မြန်မာအစိုးရနဲ့ ငြိမ်းချမ်းရေးကိစ္စ ​ဆွေးနွေးဖို့  ကရင်အမျိုးသားအစည်းအရုံး​ (KNU)က ငြိမ်းချမ်းရေးဖော်ဆောင်ရေး​​ကော်မတီကို ဖွဲ့စည်းလိုက်ပြီး မကြာခင် ရက်ပိုင်းအတွင်းမှာ အစိုးရအဆင့်မြင့် ကိုယ်စားလှယ်တွေနဲ့​ ​တွေ့ဆုံဖို့ရှိတယ်လို့​ ​ကေအန်ယူခေါင်းဆောင်တဦးက​ ​ပြောပါတယ်။ ပြီးခဲ့တဲ့  နိုဝင်ဘာလ ၈ ရက်ကနေ ၁၁ ရက်နေ့​ အထိ ပြုလုပ်တဲ့ KNU အရေးပေါ် အစည်းအဝေးမှာ ဖွဲ့စည်းလိုက်တာဖြစ်ပြီး​ ​အဆိုပါ ငြိမ်းချမ်းရေး​ဖော်ဆောင်ရေး​ကော်မတီမှာ  အဖွဲ့ဝင် ၇ ဦး ပါဝင်တယ်လို့ အဖွဲ့ထဲ ပါဝင်သူတဦးက ဒီဗွီဘီကို ပြောပါတယ်။ အဆိုပါ ငြိမ်းချမ်းရေးဖော်ဆောင်ရေး ကော်မတီမှာ ဥက္ကဋ္ဌ အဖြစ် KNU ဒု-ဥက္ကဋ္ဌ ပဒိုစောဒေးဗစ်သကဘော၊ ဒု-ဥက္ကဋ္ဌ KNLA စစ်ဦးစီးချုပ် ဗိုလ်ချုပ်ကြီးမူတူးစေးဖိုး၊ အတွင်းရေးမှူး ပဒိုစောဒေးဗစ်ထော တို့ဖြစ်ပြီး အဖွဲ့ဝင်တွေကတော့ KNU အထွေထွေအတွင်းရေးမှူး ချုပ် နော်စီဖိုးရာစိန်၊ ကျန်းမာရေး တာဝန်ခံ ဗိုလ်မှူးရောဂျာခင်၊ သစ်တောတာဝန်ခံ ပဒိုအားတိုးနဲ့  ဖားအံခရိုင် ဥက္ကဌ ပဒိုအောင်မော်အေး ပါဝင်တယ်လို့ အတည်ပြု ပြောဆိုပါတယ်။ ဆုံးဖြတ်ချက် အသေးစိတ်ကိုတော့​ ​ပြောခွင့်ရသူကိုသာမေးဖို့ ပြောပါတယ်။ ဒါပေမယ့် ပြောခွင့်ရသူတွေဖြစ်တဲ့  ဒု-ဥက္ကဋ္ဌ ပဒိုစောဒေးဗစ်သကဘောနဲ့ အထွေထွေအတွင်းရေးမှူးချုပ် နော်စီဖိုးရာစိန်ကိုတော့ ဆက်သွယ်လို့ မရသေးပါဘူး။ အစည်းအဝေး တက်ရောက်ခဲ့သူ ခေါင်းဆောင် တဦးကတော့ ဒီဖွဲ့စည်းလိုက်တဲ့ ငြိမ်းချမ်းရေး ဖော်ဆောင်ရေးကော်မီတီဟာ မကြာခင်ရက်ပိုင်းတွေမှာ အစိုးရအဆင့်မြင့် ကိုယ်စားလှယ်နဲ့ ထပ်မံတွေ့ဆုံဖို့ ရှိတယ်လို့ ပြောပါတယ်။ အစိုးရအဆင့်မြင့် ကိုယ်စားလှယ်တွေထဲမှာ မီးရထားဝန်ကြီး ဦးအောင်မင်းလည်း ပါဝင်မယ်လို့ ဆိုပါတယ်။ ပြီးခဲ့တဲ့ အောက်တိုဘာလ ၉ ရက်နေ့ကလည်း မီးရထားဝန်ကြီး ဦးအောင်မင်း ဦးဆောင်တဲ့  ပဏာမ ငြိမ်းချမ်းရေး ကိုယ်စားလှယ်အဖွဲ့နဲ့ ကေအန်ယူ ကိုယ်စားလှယ်တချို့ ထိုင်း-မြန်မာနယ်စပ် မဲဆောက်မြို့မှာ  တွေ့ဆုံခဲ့ပါတယ်။ အဲဒီဆွေးနွေးမှု အသေးစိတ်ကိုတော့ နှစ်ဖက်လုံးက ထုတ်ဖော် ပြောဆိုခြင်း မရှိပါဘူး။ KNU နဲ့ နားလည်မှုရယူထားတဲ့ ဗိုလ်ချုပ်နှုတ်ခမ်းမွေး(ခေါ်) ဗိုလ်ချုပ်စောလားဘွယ် ဦးဆောင်တဲ့ တိုးတက်သော ဗုဒ္ဒဘာသာ ကရင်အမျိုးသား တပ်မတော် (ဒီကေဘီအေ) တပ်ဖွဲ့ကတော့ အခုလဆန်း ၃ ရက်နေ့က ပြည်နယ်အစိုးရနဲ့ ကရင်ပြည်နယ်ဖားအံမြို့မှာ တွေ့ဆုံဆွေးနွေးခဲ့ပြီး နှစ်ဖက်တပ်တွေ အကြား ယာယီအပစ်ခတ်ရပ်စဲရေး လက်မှတ်ထိုးခဲ့ကြပါတယ်။ အခုလ ၆ ရက်နေ့ကစပြီး အစိုးရနဲ့ ဒီကေဘီအေ နှစ်ဖက် ယာယီ အပစ်အခတ်ရပ် စဲရေး ပြုလုပ်ထားပါတယ်။