အိန္ဒိယ-မြန်မာ-ထိုင်း ချစ်ကြည်ရေးမော်တော်ကားမောင်းပြိုင်ပွဲ ကလေးမြို့မှ စ တာထွက်

အိန္ဒိယ-မြန်မာ-ထိုင်း ၃ နိုင်ငံ ချစ်ကြည်ရေး ကားမောင်းပြိုင်ပွဲကို နိုဝင်ဘာ ၂၄ ရက်နေ့ မနက် ၇ နာရီခွဲက ကလေးမြို့ကနေ တာထွက်ခဲ့ပါတယ်။ ချစ်ကြည်ရေးကားပြိုင်ပွဲကို အိန္ဒိယနိုင်ငံကောင်စစ်ဝန်က တာလွှတ်ဖဲကြိုးဖြတ်ဖွင့်လှစ်ပေးခဲ့ပြီး ကားအစီးရေ ၂၃ စီးနဲ့ လူဦး ၆၂ ဦး ပါဝင်တယ်လို့ သိရပါတယ်။ “အိန္ဒိယ-မြန်မာ-ထိုင်း ချစ်ကြည်ရေး ကားပြိုင်ပွဲမှာ ကားအစီးရေ ၂၃ စီး ပါဝင် မောင်းနှင်နေကြ တာ ဖြစ်ပြီး လူဦးရေ ၆၂ ဦး ပါဝင်ခဲ့ပါတယ်။ ကားပြိုင်ပွဲ တာလွှတ်ရာမှာ အိန္ဒိယနိုင်ငံ ကောင်စစ်ဝန် ကိုယ်တိုင် ဖဲကြိုးဖြတ် ဖွင့်လှစ်ပေးခဲ့ပါ”လို့ ကလေးခရိုင် ရဲတပ်ဖွဲ့မှူး ဒုတိယ ရဲမှူးကြီး တင်ဇော်ထွန်းက ပြောပါတယ်။ ကလေး - ဂန့်ဂေါ လမ်းပိုင်းကနေ စတင်ထွက်ခွာခဲ့ပြီး ကလေး၊ ဂန့်ဂေါ၊ ပုဂံ၊ မန္တလေး ကနေ ထိုင်း-မြန်မာနယ်စပ် ကရင်ပြည်နယ် မြဝတီမြို့အထိ အသွားအပြန် ၁၉ ရက် ခရီး မောင်းနှင်မယ့် ပြိုင်ပွဲ ဖြစ်ပါတယ်။ သတင်း - မင်းရဲစစ်နိုင်

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up