ကျောက်စိမ်း ကျောက်မျက်ဟာဆိုရင် ကမ္ဘာပေါ်မှာ မြန်မာပြည်က အကောင်းတကာ့ အကောင်းဆုံးထဲကပါ။ မြန်မာနိုင်ငံကျောက်စိမ်းဆိုရင် ကမ္ဘာပေါ်မှာ အကောင်းဆုံးထဲကပါပြီး အရည်သွေး မြင့်မားကောင်းမွန်လှသော ကမ္ဘာ့ကျောက်စိမ်း ၇၀ ရာခိုင်နှုန်းလောက်ဟာ မြန်မာနိုင်ငံမှ ထွက်ရှိပါသည်။ ထိုကဲ့သို့ ကောင်းမွန်လှသည့် ကျောက်မျက် ကျောက်စိမ်းတွေကို မြန်မာအစိုးရ အဆက်ဆက်က တနှစ်ကို ၃ ကြိမ်နှုန်းဖြင့် ၁၉၆၄ ခုနှစ်မှ စတင်ရောင်းချခဲ့ရာ ယခုဆိုလျှင် ၅၃ နှစ်တိုင်တိုင်ရှိခဲ့ပြီ ဖြစ်ပါသည်။ သို့သော် ယခုနှစ်တွင် ၅၃ ကြိမ်မြောက် မြန်မာ့ကျောက်မျက်ပြပွဲကို ဇွန်လ ၂၄ ရက်နေ့မှ ဇူလိုင်လ ၆ ရက်နေ့အထိ တကြိမ်၊ နှစ်လယ်မြန်မာ့ကျောက်မျက်ပြပွဲကို နိုဝင်ဘာလ ၂၀ ရက်မှ နိုဝင်ဘာလ ၂၉ ရက်နေ့အထိ နှစ်ကြိမ်သာ ကျင်းပပါမည်။ ယခု နေပြည်တော် မဏိရတနာကျောက်စိမ်းခန်းမတွင် ကျင်းပသော နှစ်လယ် မြန်မာ့ကျောက်မျက်ပွဲမှာ အကြိမ် ၉၀ မြောက်ပွဲ ဖြစ်ပါသည်။ ယခင်က အမေရိကန်နိုင်ငံမှ စီးပွားရေးပိတ်ဆို့မှုများ ရှိသောကြောင့် မြန်မာ့ကျောက်မျက်ပြပွဲတွင် ယူရိုငွေဖြင့်သာ ရောင်းဝယ်ခဲ့ကြသော်လည်း ယခုအခါ ၎င်းစီးပွားရေးပိတ်ဆို့မှုများ ကင်းရှင်းသွားပြီ ဖြစ်သောကြောင့် နောင်နှစ် ပြပွဲများတွင် အမေရိကန်ဒေါ်လာဖြင့် ပြောင်းလဲရောင်းချရန် အစီအစဉ်ရှိကြောင်းကို တာဝန်ရှိသူများထံမှ သိရှိရပါသည်။ ယခုနှစ်လယ်မြန်မာ့ကျောက်မျက်ပြပွဲကို ပြည်ပကုန်သည်များအနေဖြင့် တရုတ်ပြည်သူ့သမ္မတနိုင်ငံမှ ကုန်သည်များမှ အဓိကလာရောက်ကြည့်ရှု ဝယ်ယူကြမည်ဟု စာရင်းများအရ သိရှိရပါသည်။ ပြည်မ တရုတ်ပြည်သူ့သမ္မတနိုင်ငံမှ ကုမ္ပဏီပေါင်း ၇၂၀ ခု၊ လူဦးရေ ၁၆၂၂ ဦးနှင့် ဟောင်ကောင်မှ ကုမ္ပဏီပေါင်း ၃၃ ခု၊ လူဦးရေ ၇၂ ဦး စုစုပေါင်း တရုတ်ပြည်သူ့သမ္မတနိုင်ငံမှ စုစုပေါင်း ကုမ္ပဏီ ၇၅၃ ခုနှင့် လူဦးရေ ၁၆၉၄ ဦးတို့ လာရောက်မည်ဖြစ်ပြီး စင်ကာပူကုမ္ပဏီ ၁ ခုမှ ကုန်သည် ၁ ဦးနှင့် ထိုင်းနိုင်ငံမှ ကုမ္ပဏီ ၇ ခုမှ လူဦးရေ စုစုပေါင်း ၂၂ ဦး လာရောက်ကြရာ ပြည်ပကုမ္ပဏီ စုစုပေါင်း ၇၅၄ ခုမှ ကုန်သည် ၁၇၁၇ ဦး လာရောက်ကြပါမည်။ ပြည်တွင်း နိုင်ငံသား ရတနာကုမ္ပဏီပေါင်း ၄၇၇ခု မှ ကုန်သည်ပေါင်း ၁၃၈၆ ဦး လာရောက်မည်ဖြစ်ရာ ပြည်တွင်းပြည်ပ စုစုပေါင်း ကုမ္ပဏီပေါင်း ၁၂၃၁ ခုမှ ကုန်သည်ပေါင်း ၃၁၀၃ ဦး လာရောက်ကြမည်ဖြစ်ကြောင်း စာရင်းများအရ သိရှိရပါသည်။ ဒီအရေအတွက်ဆိုဟာဖြင့် ပြီးခဲ့သော ၅၃ ကြိမ်မြောက် မြန်မာ့ကျောက်မျက်ရတနာတွင် လာခဲ့သော ကုန်သည်ဦးရေထက် ပျမ်းမျှ ၈၀၀ ခန့် လျော့နည်းသွားပါသည်။ ယခု နှစ်လယ် မြန်မာ့ကျောက်မျက်ပြပွဲမှာ ဆိုရင်ဖြင့် ကျောက်မျက်အတွဲပေါင်း ၄၃၉ တွဲနှင့် ကျောက်စိမ်းအတွဲပေါင်း ၅၉၈၈ တွဲကို တင်ဒါစနစ်နှင့် ဈေးပြိုင်စနစ်ဟူ၍ ၂ မျိုး ခွဲခြားပြသ ရောင်းချသွားမည် ဖြစ်ပါသည်။ ဈေးနှုန်းများအနေဖြင့် အခြေခံဈေး ယူရိုငွေ ၅၀၀ မှ ၂၀,၀၀၀ ထိ တန်ဖိုးသတ်မှတ်သည့် ကျောက်မျက်အတွဲများကို အိတ်ဖွင့်တင်ဒါစနစ်ဖြင့်လည်းကောင်း၊ အခြေခံယူရိုငွေ ၂၀,၀၀၁ နှင့်အထက် တန်ဖိုးသတ်မှတ်သည့် ကျောက်မျက်အတွဲများကို ဈေးပြိုင်စနစ်ဖြင့်လည်းကောင်း ရောင်းချသွားပါမည်။ ကျောက်စိမ်းအတွဲများကိုလည်း ဈေနှုန်းအနေဖြင့် အခြေခံဈေး ယူရိုငွေ ၄,၀၀၀ မှ ၂၀၀,၀၀၀ ထိ တန်ဖိုးသတ်မှတ်သည့် ကျောက်စိမ်းအတွဲများ၊ အခြေခံဈေး ယူရိုငွေ ၁,၀၀၀ မှ ၂၀၀,၀၀၀ ထိ တန်ဖိုးသတ်မှတ်ထားသော အချောထည် ကျောက်စိမ်းတွဲများကို တင်ဒါစနစ်ဖြင့် ရောင်းချပြီး အခြေခံဈေး ယူရိုငွေ ၂၀၀,၀၀၁ နှင့်အထက် တန်ဖိုးသတ်မှတ်ထားသော ကျောက်စိမ်းအတွဲများကို ဈေးပြိုင်စနစ်ဖြင့် ရောင်းချသွားမည် ဖြစ်ပါသည်။ နှစ်လယ် မြန်မာ့ကျောက်မျက်ပြပွဲတွင် မြန်မာ့ကျောက်မျက်လုပ်ငန်း၊ ပုဂ္ဂလိကကုမ္ပဏီများ၊ သမဝါယမအသင်းများ၊ ပုဂ္ဂလိကလိုင်စင်ရ အရောင်းဆိုင်များ စုစုပေါင်း ကုမ္ပဏီပေါင်း ၁၂၂၄ မှ လာရောက်ပြသရောင်းချသွားပါမည်။ အရေအတွက်အားဖြင့် အကျိုးတူကုမ္ပဏီများ (အစိုးရနှင့် ပုဂ္ဂလိကကုမ္ပဏီ ပူးပေါင်းတူးဖော်လုပ်ဆောင်ကာ အစိုးရမှ ၂၅ ရာခိုင်နှုန်းနှင့် ကုမ္ပဏီမှ ၇၅ ရာခိုင်နှုန်းစီ ခွဲဝေရယူ) မှ အဓိက ပြသရောင်းချရာ စုစုပေါင်း ကျောက်မျက် ကျောက်စိမ်း၏ ၄၀ ရာခိုင်နှုန်း ရှိပါသည်။ ယခုပြပွဲတွင် အဓိကအားဖြင့် ကျောက်စိမ်း၊ ကျောက်မျက် အရိုင်း၊ အချောထည်များ၊ လက်ဝတ်ရတနာများ၊ ကျောက်မျက်ပန်းချီများနှင့် ရွှေထည် ငွေထည်များကို ပြသရောင်းချပါမည်။ အဓိကအားဖြင့် ကျောက်မျက် ကျောက်စိမ်း အရိုင်းထည်များကိုသာ တင်ပြရောင်းချမှုအများဆုံးဖြစ်ပြီး ဝယ်ယူသူများမှလည်း အချောထည်များထက် အရိုင်းထည်များကိုသာ ပိုမိုနှစ်သက် ဝယ်ယူလိုကြပါသည်။ အချောထည်ဈေးကွက်အနေဖြင့် အဟန့်အတားများစွာမှာ နည်းပညာ၊ လက်ရာ၊ ဝယ်လက်အကြိုက်ပေါ် မူတည်သောကြောင့် အောင်မြင်မှု မရရှိနိုင်သေးပေ။ မြန်မာ့ကျောက်မျက်ပြပွဲကို နေပြည်တော်သို့ ပြောင်းရွှေ့ပြီးနောက် ယူရိုငွေ သန်း ၂,၄၀၀ အထိ စံချိန်တင် ရောင်းချခဲ့ရသော်လည်း ၅၂ ကြိမ်မြောက် ပြပွဲတွင် ယူရိုငွေ သန်း ၉၀၀ ကျော်နှင့် ၅၃ ကြိမ်မြောက်တွင် ယူရိုငွေ သန်း ၅၂၀ ကျော်ခန့်သာ ရောင်းချခဲ့ရပါသည်။ ယခု နှစ်လယ်ပြပွဲတွင်မူ လာရောက်သော ကုန်သည်ဦးရေမှာ ၅၃ ကြိမ်မြောက်ပြပွဲထက် လျော့နည်းသွားသောကြောင့် ရောင်းရငွေမှာလည်း အနည်းငယ် လျော့နည်းနိုင်ကြောင်း တာဝန်ရှိသူများမှ ခန့်မှန်းပြောဆိုမှုများ ရှိပါသည်။ ယခုကဲ့သို့ အရောင်းပမာဏ နှစ်စဉ် ကျဆင်းနေကြရသည်မှာ တရုတ်ပြည်သူ့သမ္မတနိုင်ငံတွင် ခေါင်းဆောင်ပိုင်း အပြောင်းအလဲနှင့် အကျင့်ပျက် ခြစားမှုတွေနဲ့ ဆက်စပ်မှုရှိနေလို့ ယခုလို ကျဆင်းလာရခြင်း ဖြစ်တယ်လို့ မြန်မာ့ကျောက်မျက်ရတနာ ရောင်းဝယ်ရေးလုပ်ငန်း ညွှန်ကြားရေးမှူး ဦးရဲထွဋ်က ပြောကြားခဲ့ပါသည်။ ယခုကဲ့သို့သော မြန်မာ့ကျောက်မျက်ရတနာပြပွဲကြီးများမှ နိုင်ငံတော်၏ အဓိက အကျိုးအမြတ်မှာ အခွန်များစွာ ရရှိနေခြင်းပင် ဖြစ်ပါသည်။ ယခင်က ကျောက်မျက်ရတနာများ ရောင်းချရမှုမှ ၁၀ ရာခိုင်နှုန်း (ဘဏ္ဍာအခွန် ၇ ရာခိုင်နှုန်းနှင့် သတ္တုတွင်း ၃ ရာခိုင်နှုန်း) ကိုသာ အခွန်ကောက်ခံခဲ့ပါသော်လည်း ယခုအခါတွင်မူ အထူးကုန်စည်ခွန် (၂၀ ရာခိုင်နှုန်း) မြန်မာ ကျောက်မျက်ရတနာလုပ်ငန်း အခငွေအဖြစ် (၃ ရာခိုင်နှုန်း) နှင့် ပြည်ပကုန်သည်များအနေဖြင့် ဝယ်ယူပါက ပြည်ပပို့ကုန်ဖြစ်သောကြာင့် ပေးဆောင်စရာ မလိုသော်လည်း ပြည်တွင်းကုန်သည်များအနေဖြင့် စားသုံးခွန်အနေဖြင့် ၅ ရာခိုင်နှုန်းထက် ကောက်ခံနေပါသည်။ ၅၃ ကြိမ်မြောက်ပြပွဲတွင် ရောင်းချသောကုမ္ပဏီမှ စားသုံးခွန်ကို ပေးဆောင်ခဲ့သော်လည်း ယခု နှစ်လယ်ပြပွဲတွင်မူ ဝယ်ယူသူ မြန်မာကုန်သည်များမှ ဥပဒေနှင့်အညီ ပေးသွင်းကျခံရမည် ဖြစ်ပါသည်။ ဘဏ္ဍာရေးနှင့် အခွန်ဝန်ကြီးဌာနအနေဖြင့် ယင်းကဲ့သို့ တိုးမြှင့်ကောက်ခံရခြင်းမှာ အခွန်၏ အနှစ်သာရဖြစ်ကြောင်း ရှင်းလင်းပြသော်လည်း လာရောက်ရောင်းချပြသသော ကုမ္ပဏီများအနေဖြင့် နားမလည်နိုင်ကြောင်းနှင့် အခွန်များ စနစ်များခြင်းကြောင့် လုပ်ငန်းလုပ်ဆောင်ရာတွင်လည်း လွန်စွာ အနှောင့်အယှက် ဖြစ်ရပါကြောင်းနှင့် ရှင်းလင်းသော အခွန်စနစ် ဖြစ်စေလိုကြောင်း မြန်မာနိုင်ငံ ကျောက်မျက်ရတနာလုပ်ငန်းရှင်များအသင်း ဒု-ဥက္ကဋ္ဌ ဦးမြင့်ဟန်မှ ပြောကြားသွားခဲ့ပါတယ်။ တဆက်တည်းမှာပဲ နယ်စပ်သို့ တရားမဝင် စီးဆင်းနေသော ကျောက်စိမ်းများသည် မြန်မာ ကျောက်မျက်လုပ်ငန်း တိုးတက်ရေးအတွက် အဟန့်အတားဖြစ်စေသလို တရားဥပဒေစိုးမိုးရေး အားနည်းနေသည်ကိုလည်း ထောက်ပြရာ ရောက်ပါသည်။ ၂၀၁၁ မှ စတင်ကာ ကျောက်မျက်အချောထည်များ စုပေါင်းစစ်ဆေးရေးစခန်း (One Stop Service Center) များကို နေပြည်တော်၊ မန္တလေးနှင့် ရန်ကုန်တွင် ဦးစားပေးအလိုက် ဖွင့်လှစ်ပေးခြင်းဖြင့် တနိုင်တပိုင် အချောထည် ထုတ်လုပ်မှုလုပ်ငန်းများ ပိုမိုဖွံ့ဖြိုးတိုးတက်လာစေရန် ဆောင်ရွက်မှုများရှိရာ မန္တလေးမြို့တွင် အအောင်မြင်ဆုံး ဖြစ်ပါသည်။ ၎င်း OSS Center တွင် ဌာန ၆ခု (တိုင်းဒေသကြီး အစိုးရအဖွဲ့၊ အထူးစုံစမ်းစစ်ဆေးရေးအဖွဲ့၊ ဘဏ္ဍာနှင့် အခွန်ဝန်ကြီးဌာန၊ ကုန်သွယ်မှု မြှင့်တင်ရေးဌာန၊ အကောက်ခွန်ဌာနနှင့် ဘဏ်လုပ်ငန်း) ပါဝင်သောကြောင့် အကျင့်ပျက် ခြစားမှုကိုပါ တိုက်ဖျက်ပြီး ဖြစ်စေပါသည်။ ကျောက်စိမ်း အဓိကထွက်ရှိရာ ကချင်ပြည်နယ်တွင်လည်း နယ်မြေမလုံခြုံမှုနှင့် အခြားသော စိန်ခေါ်မှုများစွာကလည်း ကျောက်စိမ်းတူးဖော်ရေးကုမ္ပဏီများကို ဆက်လက်လုပ်ဆောင်ရန် ဟန့်တားမှုများ ဖြစ်စေပါတယ်။ ယခင်အစိုးရလက်ထက်များတွင် နိုင်ငံတော်အစိုးရတခုတည်း ရှိသော်လည်း ယင်းဒေသများတွင်မူ အစိုးရသုံးဘက် ရှိနေတယ်လို့ ဆိုပါတယ်။ နိုင်ငံတော်အစိုးရကို ပုံမှန်သတ်မှတ်အခွန်အခများ ပေးဆောင်နေရသကဲ့သို့ ဒေသခံ အစိုးရအဖွဲ့များကလည်း အခွန်အခများ ကောက်ခံသလို ပြည်နယ်အစိုးရဝန်ကြီးအဖွဲ့များမှလည်း လွန်စွာ တင်းမာမှုများကြောင့် အလုပ်လုပ်ကိုင်ရာတွင် အဆင်မပြေမှုများ ရှိပါသည်။ ထိုကဲ့သို့ အစိုးရ သုံးဦးသုံးဖလှယ် ရှိသော်လည်း ကုမ္ပဏီများကို ကာကွယ်စောင့်ရှောက်မှုမှာ ကင်းမဲ့လှပါသည်။ ယခုအခါ ဆက်လက်တူးဖော်နေသော ကုမ္ပဏီမှာ ယခင်ပြည်တွင်းစစ်မတိုင်မီက ကုမ္ပဏီပေါင်း၏ ၂၀ ရာခိုင်နှုန်းသာ ကျန်တော့ကြောင်းနှင့် အဆိုးဆုံး အခက်အခဲမှာ ရေမဆေးကျောက် တူးဖော်သူများ ဖြစ်သည်ဟု ဆိုပါသည်။ ယခုအခါ ၎င်းရေမဆေးကျောက်ရှာဖွေသူများမှာ တရားဝင်တူးဖော်လုပ်ကိုင်နေသည့် ကုမ္ပဏီများအတွင်းသို့ ဝင်ရောက်ခြိမ်းခြောက် လုယက်မှုများပါ လုပ်ဆောင်နေကြသည်ဟု သိရှိရပါသည်။ ရေမဆေးကျောက် ရှာဖွေသူများ၏ ၅၀ ရာခိုင်နှုန်းမှာ ပိတ်သိမ်းလိုက်ရသော ကျောက်မျက်တူးဖော်ရေးကုမ္ပဏီများမှ ဝန်ထမ်းများဖြစ်ကြောင်း သိရှိရပြီး ရေမဆေးကျောက် တူးဖော်သူ စုစုပေါင်း ၃-၄ သိန်းခန့်ရှိကြောင်း သိရှိရပါသည်။ ယင်းကဲ့သို့ ဖြစ်ပွားနေမှုများမှာ တရားဥပဒေစိုးမိုးမှုမရှိခြင်း ဖြစ်သလို အစိုးရအနေဖြင့် တာဝန်ယူ ဖြေရှင်းပေးသင့်ကြောင်း ဦးမြင့်ဟန်မှ ဆက်လက်ပြောဆိုခဲ့ပါသည်။ ရေမဆေးကျောက်တူးဖော်သူများ ရရှိလာသော ကျောက်စိမ်းများမှာလည်း မှောင်ခိုဈေးကွက်သို့ ရောက်ရှိသွားသည့်အတွက် တိုင်းပြည်အတွက်လည်း အကျိုးမရှိသကဲ့သို့ ၎င်း သွားရောက်ရောင်းချသူများမှာလည်း ဈေးနှိမ်ဝယ်ယူမှုများကြောင့် နှစ်ဦးနှစ်ဖလှယ် အကျိုးမရှိသည့်အတွက် အစိုးရအနေဖြင့် တာဝန်ယူဆောင်ရွက်ရန် လိုအပ်ကြောင်းလည်း အကြံပေးထားပါသည်။ လက်ရှိအစိုးရအနေဖြင့် ကချင်ဒေသ ရတနာမြေမှာ စိန်ခေါ်မှုတရပ်အနေနဲ့ ရှိနေပါတယ်။  အစိုးရအနေဖြင့် ၎င်းစိန်ခေါ်မှုတွေကို ဘယ်လိုဘယ်ပုံ ဖြေရှင်းနိုင်မလဲ ဆိုတာဟာလည်း စိတ်ဝင်စားဖွယ်တရပ်အဖြစ် ရှိနေပါတယ်။ ရတနာဦး