Miss Tourism International 2016 အလှမယ်ဆု နယူးဇီလန်အလှမယ် ဆွတ်ခူး (ရုပ်သံ)

မလေးရှားနိုင်ငံမှာ ဒီဇင်ဘာ ၃၁ ရက်နေ့က ကျင်းပတဲ့ Miss Tourism International 2016 အလှမယ်ရွေးချယ်ပွဲမှာ နယူးဇီလန်နိုင်ငံသူ အေရီယယ် ပီရာဆီးစ်က အလှမယ်ဆုကို ဆွတ်ခူးသွားပါတယ်။ ၁၉ ကြိမ်မြောက်ကျင်းပတဲ့ ဒီအလှမယ်ပြိုင်ပွဲကို ကမ္ဘာ့နိုင်ငံပေါင်း ၆၀ မှ အလှမယ်တွေ ပါဝင်ယှဉ်ပြိုင်ခဲ့ကြတာဖြစ်ပြီး မြန်မာနိုင်ငံမှ အလှမယ် ခေးလရောင်လည်း သွားရောက်ယှဉ်ပြိုင်ခဲ့တာ ဖြစ်ပါတယ်။ ဒီပြိုင်ပွဲမှာ Miss Tourism International 2016 အလှမယ်ဆုအပြင် တခြားဆုတွေကိုလည်း ရွေးချယ်ပေးအပ်ခဲ့တာပါ။ မက္ကဆီကိုအလှမယ် ဆီမန်နာ ဒယ်လ်ဂါဒိုမန်ဒတ်စ်က Dream Girl of The Year 2016-17 ဆုကို ရရှိခဲ့ပြီး သြစတြေးလျအလှမယ် တာရှာရော့စ်က Miss Tourism Global 2016 ဆု၊ ဘရာဇီးအလှမယ် သိုင်နာမက်ဂ်ဟေးလ်စ်ကတော့ Miss Tourism Cosmopolitan ဆုတွေ အသီးသီးရရှိခဲ့တာပါ။ တခြားဆုတဆုဖြစ်တဲ့ မြန်မာအပါအဝင် အရှေ့တောင်အာရှနိုင်ငံတွေမှ ပါဝင်ယှဉ်ပြိုင်သူ အလှမယ်တွေထဲက ရွေးချယ်ပေးအပ်တဲ့ Miss South East Asia ဆုကိုတော့ အင်ဒိုနီးရှားအလှမယ် ဒစ်ခ်နာ ဖာရာဒီဘာက ဆွတ်ခူးရရှိခဲ့ပါတယ်။ ဒီဆုကို မြန်မာအလှမယ် ခေးလရောင် အပါအဝင် တခြား အရှေ့တောင်အာရှနိုင်ငံတွေဖြစ်တဲ့ ထိုင်း၊ အင်ဒိုနီးရှား၊ ကမ္ဘောဒီးယား၊ မလေးရှား၊ ဖိလစ်ပိုင်နိုင်ငံနဲ့ ဗီယက်နမ်နိုင်ငံတွေမှ ပြိုင်ပွဲဝင်အလှမယ်တွေထဲက ရွေးချယ်ခဲ့တာ ဖြစ်ပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up