ဖိလစ်ပိုင်တွင် တိုင်ဖုန်းမုန်တိုင်း တိုက်ခတ်၊ အနည်းဆုံး လူ ၄ ဦး သေဆုံး

ဖိလစ်ပိုင်နိုင်ငံအလယ်ပိုင်းကို ဒီဇင်ဘာ ၂၆ ရက်နေ့က အင်အားပြင်း တိုင်ဖုန်းမုန်တိုင်း ဝင်ရောက်တိုက်ခတ်ပြီး အနည်းဆုံး လူ ၄ ဦး သေဆုံးတယ်လို့ ဖိလစ်ပိုင်သတင်းတွေမှာ ဖော်ပြပါတယ်။ မုန်တိုင်းကြောင့် လူ ၄ သိန်းကျော် ဘုရားကျောင်းတွေ၊ စာသင်ကျောင်းတွေဆီ အရေးပေါ် ပြောင်းရွှေ့ထားရပြီး ဖုန်းနဲ့ လျှပ်စစ်ဓာတ်အားလိုင်းတွေ ပြတ်တောက်ကုန်တယ်လို့ ရိုက်တာသတင်းအရ သိရပါတယ်။ နွတ်ခ်တန်း (Nock-ten) လို့ အမည်ပေးထားတဲ့ ဒီ တိုင်ဖွန်းမုန်တိုင်းဟာ ဒီဇင်ဘာ ၂၆ ရက်နေ့က နိုင်ငံအလယ်ပိုင်း လူဇွန် (Luzon) ပြည်နယ်ကိုဖြတ်ပြီး ၂၇ ရက်နေ့မှာ တောင်တရုတ်ပင်လယ်ဘက်ကို ရွေ့လျားနေပါတယ်။ မုန်တိုင်းကြောင့် နိုင်ငံတကာနဲ့ ပြည်တွင်းလေကြောင်းလိုင်း ၃၀၀ လောက်လည်း ဖျက်သိမ်းခဲ့ရပါတယ်။ ဖိလစ်ပိုင်အစိုးရကတော့ မုန်တိုင်းကြောင့် ထိခိုက်ပျက်စီးမှု အခြေအနေကို ကွင်းဆင်းစစ်ဆေးနေပြီး ဒေသခံတွေကို ထောက်ပံ့ကူညီမှု ဆောင်ရွက်နေပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up