စစ်ကိုင်းတိုင်းဒေသကြီး လွှတ်တော်မှာ ရွှေဘိုမြို့ရှိ ရွှေဘုံရတနာ မင်္ဂလာနန်းတော်ကြီး ပြုပြင်ထိန်းသိမ်းရေးနဲ့ ပတ်သက်လို့  တပ်မတော်သား လွှတ်တော်ကိုယ်စားလှယ်တဦးက ပထမဆုံး အကြိမ် မေးခွန်းမေးမြန်းလိုက်ပါတယ်။ ရွှေဘုံရတနာမင်္ဂလာနန်းတော်ကြီး ရေရှည်တည်တံ့ခိုင်မြဲရေး၊ စိမ်းလန်းစိုပြေရေး၊ သန့်ရှင်းရေး၊ စတာတွေ လုပ်ဆောင်ဖို့အတွက် တိုင်းဒေသကြီးအစိုးရအနေနဲ့ ငွေလုံးငွေရင်း အသုံးစရိတ် ချပေးဖို့ ရှိမရှိ ရွှေဘိုတပ်နယ်၊ အမှတ် ၈ စစ်အခြေခံလေ့ကျင့်ရေးတပ်မှ တပ်မတော်သား လွှတ်တော်ကိုယ်စားလှယ် ဗိုလ်ကြီး ကျော်ဝင်းလှိုင်က ဒီကနေ့ စစ်ကိုင်းတိုင်း လွှတ်တော်မှာ မေးမြန်းခဲ့တာပါ။ ရွှေဘိုမှာရှိတဲ့ ရွှေဘုံရတနာ မင်္ဂလာနန်းတော်ကြီးကို နိုင်ငံတော်မှ ငွေကျပ် ၁၅၂၈.၂၄ သိန်း အကုန်အကျခံ တည်ဆောက်ခဲ့တာဖြစ်ပါတယ်။ လက်ရှိမှာ ရှေးဟောင်းသုတေသန၊ အမျိုးသားပြတိုက်ဦးစီးဌာနက တာဝန်ယူဆောင်ရွက်နေပြီး နှစ်စဉ် ဘဏ္ဍာနှစ်အလိုက် အသုံးစရိတ်တွေချပေးပြီး ပြုပြင်ထိန်းသိမ်းရေး လုပ်ငန်းတွေ ဆောင်ရွက်ခဲ့သလို ၂၀၁၄-၁၅ ဘဏ္ဍာနှစ်မှာ ကျပ် ၃၀.၇၀သန်း၊ ၂၀၁၅-၁၆ ဘဏ္ဍာနှစ်မှာတော့ ချပေးခြင်းမရှိတော့ပါဘူး။ မေးခွန်းနဲ့ပတ်သက်ပြီး ရှေးဟောင်းစေတီပုထိုးများနှင့် အထိမ်းအမှတ် အဆောက်အဦများခေါင်းစဉ်နဲ့ ၂၀၁၇-၁၈ဘဏ္ဍာနှစ်အတွက် ကျပ် ၁၃၅ သန်း လျာထားပြီးဖြစ်တယ်လို့ စစ်ကိုင်းတိုင်းဒေသကြီး အစိုးရအဖွဲ့ စည်ပင်သာယာရေးဝန်ကြီး ဦးမြင့်ကြည်က ဖြေကြားခဲ့ပါတယ်။ ဒါဟာ ၂၀၁၅ ရွေးကောက်ပွဲအပြီး ကျင်းပလာတဲ့ လွှတ်တော်သက်တမ်းအတွင်း တပ်မတော်သား လွှတ်တော်ကိုယ်စားလှယ်တွေထဲမှာ ပထမဆုံးမေးခွန်းမေးမြန်းခဲ့တာပါ။ ဒါပေမယ့် တပ်မတော်သား လွှတ်တော်ကိုယ်စားလှယ်အနေနဲ့ မီဒီယာတွေရဲ့ မေးမြန်းချက်ကိုတော့  ဖြေကြားခဲ့ခြင်း မရှိပါဘူး။ သတင်းဓာတ်ပုံ - အောင်ကိုလတ်