ဧရာဝတီတိုင်းဒေသကြီး ဟင်္သာတမြို့မှာ ကျပ်သိန်း ၂၀၀ ကျော် တန်ဖိုးရှိတဲ့ တရားမဝင်ဆေးဝါးတွေ ဖမ်းဆီးရမိတယ်လို့ ဧရာဝတီတိုင်းဒေသကြီး အစားအသောက်နဲ့ ဆေးဝါးကွပ်ကဲရေးဌာန FDA တိုင်းဦးစီးမှူး ဒေါက်တာပြည့်ဖြိုးက ဒီဗွီဘီကို ပြောပါတယ်။
FDA၊ အစားအသောက်နဲ့ ဆေးဝါးကွပ်ကဲရေးကော်မတီနဲ့ တိုင်းဒေသကြီးမှုခင်းတပ်ဖွဲ့ CID တို့ ပူးပေါင်းပြီး အောက်တိုဘာ ၁၇ ရက်နေ့က ဟင်္သာတမြို့က ဆေးဆိုင်အချို့ကို စီမံချက်အရ ဝင်ရောက်ရှာဖွေရာမှာ ကျပ်သိန်း ၂၀၀ ကျော် တန်ဖိုးရှိတဲ့ မှတ်ပုံတင်မဲ့ဆေးဝါး၊ ဆေးဝါးအတု၊ သက်တမ်းလွန်ဆေးဝါးနဲ့ အထူးထိန်းချုပ်ဆေးဝါးအမျိုးအစား ရာနဲ့ချီဖမ်းဆီးရမိခဲ့တဲ့အပြင် လိုင်စင်မဲ့ဆေးဝါးကြိတ်စက်လုံးကိုလည်း ဖမ်းဆီးရမိခဲ့တာပါ။
ပူးပေါင်းအဖွဲ့အနေအနဲ့ သတင်းအရ ဟင်္သာတမြို့က ဆေးဆိုင်သုံးဆိုင်နဲ့ လိုင်ဆင်မဲ့ဆေးဝါး ထုတ်လုပ်နေတဲ့ တစ်နေရာကို အဖွဲ့လေးဖွဲ့ခွဲ့ကာ စစ်ဆေးခဲ့ပြီး အခုလိုဖမ်းဆီးရမိခဲ့တာပါ။ ဖမ်းဆီးခဲ့တဲ့ ဆေးဝါးတွေနဲ့ပတ်သက်ပြီး ဆေးဆိုင်ပိုင်ရှင်တွေကို ဟင်္သာမြို့မ အမှတ် ၁ ရဲစခန်းမှာ အမျိုးသားဆေးဝါးဥပဒေပုဒ်မ ၁၈၊ ပုဒ်မ ၁၉ တို့နဲ့ အမှုဖွင့်လှစ်ပြီး အရေးယူ ဆောင်ရွက်ဖို့ပြင်ဆင်နေတယ်လို့ တိုင်းဒေသကြီး အမှတ် ၇ မှုခင်းတပ်ဖွဲ့ က ဒုရဲမှူး လှသိန်းစိုးက ဒီဗွီဘီကိုပြောပါတယ်။
ဧရာဝတီတိုင်းဒေသကြီး အစားအသောက်နဲ့ ဆေးဝါးကွပ်ကဲရေးဌာန FDA အနေနဲ့ မှတ်ပုံတင်မဲ့ဆေးဝါး၊ ဆေးဝါးအတု၊ သက်တမ်းလွန်ဆေးဝါးနဲ့ အထူးထိန်းချုပ်ဆေးဝါး တွေကို အခြား မြို့နယ်တွေမှာလည်း ဆက်လက်ဖမ်းဆီးအရေးယူဖို့ရှိတယ်လို့ဆိုပါတယ်။
