ထောင်ဖောက်ပြေးသူ အကျဉ်းသား ၂ ဦးကို ရဲရှာဖွေနေ (ရုပ်သံ)

အမေရိကန်နိုင်ငံ၊ ကယ်ရိုလိုင်းနားပြည်နယ်မြောက်ပိုင်းမှာ နိုဝင်ဘာ ၂၃ ရက် ညပိုင်းက အကျဉ်းထောင်ဖောက်ပြေးခဲ့တဲ့ အကျဉ်းသား ၂ ဦးကို ရဲတွေက ရှာဖွေနေပါတယ်။ အသက် ၃၃ နှစ်အရွယ် ရိုဂျယ်လီယိုချာဗက်ဇ်နဲ့ ၂၆ နှစ်အရွယ် လဲန်နွန်ကမ့်ဘဲလ် အမည်ရတဲ့ အဲဒီအကျဉ်းသား ၂ ဦးဟာ ထောင်ရဲ့ ဒုတိယထပ်ပြတင်းမှန်ကို ရိုက်ဖျက်ကာ ထွက်ပြေးခဲ့ကြတယ်လို့ ဒေးလီးမေးလ်သတင်းတပုဒ်မှာ ဖော်ပြပါတယ်။ သူတို့ဟာ ဆန်တာကလဲယာ စီရင်စုနယ်မြေ ဗဟိုအကျဉ်းထောင်ကနေ လွတ်မြောက်သွားခဲ့ကြပြီလို့ နိုဝင်ဘာ ၂၄ ရက်နေ့မှာ ထုတ်ပြန်ကြေညာခဲ့တာပါ။ သူတို့ဟာ အကျဉ်းထောင်ကနေ ဖောက်ထွက်ပြေးဖို့ ကြိုးစားခဲ့ကြတဲ့ ၄ ဦးပါ အုပ်စုထဲကဖြစ်ပြီး ကျန်တဲ့ အကျဉ်းသား ၂ ဦးကိုတော့ ပြန်ဖမ်းမိခဲ့တယ်လို့ အကျဉ်းထောင်အာဏာပိုင်တွေက ပြောပါတယ်။ ပြန်ဖမ်းမိတဲ့ အဲဒီအကျဉ်းသား ၂ ဦးရဲ့ နာမည်တွေကိုတော့ ထုတ်ဖော်ပြောကြားခြင်း မရှိခဲ့ပါဘူး။ လက်ရှိမှာတော့ ထွက်ပြေးလွတ်မြောက်သွားတဲ့ အကျဉ်းသား ၂ ဦးကို အနံ့ခံ အမဲလိုက်ခွေးတွေ၊ ရဟတ်ယာဉ်တွေရဲ့ အကူအညီနဲ့ ရှာဖွေမှုတွေ လုပ်ဆောင်နေကြတာပါ။ ချာဗက်ဇ်ဟာ ဖောက်ထွင်းမှု၊ ခြောက်လှန့်တောင်းယူမှု၊ လက်နက်ကိုင်ဆောင်မှု စတဲ့အမှုတွေနဲ့ ၂၀၁၆ ခုနှစ်၊ သြဂုတ် ၁၇ ရက်နေ့မှာ အကျဉ်းချခံခဲ့ရတာဖြစ်ပြီး ကမ့်ဘဲလ်ကတော့ ဓားပြမှု၊ လက်နက်ကိုင်ခြိမ်းခြောက်မှုတွေနဲ့ ၂၀၁၅ ခုနှစ်၊ ဖေဖော်ဝါရီ ၁၂ ရက်နေ့မှာ အကျဉ်းချခံခဲ့ရတာပါ။ ဒီ ထောင်ဖောက်ပြေးတဲ့ အကျဉ်းသား ၂ ဦးနဲ့ပတ်သက်ပြီး သံသယဖြစ်ဖွယ်တခုခု တွေ့ခဲ့တယ်ဆိုရင်တော့ သက်ဆိုင်ရာကို ဒေသတွင်းဆက်သွယ်နိုင်တဲ့ ဖုန်းနံပါတ် (၄၀၈) ၈၀၈-၄၅၀၀ ဒါမှမဟုတ် အမည်မဖော်ပဲ သတင်းချန်ထားခဲ့နိုင်တဲ့ ဖုန်းနံပါတ် (၄၀၈) ၈၀၈-၄၄၃၁ တို့ကို ဆက်သွယ်နိုင်တယ်လို့ ထုတ်ပြန်ထားပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up