထက်ပိုပြီး ဆိုးဝါးတဲ့ ရာဇဝတ်မှုမျိုးကို စဉ်းစားလို့တောင်မရနိုင်ပါဘူး” လို့ ကြေးနန်းစာ ရေးသားပေးပို့ခဲ့ပါတယ်။ နေတိုးအဖွဲ့ရဲ့ အတွင်းရေးမှူးချုပ် ဂျင်စ်စတောလ်တင်းဘတ်ဂ်ကတော့ “၂၀၁၇ ရဲ့ ဝမ်းနည်းကြေကွဲစရာအဖြစ်ကတော့ အစ္စတန်ဘူလ်မှာ အစပြုခဲ့ပါပြီ။ နှစ်သစ်ကူးကို ကြိုဆိုရင်း ပစ်ခတ်တိုက်ခိုက်တာ ခံခဲ့ကြရသူတွေနဲ့ တူရကီပြည်သူတွေဟာ ကျနော့်ရင်ထဲမှာ ရှိနေပါတယ်” လို့ ပြောကြားခဲ့ပါတယ်။ ဘယ်လိုပဲဖြစ်ဖြစ် အပစ်မဲ့ပြည်သူတွေကို အကြမ်းဖက်တာဟာ ဘယ်နိုင်ငံမှာမှ လက်ခံနိုင်စရာ မရှိပါဘူး။ ဒါပေမယ့် ဒီကနေ့ ကမ္ဘာအနှံ့အပြားမှာ ပုံစံမျိုးစုံနဲ့ အကြမ်းဖက် တိုက်ခိုက်သတ်ဖြတ်မှုမျိုးစုံကို သတင်းမီဒီယာတွေမှာ တွေ့မြင်ကြားသိနေကြရပါတယ်။ အထူးသဖြင့် ၂၀၁၇ နှစ်ဦးအစမှာပဲ စတင် အကြမ်းဖက်ခံခဲ့ရတဲ့ တူရကီနိုင်ငံကတော့ ၂၀၁၅ ခုနှစ်၊ ၂၀၁၆ ခုနှစ်တွေအတွင်းမှာ အကြမ်းဖက်မှုတိုက်ခိုက်မှုတွေကို အလူးအလဲ ခံခဲ့ရတယ် ဆိုတာကိုတော့ နိုင်ငံတကာအရေး စိတ်ဝင်စားသူတွေ သိရှိခဲ့ကြပြီးဖြစ်မှာပါ။ အကြမ်းဖက် တိုက်ခိုက်ခံရမှုတွေကို ပြန်ကြည့်လိုက်ရင်…. ၅-၆-၂၀၁၅၊ ဒီယာဘာကီယာ စုဝေးပွဲဗုံးခွဲတိုက်ခိုက်မှုမှာ ၄ ယောက်သေ၊ ၄၀၀ ဒဏ်ရာရ။ ၂၀-၇-၂၀၁၅၊ စူရတ် စုဝေးပွဲကို အသေခံဗုံးတိုက်ခိုက်မှုမှာ ၃၃ ယောက်သေ၊ ၁၀၄ ယောက် ဒဏ်ရာရ။ ၁၀-၁၀-၂၀၁၅၊ အင်ကာရာမြို့ ငြိမ်းချမ်းရေး စုဝေးပွဲ ဗုံး၂ လုံးနဲ့ အသေခံဗုံးခွဲတိုက်ခိုက်မှုမှာ ၁၀၃ ယောက် သေဆုံး၊ ၄၀၀ ဒဏ်ရာရ။ ၁၂-၁-၂၀၁၆၊ အစ္စတန်ဘူလ် အသေခံဗုံးခွဲတိုက်ခိုက်မှုမှာ ၁၂ ယောက်သေ၊ ၁၄ ဒဏ်ရာရ။ ၁၇-၂-၂၀၁၆၊ အင်ကာရာ စစ်ယာဉ်တန်းကို တိုက်ခိုက်မှုမှာ ၂၉ ယောက်သေ၊ ၆၀ ဒဏ်ရာရ။ ၁၈-၂-၂၀၁၆၊ ဒီယာဘာကီယာ ဗုံးခွဲတိုက်ခိုက်မှုမှာ ၆ ယောက်သေ၊ ၁ ယောက် ဒဏ်ရာရ။ ၁၃-၃-၂၀၁၆၊ ဘတ်စ်ကားမှတ်တိုင် ဗုံးခွဲတိုက်ခိုက်မှုမှာ ၃၇ ယောက်သေ၊ ၁၂၅ ဒဏ်ရာရ။ ၁၉-၃-၂၀၁၆၊ လူသွားများတဲ့လမ်းပေါ် ဗုံးပေါက်ကွဲမှုမှာ ၅ ယောက်သေ၊ ၃၆ ဒဏ်ရာရ။ ၃၁-၃-၂၀၁၆၊ ဒီယာဘာကီယာလမ်းဘေး ဗုံးခွဲတိုက်ခိုက်မှုမှာ ၇ ယောက်သေ၊ ၂၀ ဒဏ်ရာရ။ ၂၇-၄-၂၀၁၆၊ ဘာဆာမြို့မှာ အမျိုးသမီးတယောက် အသေခံဗုံးခွဲ တိုက်ခိုက်မှုမှာ ၁၃ ယောက် ဒဏ်ရာရ။ ၁-၅-၂၀၁၆၊ ဂါဇီယမ်တက်ပ် ကားဗုံးခွဲမှုမှာ ၂ ယောက်သေ၊ ၂၃ ဒဏ်ရာရ။ ၁၂-၅-၂၀၁၆၊ ဒူယာလမ်းလူ ကုန်တင်ကား ဗုံးဖောက်ခွဲတိုက်ခိုက်မှုမှာ ၁၆ ယောက်သေ၊ ၂၃ ဒဏ်ရာရ။ ၇-၆-၂၀၁၆၊ အစ္စတန်ဘူလ် ကားဗုံးဖောက်ခွဲမှုမှာ ၁၁ ယောက်သေ၊ ဒါဇင်ပေါင်းများစွာ ဒဏ်ရာရ။ ၂၈-၆-၂၀၁၆၊ အစ္စတန်ဘူးလ်လေဆိပ် ဗုံးခွဲတိုက်ခိုက်မှုမှာ ၄၅ ယောက်သေ၊ ၂၃၀ ဒဏ်ရာရ။ ၂၀-၈-၂၀၁၆၊ မင်္ဂလာဆောင် ဗုံးခွဲတိုက်ခိုက်မှုမှာ ၅၇ ယောက်သေ၊ ၆၆ ဒဏ်ရာရ။ ၆-၁၀-၂၀၁၆၊ အစ္စတန်ဘူလ် ဆိုင်ကယ်ဗုံးခွဲတိုက်ခိုက်မှုမှာ ၁၀ ယောက် ဒဏ်ရာရ။ ၇-၁၀-၂၀၁၆၊ စစ်အခြေစိုက်စခန်း ဆင်မ်ဒင်လီ ဗုံးခွဲတိုက်ခိုက်မှုမှာ ၁၈ ယောက်သေ၊ ၂၇ ဒဏ်ရာရ။ ၁၀-၁၂-၂၀၁၆၊ အင်စတန်ဘူလ် ဗုံး၂ လုံး ဖောက်ခွဲတိုက်ခိုက်မှုမှာ ၄၆ ယောက်သေ၊ ၁၆၆ ဒဏ်ရာရ။ ၁၇-၁၂-၂၀၁၆၊ ခေဆရီ ကားဗုံးခွဲတိုက်ခိုက်မှုမှာ ၁၃ ယောက်သေ၊ ၅၅ ဒဏ်ရာရ။ အဲဒီလို အကြမ်းဖက်တိုက်ခိုက်မှုတွေဟာ တူရကီနိုင်ငံတခုတည်းမှာ ဖြစ်ခဲ့တာတွေ ဖြစ်ပါတယ်။ တခြား ဂျာမနီ၊ ပြင်သစ်၊ အမေရိကန်၊ ဗြိတိန်၊ ဥရောပတလွှားနဲ့ အရှေ့တောင်အာရှနိုင်ငံ (အထူးသဖြင့် အစိုးရက ကျူးလွန်တဲ့ အကြမ်းဖက်တိုက်ခိုက်မှုတွေ ထူပြောတဲ့ မြန်မာနိုင်ငံ) တွေမှာ ၂၀၁၆ ခုနှစ်အတွင်း ဖြစ်ခဲ့တဲ့ အကြမ်းဖက်တိုက်ခိုက်မှုတွေ မပါသေးပါဘူး။ ဒီအချက်အလက်တွေနဲ့ နောက်ခံအကြောင်းတရားတွေအရ ၂၀၁၇ မှာ အကြမ်းဖက်မှုတွေ ပိုပြီးများပြား၊ အကြမ်းဖက်ဝါဒ ပိုပြီးများ ခေါင်းထောင်လာလေမလားလို့ စိုးရိမ်စရာရှိနေတဲ့ အကြောင်း။ ။ စိုးနေလင်း

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up