ဒေါ်အောင်ဆန်းစုကြည် နေအိမ်အကျယ်ချုပ်ကနေ လွတ်မြောက်လာပြီးနောက် ပေါ်ပေါက်လာတဲ့ ဒီမိုကရေစီ ကွန်ရက်ဟာ တနှစ်နီးပါးအကြာမှာ လက်တွေ့ လုပ်ငန်းတွေ လုပ်ဆောင်ဖို့ ပြင်ဆင်နေပြီလို့ ကွန်ရက်ခေါင်းဆောင်တွေက ပြောပါတယ်။
အထက်မြန်မာပြည်ကို စည်းရုံးရေးခရီးထွက်နေတဲ့ ဒီမိုကရေစီကွန်ရက် ကိုဖြိုးမင်းသိန်းက မကြာခင်မှာ တနိုင်ငံလုံးက ဒီမိုကရေစီကွန်ရက်တွေ အချိတ်အဆက်မိမိ ဆောင်ရွက်နိုင်တော့မယ်လို့ ပြောပါတယ်။
[caption id="attachment_16932" align="alignleft" width="300" caption="ကိုဖြိုးမင်းသိန်း"]
[/caption]
“ပြည်နယ်နဲ့တိုင်းအတွင်းမှာ ဆက်သွယ်ရေးမှူးတွေထားပြီး ဆက်သွယ်ညှိနှိုင်းရေးရုံးတွေ ဖွင့်သွားပြီးတော့ ဒီမိုကရေစီ ကွန်ရက်တွေ ဖွင့်သွားမှာပါ။ ကျနော်တို့ ပညာရေး၊ ကျန်းမာရေး၊ သဘာဝပတ်ဝန်းကျင် ထိန်းသိမ်းရေးနဲ့ သဘာဝဘေးအန္တရာယ် ကာကွယ်ရေးလုပ်ငန်းတွေကို ဦးစားပေးဆောင်ရွက်သွားမှာပါ။ အကျိုးပြုလုပ်ငန်းတွေနဲ့ ဒီကွန်ရက်ရဲ့ အဓိက ခေါင်းဆောင်ကတော့ လူထုခေါင်းဆောင်၊ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် ဖြစ်ပါတယ်။ ငါးဖမ်းပိုက်သဖွယ် ကျနော်တို့ရဲ့ ကွန်ရက်ထဲမှာ ဆက်သွယ်ရေးတွေကိုလုပ်သွားပြီး ငါးဖမ်းပိုက်ရဲ့ကြိုးကိုတော့ ဒေါ်အောင်ဆန်းစုကြည်ကို မဏ္ဍိုင်ပြုပြီး ချိတ်ဆွဲထားမှာပါ။”
မန္တလေးတိုင်း၊ ကချင်ပြည်နယ်၊ စစ်ကိုင်းတိုင်းတို့ဘက်ကို တပတ်ကျော် ကြာနေပြီဖြစ်တဲ့ ခရီးတလျှောက်လုံး လူထုဆွေးနွေးပွဲတွေကို အနှောင့်အယှက်မရှိ ဆောင်ရွက်နိုင်တယ်လို့ ဆိုပါတယ်။
“မန္တလေးတိုင်း ထဲကနေ ကချင်ပြည်နယ်ကို ဆက်လာတယ်။ ကချင်ပြည်နယ် ကနေ စစ်ကိုင်းတိုင်းကို သွားဖို့အတွက် အင်းတော်မှာဆင်းမယ်။ အင်းတော်ကနေ စစ်ကိုင်းတိုင်းထဲကို ဆက်ထွက်မှာပါ။ ရွှေဘိုတို့၊ မုံရွာတို့၊ ရေဦးတို့ဘက်ကို ဆက်ထွက်မှာ။ ကျနော်တို့ မန္တလေးတိုင်း ဖြတ်ခဲ့ပြီးပြီ။ ဒီခရီးစဉ်တခုလုံးကို ခြုံပြောမယ်ဆိုရင် ပြည်သူလူထုကြားမှာ သော်လည်းကောင်း။ ဒီမိုကရေစီအင်အားစု ကြားမှာသော်လည်းကောင်း၊ ဒေါ်အောင်ဆန်းစုကြည်အပေါ်မှာ ထောက်ခံမှု ကျယ်ကျယ်ပြန့်ပြန့် ရှိနေတယ်ဆိုတာကို ကျနော်တို့ တွေ့ရတယ်။ ပြည်သူလူထုရဲ့ နိုင်ငံရေးနိုးကြားမှု ရှိနေတယ်ဆိုတာကို တွေ့မြင်ရပါတယ်။”
အထက်မြန်မာပြည် ခရီးထွက်နေတဲ့ ဒီမိုကရေစီ ကွန်ရက်အဖွဲ့ဟာ စစ်ကိုင်းတိုင်းနဲ့ မကွေးတိုင်းတို့မှာလည်း လူထုဆွေးနွေးပွဲတွေကို ဆက်လုပ်သွားမယ် လို့ သိရပါတယ်။
တချိန်တည်းမှာ ကိုမျိုးရန်နောင်သိမ်းနဲ့ ဒီမိုကရေစီကွန်ရက်လူငယ် တချို့လည်း ပြည်မြို့မှာ မနေ့က လူထုဆွေးနွေးပွဲတွေ ပြုလုပ်ခဲ့ပါတယ်။
ပြည်မြို့က လူ့အခွင့်အရေးလှုပ်ရှားသူ ကိုမင်းမင်းက လွန်ခဲ့တဲ့ တနှစ်အတွင်းမှာ ဒီမိုကရေစီ ကွန်ရက် ကျယ်ပြန့်လာတယ်လို့ ပြောပါတယ်။
“လူထုအနေနဲ့ ကျယ်ကျယ်ပြန့်ပြန့် ပူးပေါင်းပါဝင်လာတာမျိုး ဒီကွန်ရက်ထဲမှာရှိလာတယ်။ ကွန်ရက်ဆိုတဲ့သဘောကတော့ အရပ်သူအရပ်သားတွေ အချင်းချင်း အပြန်အလှန် ကွန်ရက်သဘောတရားနဲ့ ချိတ်ဆက်ပြီးတော့ လူထုရဲ့ အခန်းကဏ္ဍ တိုးမြှင့်ဖို့ လိုအပ်တယ်။ အဲဒီအတွက်လည်း ဆက်လုပ်ဖို့ အစီအစဉ်တွေ ရှိပါတယ်။ လူထုရဲ့ အခြေခံ လွတ်လပ်ခွင့်တွေကို ပိုပြီး ကျယ်ကျယ် ပြန့်ပြန့် ကျင့်သုံးနိုင်ခွင့် ရအောင် ကျနော်တို့ ကြိုးစားသွားမယ်လို့ ရည်ရွယ်ထားတာ ရှိပါတယ်။”
ပြည်ခရီးစဉ်မှာတော့ မကြာခင်က ထောင်ကနေ လွတ်မြောက်လာတဲ့ လူရွှင်တော် ဇာဂနာနဲ့ အနုပညာရှင်တချို့လည်း လိုက်ပါသွားပြီး လူထုဆွေးနွေးပွဲ လုပ်တဲ့အခါမှာ ကျောင်းသားတွေ၊ လယ်သမားတွေ၊ အန်ဂျီအို ဝန်ထမ်းတွေ တက်ရောက်ခဲ့ပါတယ်။
အဲဒီခရီးစဉ်အတွင်းမှာပဲ ဒီမိုကရေစီကွန်ရက်လူငယ်တွေနဲ့ ပြည်မြို့သူမြို့သားတွေ စုပေါင်းပြီးတော့ ဧရာဝတီ ထာဝရရှင်သန်ရေး၊ နိုင်ငံရေးအကျဉ်းသား လွတ်မြောက်ရေးနဲ့ အမျိုးသား ပြန်လည်သင့်မြတ်ရေးတို့ကို ရည်စူးပြီး ဧရာဝတီမြစ်ထဲ ဆီမီးမျှောပွဲပြုလုပ်ခဲ့ပြီး ပရိသတ် ရာနဲ့ချီ တက်ရောက်ခဲ့ပါတယ်။
