မြေပုံမြို့တွင် ဦးနှောက်မပါသည့် ကလေးတဦး မွေးဖွား
DVB
·
November 21, 2016
ရခိုင်ပြည်နယ်၊ မြေပုံမြို့ပြည်သူ့ဆေးရုံမှာ ဦးနှောက်မပါတဲ့ ကလေးတဦးဖွေးဖွားခဲ့ပြီး ၉ နာရီအကြာမှာ ကလေးငယ်ဟာ သေဆုံးသွားပါတယ်။
နိုဝင်ဘာ ၂၀ ရက်နေ့ ညနေ ၅ နာရီအချိန်က မြေပုံမြို့ ပြည်သူ့ဆေးရုံမှာ မွေးဖွားခဲ့တာဖြစ်ပြီး ခြေတွေ၊ လက်တွေ အကုန်အစုံပါပေမယ့် ဦးနှောက်မပါဘူးလို့ မြေပုံမြို့မှ ဒေါက်တာ ဦးဝင်နိုင်စိုးက ဒီဗွီဘီကို ပြောပါတယ်။
“မနေ့က ၅ နာရီလောက်မှာ မွေးတာပါ။ ဒီကနေ့ မနက် ၂ နာရီလောက်မှာ ကလေးက ဆုံးသွားပါပြီ ခင်ဗျ။ နာရီပိုင်းလောက် အသက်ရှင်ပါတယ်။ ခြေတွေ၊ လက်တွေ အကုန်စုံပါတယ်။ ဦးနှောက်တခုသာ မပါတာပါ။ အမျိုးသမီးမှာ ဒီကလေးမွေးတာ ၅ ယောက်မြောက် ကလေး ပေ့ါလေ။ ခွဲပြီး မွေးတာလည်း မဟုတ်ဘူး။ ရိုးရိုးလေး မွေးတာပေ့ါလေ။ အရင် ၄ ယောက်လုံး ဒီလိုမွေးဖွားတာ မရှိဘူးခင်ဗျ။ ခြေတွေ၊ လက်တွေ အကုန်စုံပါတယ်။ ဦးနှောက်တခုသာ မပါတာပါ။”
မြေပုံမြို့မှာ အရင်က ဒီလိုကလေးမျိုး မွေးဖွားတာ မရှိဘူးသလို အခုအကြိမ်ဟာ ပထဦးဆုံးအကြိမ် ဖြစ်ပြီး ဇီကာလို့ ဝေဖန်တာတွေ ထွက်နေတာလည်း မဟုတ်ဘူးလို့ ဒေါက်တာဝင်နိုင်စိုးက ဒီဗွီဘီကို ပြောပါတယ်။
“ဇီကာဆိုပြီး ဖွလိုက်ကြတယ်ပေ့ါလေ။ ဒါပေမယ့် ဒီကလေးက ဇီကာမဟုတ်ဘူး ခင်ဗျ။ မွေးရာပါပေ့ါလေ။ မွေးရာပါ ချွတ်ယွင်းချက်အနေနဲ့ ဦးနှောက်မပါတဲ့ ကလေးပေါ့နော်။ AENCEPHALY ပုံမှန်မဟုတ်လို့ ခေါ်ပါတယ်။ အင်ပါရာလိုဂျီလို့ ခေါ်ပါတယ်။ မွေးရာပါ ချွတ်ယွင်းချက်ဖြစ်တယ်ပေ့ါနော်။ ဒါက ကျွမ်းကျင်တဲ့ OG တဦးကို မေးလိုက်ရင် သိနိုင်ပါတယ်။”
အခုလို ဦးနှောက်ပါဘဲ မွေးလာတာနဲ့ ပတ်သက်လို့ မွေးဖွားခဲ့တဲ့ အမျိုးတွေရဲ့ မျိုးရိုးတွေကို ဆန်းစစ်လိုက်တဲ့အခါ အခုလို မွေးဖွားလာတဲ့ ကလေးမျိုး မျိုးရိုးမှာ မတွေ့ရှိခဲ့ဘူးလို့ ဆရာဝန်က ပြောပါတယ်။
ဒါ့အပြင် ဇီကာဗိုင်းရစ်သစ်ရောဂါပိုး ဆိုတာလည်း မဟုတ်ကြောင်းနဲ့ ခြင်ကျားကိုက်ခံရာမှ ဖြစ်ပေါ်လာတဲ့ရောဂါမျိုး မဟုတ်ဘူးလို့ ဒေါက်တာဦးဝင်နိုင်စိုးက ပြောပါတယ်။
ကလေးငယ်ဟာ ယောက်ျားလေးတဦးဖြစ်ပြီး မြေပုံမြို့နယ်၊ ကြုံချောင်းကျေးရွာမှ အမျိုးသမီးတဦးက မွေးဖွားခဲ့တာ ဖြစ်ပါတယ်။
သတင်း - ဝဏ္ဏခွာညို၊ဓာတ်ပုံ - ကိုကျော်လေး