မသန်စွမ်းတွေကို လူမှုပတ်ဝန်းကျင်မှာ မခွဲခြားဘဲ ဝိုင်းဝန်းကူညီကြရန် မေတ္တာရပ်ခံ
DVB
·
December 20, 2016
ဒီဇင်ဘာ ၂၀ ရက်နေ့ နံနက်ပိုင်းက မုံရွာမြို့၊ ချမ်းမြဝတီရပ်ကွက်ရှိ ပြင်ဦးလွင် မျက်မမြင်ကျောင်းဆရာတော် တည်ထောင်တဲ့ ပရဟိတ မသန်စွမ်း ဘက်စုံဖွံ့ဖြိုးရေးသင်တန်းကျောင်း ၁ နှစ်ပြည့် အခမ်းအနားမှာ ဆရာတော် ဦးဉေယျက မသန်စွမ်းတွေကို ဝိုင်းဝန်းကူညီကြဖို့ မေတ္တာရပ်ခံခဲ့ပါတယ်။
မသန်စွမ်းတွေကို သန်စွမ်းသူတွေလိုပဲ သဘောထားပြီး မသန်စွမ်းတွေရဲ့ဘဝ လူမှုပတ်ဝန်းကျင်မှာ ဂုဏ်သိက္ခာရှိရှိနဲ့ ရပ်တည်နိုင်ဖို့ အစိုးရ၊ ပြည်သူတို့က ကူညီစောင့်ရှောက်မှသာ ရေရှည်ရပ်တည်နိုင်မယ်လို့ ဆိုပါတယ်။
မုံရွာမြို့ မသန်စွမ်းကျောင်းမှာ အသက် ၈ နှစ်ကနေ ၂၈ နှစ်ထိ အမျိုးသမီးမသန်စွမ်း ၈ ဦး၊ အမျိုးသား ၉ ဦး၊ စုစုပေါင်း ၁၇ ဦးတို့ကို ဇာထိုးပန်းထိုး၊ စက်ချုပ်၊ ကွန်ပျုတာ၊ ဗေဒင်တို့ကို သင်ကြားပေးနေတာ ဖြစ်ပါတယ်။
၁ နှစ်ပြည့် အခမ်းအနားကို ပြင်ဦးလွင်မျက်မမြင်ကျောင်း၊ ရောင်ခြည်သစ် မျက်မမြင်ကျောင်း၊ ရွှေဘိုမျက်မမြင်ကျောင်းတို့အပြင် စေတနာရှင်များ၊ လူမှုရေးအသင်းအဖွဲ့များ၊ အစိုးရအဖွဲ့မှ တာဝန်ရှိသူများ တက်ရောက်ခဲ့ကြပါတယ်။
သတေင်း၊ ဓာတ်ပုံ - အောင်ကိုလတ်
