နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ဟာ အစိုးရကို ဦးဆောင်ပြီးတဲ့အခါမှာ ဒေသတွင်းရော နိုင်ငံတကာ ဆက်ဆံရေးတွေ တိုးမြှင့်လုပ်ဆောင်လာတာ တွေ့ရပါတယ်။ မကြာခင်က တရုတ်နိုင်ငံခရီးစဉ် သွားခဲ့သလို အရှေ့အာရှဆန်းမစ်၊ ဗြိတိန်နိုင်ငံနဲ့ အခုဆို အမေရိကန်နိုင်ငံကို ရောက်ရှိနေပါတယ်။ အဲဒါနဲ့ပတ်သက်လို့ ဒေါ်အောင်ဆန်းစုကြည်ရဲ့ ခရီးစဉ်တွေအပေါ်မှာ ပြီးခဲ့တဲ့ စက်တင်ဘာ ၁၅ ရက်နေ့က သမ္မတ ဘားရက်အိုဘားမားနဲ့ တွေ့ဆုံခဲ့ပါတယ်။ အဲဒီအပေါ်မှာ အကြောင်းအရာ ၅ ခု ဆွေးနွေးခဲ့ပါတယ်။ အဲဒီလိုပဲ ဗြိတိန်နိုင်ငံရဲ့ ၀န်ကြီးချုပ် ထရီဇာမေနဲ့လည်း ဆွေးနွေးခဲ့ပါတယ်။ အဲဒါတွေနဲ့ပတ်သက်လို့ နောက်ဆက်တွဲ မြန်မာပြည်အပေါ်မှာ နိုင်ငံရေး၊ စီးပွားရေးနဲ့ နိုင်ငံခြားရေးရာတွေ ဘယ်လို သက်ရောက်နိုင်တယ်ဆိုတာ ဆွေးနွေးမှာ ဖြစ်ပါတယ်။ ဒီတပတ်ဆွေးနွေးမယ့်သူတွေကတော့ နိုင်ငံရေးဆောင်းပါးရှင် ကိုအောင်သူငြိမ်းနဲ့ 7 Days သတင်းစာ အယ်ဒီတာ ကိုသီဟတို့ ဖြစ်ပါတယ်။ ဦးတိုးဇော်လတ် (ဒီဗွီဘီ) “ပထမဆုံး ကျနော် ကိုအောင်သူငြိမ်းကို မေးပါရစေ။ အခုတော့ အိုဘားမားနဲ့ တွေ့တယ်။ အဓိက ၅ ခု ပြောကြတယ်ပေါ့ဗျာ။ ဆန်ရှင်လျှော့ချရေး အပါအ၀င် GSP ဆိုတဲ့ အထူးကုန်သွယ်ခွင့်ကို ပြန်လည်ပေးမယ်လို့ အိုဘားမားကလည်း ပြောပါတယ်။ အဲဒါနဲ့ပတ်သက်လို့ နောက်ဆက်တွဲ မြန်မာပြည်မှာ တကယ်လက်တွေ့ကျကျ ဘယ်လို အကျိုးကျေးဇူးတွေ၊ အကျိုးအမြတ်တွေ ရလာနိုင်လဲ စပြီးတော့ ဆွေးနွေးပေးပါဦး။” ကိုအောင်သူငြိမ်း (နိုင်ငံရေးဆောင်းပါးရှင်) “ဟုတ်ကဲ့။ အခု ဒီခရီးစဉ်မှာပေါ့နော် ထူးခြားတဲ့အချက်ကတော့ အမေရိကန်နိုင်ငံက ကျနော်တို့ကို ဒဏ်ခတ်ပိတ်ဆို့ထားတဲ့ အရေးယူမှုတွေပေါ့။ ဒါတွေကို အကုန်လုံး မဟုတ်ရင်တောင် တော်တော်များများကို လျှော့ချမယ်ဆိုတဲ့ကိစ္စ ဖြစ်လာပါတယ်။ အဲဒီတော့ ကျနော်မြင်တာက ဒါ သံတမန်ရေးအရဆိုရင် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ အောင်မြင်မှုလို့ ပြောလို့ရပါတယ်။ အဲဒီတော့ ဒီခရီးစဉ်တင် မဟုတ်ဘူး၊ မြန်မာနိုင်ငံအတွက်လည်း သံတမန်ရေး အောင်မြင်မှုပါ။ ကျနော်ပြောချင်တာက နိုင်ငံတခုက ကျန်တဲ့နိုင်ငံတခုရဲ့ ဒီလို ပြစ်ဒဏ်ခတ်ထားတာ ခံရတယ်ဆိုတဲ့ အနေအထားကနေပြီးတော့ အခုအခါမှာ Normalization ပေါ့၊ ပုံမှန်အနေအထားကို ပြန်ပြီးတော့ ရောက်တယ်ဆိုတာက ကျနော်တို့အတွက် ကောင်းတဲ့ကိစ္စလို့ ထင်ပါတယ်။ ဆိုတော့ တဘက်မှာလည်း ခုနကပြောတဲ့ GSP လို့ခေါ်တဲ့ အထူးကုန်သွယ်ခွင့် အခွင့်အရေးရ ရနိုင်တာပေါ့နော်။ အဲဒီမှာဆိုရင် တချို့ကုန်ပစ္စည်းတွေကို အခွန်လျှော့ပေါ့ကင်းလွတ်ခွင့် ပေးတာတွေ ရှိလာပါလိမ့်မယ်။ အဲဒီအနေအထားမှာ ဘာတွေဖြစ်လာနိုင်သလဲဆိုရင် ယေဘုယျ ပြောရင်တော့ စီးပွားရေးအတွက် ရင်းနှီးမြှုပ်နှံမှုတွေ ပိုပြီးမျှော်လင့်နိုင်ပါတယ်။ နောက်တခုက မြန်မာပြည်က တကယ့်တကယ်တော့ ပို့ကုန်သိပ်မများသေးပါဘူး။ အမေရိကန်ပြည်ထောင်စုနဲ့လည်း ကုန်သွယ်မှု သိပ်မများသေးပါဘူး။ ဒါပေမယ့် ကျနော်တို့ဘက်က ပို့ကုန်ရှိလာရင် အမေရိကန်ပြည်ထောင်စုနဲ့ ပိုပြီးတော့ ကုန်သွယ်မှုတွေ ပိုပြီး တိုးတက်လာနိုင်တဲ့ အလားအလာ မျှော်လင့်နိုင်ပါတယ်။” ဦးတိုးဇော်လတ်(ဒီဗွီဘီ) “ဟုတ်ကဲ့ခင်ဗျ။ စောစောက ကိုအောင်သူငြိမ်း ပြောသလိုပဲ ကျနော်တို့ သံတမန်ရေးရာ အောင်မြင်မှုဖြစ်သလို တချို့ စီးပွားရေးရာ အခွင့်အလမ်းသစ်တွေ ပေါ်လာနိုင်တယ်။ နောက် ဒေါ်အောင်ဆန်းစုကြည်ကလည်း အမေရိကန်ကုန်သည်ကြီးများနဲ့ တွေ့တဲ့အခါမှာ မြန်မာပြည်မှာ အလုပ်အကိုင် အခွင့်အလမ်းတွေ ရနိုင်မယ့် ရင်းနှီးမြှုပ်နှံမှုမျိုး ထည့်သွင်းပြောဆိုသွားတာ တွေ့ပါတယ်။ တကယ်တမ်း လက်တွေ့ကျကျ မြန်မာပြည်နဲ့ အထူးသဖြင့် အမေရိကန်နဲ့ စီးပွားရေး ဆက်ဆံရေးမှာ ဘာတွေ မျှော်လင့်လို့ရတယ်၊ တကယ်လက်တွေ့ကျကျ ဘယ် sector တွေမှာ အကျိုးရှိနိုင်သလဲ ကိုသီဟ ဖြည့်စွက်ပြောပေးပါဦးခင်ဗျ။” ကိုသီဟ(အယ်ဒီတာ၊ 7Days သတင်းစာ) “မနေ့ကတင်ပဲပေါ့။ ဦးအောင်နိုင်ဦးနဲ့ အင်တာဗျူးလေးတခု ကြည့်လိုက်ရတယ်။ အဲဒီမှာ သူပြောသွားတဲ့ဟာလေးတခုက မြန်မာနိုင်ငံမှာ အမေရိကန်က တိုက်ရိုက်နဲ့ တဆင့်ခံ ရင်းနှီးမြှုပ်နှံမှုက ၂ ဘီလီယံကျော်ပဲရှိတယ်။ ဒါ တော်တော်လေးနည်းတဲ့ ပမာဏတခုပါပဲ။ သူပြောသွားတဲ့အထဲမှာ မြန်မာနိုင်ငံက Bank Group နဲ့ ပတ်သက်တဲ့ Sanction ကြောင့်ပေါ့။ Banking လုပ်ငန်းစဉ်တွေမှာ တိုက်ရိုက်လုပ်လို့မရတဲ့အတွက်ကြောင့် မြန်မာနိုင်ငံမှာ ရင်းနှီးမြှုပ်နှံမှုလုပ်မယ်ဆိုရင် တခြားနိုင်ငံကနေတဆင့် လာရတယ်။ လာပြီးတော့မှ အလုပ်လုပ်ပြီးတော့မှ ပြန်ပြီးတော့ တဆင့်ခံ ရင်းနှီးမြှုပ်နှံမှုတွေ ဖြစ်နေတယ်ပေါ့။ အခု ဆန်ရှင် ရုပ်လိုက်တဲ့အချိန်မှာ၊ Banking နဲ့ ပတ်သက်တာတွေ တော်တော်များများ ပွင့်လင်းသွားတဲ့အချိန်မှာ အမေရိကန်ကနေပြီးတော့ တိုက်ရိုက်ရင်းနှီးမြှုပ်နှံမှုတွေ ရောက်လာနိုင်တယ်။ အဲဒီဟာ မျှော်လင့်ရတာတခုပေါ့။ နောက်ပြီးတော့ GSP ကိစ္စပေါ့။ GSP က ကုန်သွယ်မှု အထူးအခွင့်အရေး ပေးလိုက်တယ်ဆိုရင် ဒါ ကျနော်တို့ ဒီဘက်ကလည်း စက်ရုံ၊ အလုပ်ရုံတွေကနေ ကုန်သွယ်ခွင့်တွေ ရလာနိုင်တယ်။ သူတို့လိုအပ်ချက်တွေနဲ့ ပြည့်မီအောင် လုပ်ပေးနိုင်တယ်ဆိုရင် ကျနော်တို့ ကုန်သွယ်ခွင့်ရလာမယ်။ ရတဲ့အခါကျတော့ ဒီဘက်ကလည်း ကျနော်တို့ အလုပ်အကိုင် အခွင့်အလမ်းတွေ အခြေခံလူတန်းစားတွေရဲ့ ဘ၀တွေလည်း နည်းနည်းလေး ပိုပြီးတော့ အဆင်ပြေ အောင်မြင်လာနိုင်တယ်လို့ ထင်ရပါတယ်။ နောက်တခုက ရင်းနှီးမြှုပ်နှံမှုဆိုရင် ကျနော့်အနေနဲ့ နည်းနည်းစိုးရိမ်တာက အမေရိကန်ကတော့ ဒါ ဒီလိုမျိုးလုပ်မလား၊ မလုပ်လောက်ဘူးလို့ ထင်ရတာပေါ့လေ။ မြန်မာနိုင်ငံမှာ အရင်တုန်းက လာပြီးရင်းနှီးမြှုပ်နှံတဲ့ တရုတ်တို့လို၊ တခြားနိုင်ငံမျိုးတွေလိုမျိုး မြန်မာနိုင်ငံမှာ ဘာရှိလဲ၊ ရှိတာကို သူတို့ ဆွဲထုတ်မှာ။ ဆိုတော့ မုဆိုးမအိမ်မှာ တက်ပြီးတော့ ဓားပြတိုက်နေသလိုမျိုး ဖြစ်နေတာ။ ကိုယ့်ဆီက ရှိတဲ့ဟာကို လာယူပြီးတော့ သူတို့ဆီကို ပြန်သယ်သွားတဲ့ ရင်းနှီးမြှုပ်နှံမှုမျိုး မဟုတ်ဘဲနဲ့ ကိုယ့်ဆီက ရှိတဲ့လူတွေကို နည်းပညာ၊ အလုပ်အကိုင် အခွင့်အလမ်းပေးနိုင်တဲ့ ရင်းနှီးမြှုပ်နှံမှုမျိုး လာရင်တော့ ကျနော်တို့အတွက်တော့ ပိုပြီး Welcome ဖြစ်ရပါမယ်။” ဦးတိုးဇော်လတ်(ဒီဗွီဘီ) “ဟုတ်ကဲ့ခင်ဗျ။ နိုင်ငံရေးနဲ့ပတ်သက်လို့လည်း ကျနော် နည်းနည်းမေးချင်ပါတယ်။ ဒေါ်အောင်ဆန်းစုကြည်ဟာ အခြေခံဥပဒေမှာ စစ်တပ်ကို နေရာပေးရလွန်းတယ်။ ဒီမိုကရေစီ အပြည့်အ၀ကို သိပ်မသွားနိုင်သေးဘူးဆိုတဲ့ အခြေအနေမျိုးလည်း ပြောပါတယ်။ အထူးသဖြင့်တော့ ၂၀၀၈ ဖွဲ့စည်းပုံအခြေခံဥပဒေနဲ့ ပတ်သက်လို့ ဒီမိုကရေစီ ဖော်ဆောင်ရေးမှာ စစ်တပ်အခန်းကဏ္ဍကို ထည့်သွင်းပြောဆိုသွားတယ်။ အဲဒါကလည်း စောစောတုန်းက ကျနော်တို့ နောက်ဆုံး ကျန်နေသေးတဲ့ JADE လို့ ခေါ်တဲ့၊ SDN လို့ ခေါ်တဲ့ လူပုဂ္ဂိုလ်၊ Targeted Sanction ပေါ့။ သေသေချာချာ ပစ်မှတ်ထားပြီးတော့ အရေးယူမှုတွေနဲ့လည်း သက်ဆိုင်နေပါတယ်။ အဲဒါတွေပါ ပြေလျှော့သွားပြီးတော့ နောက်ထပ်တဆင့် ပိုပြီးတော့ အဆင့်မြှင့် လုံးဝ တိုးတက်ဆက်ဆံဖို့ကျတော့ မြန်မာဘက်က ဘာတွေဆက်လုပ်ဆောင်ဖုိ့ လိုပါသေးလဲ။ ကိုအောင်သူငြိမ်း ထပ်ပြီးတော့ သုံးသပ်ပေးပါဦးခင်ဗျ။” ကိုအောင်သူငြိမ်း(နိုင်ငံရေးဆောင်းပါးရှင်) “ဟုတ်ကဲ့။ ကျနော်တို့ နိုင်ငံတကာမှာကတော့ နိုင်ငံတခုကိုကြည့်ရင် ညွှန်းကိန်းတွေ ရှိပါတယ်။ ဆိုပါစို့။ ခု Transparency International ပေါ့နော်။ ဆိုတာက ပွင့်လင်းမြင်သာမှု နိုင်ငံတကာအဖွဲ့။ သူတို့ဆိုရင် ကျနော်တို့ဆီမှာ အကျင့်ပျက်ခြစားမှု ဘယ်လောက်ရှိလဲ၊ စောင့်ကြည့်မယ်။ နောက်တခါကျတော့ ကျနော်တို့ တခြား အဲလိုညွှန်းကိန်းတွေ အများကြီး ရှိပါတယ်။ အဲဒီတော့ ကျနော်တို့က အဲဒီညွှန်းကိန်းတွေမှာ မတက်လာဘူးဆိုရင် ကျနော်တို့နိုင်ငံက ပြဿနာရှိပါတယ်။ သံတမန်ရေး ဘယ်လောက်ကောင်းကောင်းပေါ့နော်။ အဲဒီညွှန်းကိန်းတွေကိုလည်း တက်ဖို့လိုပါတယ်။ အဲဒီတော့ ကျနော်တို့နိုင်ငံက အခုလက်ရှိ TIP လို့ ခေါ်တဲ့ အစီရင်ခံစာ ရှိပါတယ်။ လူကုန်ကူးမှု အစီရင်ခံစာပေါ့။ အဲဒါဆိုရင် လတ်တလောပဲ ကျနော်တို့က အရင် အဆင့် ၂ ရှိနေရာကနေ ဒီနှစ်မှာ အဆင့် ၃ ကျသွားပါတယ်။ အဆင့် ၃ ကျသွားတဲ့အခါကျတော့ ဒါ ပြောမယ်ဆိုရင် ပြဿနာရှိပါတယ်။ ဆိုတော့ အဲလိုညွှန်းကိန်းတွေကိုလည်း တဘက်က ကျနော်တို့က မြင့်လာအောင်ပေါ့နော်။ ကျနော်တို့ရဲ့ လူ့အခွင့်အရေး စံချိန်စံညွှန်း၊ အစိုးရရဲ့ လုပ်ကိုင်မှု စံချိန်စံညွှန်း မြင့်လာဖို့လည်း လိုပါတယ်။ ဒါမှလည်း တဘက်က ရင်းနှီးမြှုပ်နှံမှု ဖိတ်ခေါ်နိုင်မယ်။ တဘက်မှာလည်း ကျနော်တို့က Good Governance ပေါ့ဗျာ။ ပိုကောင်းမွန်တဲ့ အုပ်ချုပ်မှုစနစ်နဲ့ လုပ်သွားနိုင်မယ်ဆိုမှပဲ တိုင်းပြည်က တိုးတက်လိမ့်မယ် ထင်ပါတယ်။” ဦးတိုးဇော်လတ်(ဒီဗွီဘီ) “ဟုတ်ကဲ့ခင်ဗျ။ ကိုအောင်သူငြိမ်းကတော့ ကောင်းမွန်တဲ့ အစိုးရတရပ်အနေနဲ့ တချို့ကိစ္စတွေက စောစောက လူကုန်ကူးမှုကိစ္စကို အဆင့်လျော့သွားတဲ့ကိစ္စ။ အမေရိကန်လည်း ဆက်စောင့်ကြည့်မယ် ပြောတယ်။ အဲလိုပဲ ဒေါ်အောင်ဆန်းစုကြည်က ရခိုင်ကိစ္စလည်း ထည့်ပြောသွားပါတယ်။ အထူးသဖြင့်တော့ ရခိုင်ဒေသမှာ လူမျိုးစုနှစ်ခုကြားထဲမှာ ဆင်းရဲမှုကြောင့် ခုလို ပဋိပက္ခတွေ ပိုဖြစ်တယ်။ အဲဒါကိုလည်း ပပျောက်အောင် လုပ်မယ်ပေါ့။ ခုလိုမျိုး တံခါးဖွင့် ဆက်ဆံတယ်။ ပိုပြီးတော့ ရင်းနှီးမြှုပ်နှံမှုတွေ ဖိတ်ခေါ်လာတယ်။ အဲဒါနဲ့တပြိုင်တည်း တချို့ကိစ္စတွေပါ ဖြေရှင်းမယ်ဆိုတဲ့ဟာမျိုး ရှိပါတယ်ပေါ့။ ဒါပေမယ့် တကယ်တမ်း ကျနော်တို့ အစောကပြောသလို တင်းပြည့်ကျပ်ပြည့် လုံးဝ ဆန်ရှင်ပြုတ်တဲ့အထိ လုပ်အောင်တော့ မြန်မာပြည် အခုလက်ရှိ ဒီချုပ်ဦးဆောင်တဲ့ အစိုးရ ဘာတွေဆက်လုပ်ဖို့လိုလဲ။ အထူးသဖြင့် အခြေခံဥပဒေထဲမှာပါတဲ့ အချက်အလက်တွေ ဘာဆက်လုပ်သင့်လဲ။ ကိုသီဟ နည်းနည်းဖြည့်စွက်ပြီးတော့ ပြောပါဦးခင်ဗျ။” ကိုသီဟ(အယ်ဒီတာ၊ 7Days သတင်းစာ) “အဲဒါကတော့ အစိုးရ တာဝန်ရှိတဲ့လူတွေကြီးအပေါ်မှာပဲ ပိုပြီးတော့ တာဝန်ရှိသွားပါပြီ။ ကိုအောင်သူငြိမ်း ဆွေးနွေးခဲ့ပြီးသလို အစိုးရ ဘာတွေလုပ်နေလဲဆိုတာ သူတို့က စောင့်ကြည့်မှာ။ စောင့်ကြည့်ပြီးတော့ သူတို့ ဘယ်လောက်အထိ ဒီမိုကရေစီ ဖော်ဆောင်မှုမှာ ယုံကြည်သွားရပြီလဲ၊ စိတ်ချသွားရပြီလဲ။ ဒီအစိုးရထဲမှာ ပါဝင်ပတ်သက်နေတဲ့ လူတွေက ဒီမိုကရေစီဖော်ဆောင်ရေးနဲ့ ပတ်သက်ပြီးတော့ ဘယ်လောက်အထိ အင်တိုက်အားတိုက် လုပ်လာပြီလဲဆိုတဲ့အပေါ်မှာ မူတည်ပြီးတော့ ကျနော်တို့ SDN ကိုလည်း ဒီထက်ပိုပြီးတော့ ဖြေလျှော့မယ်။ JADE ကိုလည်း ဖြေလျှော့မယ်။ ဒါပေမယ့် JADE ကကျတော့ စစ်တပ်နဲ့ ပတ်သက်တဲ့လူတွေ ပါနေသေးတဲ့ အတွက်ကြောင့် အဲဒီလူတွေကတော့ သူတို့သက်တမ်းတောက်လျှောက် ဆန်ရှင်နဲ့ မိချင်လည်း မိသွားနိုင်တယ်။ လွတ်ချင်လည်း လွတ်သွားနိုင်တယ်ပေါ့။ ဒါပေမယ့် တင်းပြည့်ကျပ်ပြည့် ဆန်ရှင် လုပ်ဖို့ဆိုရင်တော့ လက်ရှိအစိုးရရဲ့ ဒီမိုကရေစီ ဖော်ဆောင်မှုနဲ့ နိုင်ငံပြုပြင်ပြောင်းလဲမှုအပေါ်မှာ မူတည်ပြီးတော့ အမေရိကန်က တဖြည်းဖြည်းနဲ့ ထပ်ပြီးဖြေလျှော့ရင်းနဲ့မှ တင်းပြည့်ကျပ်ပြည့် ဖြစ်သွားလိမ့်မယ်လို့ ယူဆပါတယ်။” ဦးတိုးဇော်လတ်(ဒီဗွီဘီ) “ဟုတ်ကဲ့ခင်ဗျ။ ဆွေးနွေးခဲ့တဲ့ မြန်မာ-အမေရိကန် ဆွေးနွေးပွဲမှာ အချက် ၅ ချက်။ တခုထဲမှာတော့ မြန်မာရဲ့ အရပ်ဘက်အဖွဲ့အစည်းတွေကို စီးပွားရေးအကူအညီ ထောက်ပံ့ပေးဖို့နဲ့ မြန်မာ-အမေရိကန် ဖွံ့ဖြိုးရေးရန်ပုံငွေတရပ် ထားရှိဖို့လည်း ပါပါတယ်။ အဲဒါနဲ့ပတ်သက်ရင်တော့ မြန်မာပြည်ရဲ့ Civil Society တွေပေါ့ဗျာ။ လူမှုအရပ်ဘက် အဖွဲ့အစည်းတွေ ဖွံ့ဖြိုးတိုးတက်ဖို့ ဘာတွေလုပ်ဖို့လိုတယ်။ ဘာတွေရနိုင်တဲ့ မျှော်လင့်ချက်ရှိလဲ။ အဲဒါလေးလည်း ဖြည့်စွက်ပြောပါဦး။” ကိုအောင်သူငြိမ်း(နိုင်ငံရေးဆောင်းပါးရှင်) “အဲဒီတော့ တခုတော့ရှိတယ်ပေါ့နော်။ ကျနော်တို့ဆီမှာ အခုက တချို့ကိစ္စတွေ မဖွံ့ဖြိုးသေးဘူး။ အထူးသဖြင့် ဘဏ်လုပ်ငန်းနဲ့ပတ်သက်တဲ့ ကဏ္ဍတွေ၊ နောက် အသေးစားနဲ့ အလတ်စား ကျနော်တို့ ကုန်ထုတ်လုပ်မှုလုပ်ငန်း ကိစ္စမျိုးတွေပေါ့နော်။ အရင်ကတည်းက ကျနော်တို့ ဒီမှာရှိတဲ့ USAID ပေါ့။ အမေရိကန်က အကူအညီပေးရေးအဖွဲ့ပေါ့။ သူတို့က လာပြီးတော့ ကူညီနေတဲ့ကိစ္စတွေ ရှိပါတယ်။ ဆိုတာက အသေးစား၊ အလတ်စား လုပ်ငန်းတွေ တက်လာဖို့။ နောက်တခါကျတော့ ကျနော်တို့ အရပ်ဘက်အဖွဲ့အစည်းတွေ ပိုပြီး ဒီ့ထက် ထိထိရောက်ရောက် လုပ်နိုင်ကိုင်နိုင်ဖို့၊ အားကောင်းလာဖို့ ဒီလိုကူညီတဲ့ကိစ္စတွေ ရှိပါတယ်။ အဲဒီတော့ ကျနော်မြင်တာက အခု ဆက်ဆံရေးကောင်းလာတဲ့နောက်ပိုင်းမှာ ပိုပြီးတော့ ကူညီဖို့ ဖြစ်လာလိမ့်မယ်လို့ ကျနော်ထင်ပါတယ်။ နောက် အရေးကြီးတဲ့တချက်က US-Myanmar Partnership လို့ခေါ်တဲ့ အမေရိကန်-မြန်မာ မိတ်ဘက် ပူးပေါင်းဆောင်ရွက်ရေး ကိစ္စတွေပေါ့နော်။ အဲဒီမှာ ဘာတွေပါလာမလဲဆိုတော့ သူတို့ဆီကနေပြီးတော့ ကျွမ်းကျင်မှု၊ သူတို့ဆီကနေပြီး အကူအညီတွေ ကျနော်တို့ဘက်ကို ရောက်လာပါလိမ့်မယ်။ တဘက်ကလည်း မြန်မာနိုင်ငံက လူတွေကို အမေရိကန်မှာ သွားပြီးတော့ ဖက်ဒရယ်စနစ်၊ ဒီမိုကရေစီစနစ်ဆိုတာ ဘာလဲဆိုတဲ့ လေ့လာရေးခရီးစဉ်မျိုးတွေပေါ့။ နောက်တခါ ပညာတော်သင်ကိစ္စမျိုးတွေ။ နောက်တခါ အထူးသဖြင့် လူငယ်တွေကို ဦးစားပေး လုပ်သွားမယ်ဆိုတဲ့ ကိစ္စတွေ ကြားပါတယ်။ အဲဒါ ကျနော်ထင်တယ် ပူးပေါင်းဆောင်ရွက်ရင်းနဲ့ တဘက်ကလည်း ပိုတိုးတက်လာမယ့် အလားအလာတော့ ရှိတယ်။” ဦးတိုးဇော်လတ်(ဒီဗွီဘီ) “ဟုတ်ကဲ့ခင်ဗျ။ ဒါကတော့ လူမှုအဖွဲ့အစည်းတွေ၊ Civil Society တွေနဲ့ ပူးပေါင်းဆောင်ရွက်မှုပေါ့။ ကျနော်တို့ မြန်မာပြည်မှာ အများစုကတော့ အသေးစားနဲ့ အလတ်စား စီးပွားရေးလုပ်ငန်းရှင်တွေ များပါတယ်။ SME လို့ ခေါ်တာပေါ့နော်။ အဲဒီလိုမျိုး ကဏ္ဍမှာရော အခုလိုမျိုး ဆက်ဆံရေး တိုးမြှင့်မှုကနေ ဘာတွေများ ရစရာရှိလဲ၊ ဘာတွေများ မျှော်လင့်လို့ရလဲ။ ကိုသီဟ ဖြည့်စွက်ပြီးတော့ ဆွေးနွေးပေးပါဦးခင်ဗျ။” ကိုသီဟ(အယ်ဒီတာ၊ 7Days သတင်းစာ) “ရစရာရှိတာ၊ တိုးတက်မှုရှိတာ အရင်ထက် ကျနော်တို့ တကယ်လို့ ဆန်ရှင်ပွင့်လို့ သူတို့ဆီက ရင်းနှီးမြှုပ်နှံမှုတွေလာရင် ကျနော်တို့ဘက်က ဘာတွေ ကြိုတင်ပြင်ဆင်ထားဖို့လိုမလဲ ဆိုတာကို နည်းနည်းပြန်ကြည့်မယ်ဆို ကျနော်တို့မှာ Infrastructure တွေ အများကြီး လိုပါသေးတယ်။ လျှပ်စစ်မီး၊ အလုပ်သမား ကျွမ်းကျင်မှု၊ ဆိုတော့ အဲဒါတွေက အများကြီးလိုသေးတယ်။ နောက်ပြီးတော့ အဓိကအရေးကြီးတာက နိုင်ငံခြား Investment ကို ဖိတ်ခေါ်နိုင်ဖို့ ကိုယ့်မှာ ဘယ်လောက်ထိ ခိုင်မာတဲ့ဥပဒေတွေ ရှိပြီလဲ။ ဟိုရက်ကတင် ကျနော် ကနေဒါသံအမတ်ကြီးနဲ့ အင်တာဗျူးလုပ်တဲ့အချိန်မှာ သူကပြောတာ မြန်မာနိုင်ငံမှာ ခိုင်မာတဲ့ Law တွေ မရှိသေးတဲ့အတွက်ကြောင့် သူ့နိုင်ငံကလူတွေလည်း စောင့်နေတာပဲ ၀င်ချင်တာ။ မြန်မာနိုင်ငံ ဒီမိုကရေစီလမ်းကြောင်း စပွင့်ပြီဆိုကတည်းက နိုင်ငံခြား Investment တွေက လာချင်ကြတယ်။ ဒါပေမယ့် မြန်မာနိုင်ငံမှာ ခိုင်မာတဲ့ Law တွေ မရှိဘူး။ Infrastructure တွေက၊ မြေငှားခတွေဆို အရမ်းဈေးကြီးနေတယ်။ ကျွမ်းကျင်အလုပ်သမားတွေ မရှိဘူး။ ဆိုတော့ အဲဒီဟာတွေနဲ့ကျတော့ သူတို့ဝင်လာလည်းပဲ သူတို့အတွက် သိပ်မထူးခြားတဲ့ အခြေအနေမှာ ဖြစ်နေတဲ့အခါကျတော့ သူတို့ မ၀င်လာကြတာ။ အဲဒီတော့ SME လုပ်ငန်းတွေအနေနဲ့ သူတို့ရဲ့ Capacity ကို အများကြီး ထပ်မြှင့်ထားဖို့လိုတယ်။ သူတို့ထုတ်ကုန်တွေ၊ ပိုပြီးတော့ Quality ဖြစ်အောင်ပေါ့။ မြန်မာလူထုနဲ့ပဲ ရသလိုထုတ်မယ်။ ဖြစ်သလို ရောင်းမယ်ဆိုတဲ့ အခြေအနေထက် အများကြီး မြှင့်တင်ထားဖို့ လိုတယ်။ တဘက်ကလည်း Infrastructure ကို ခိုင်မာသထက် ခိုင်မာအောင် အစိုးရကနေပြီးတော့ ပြင်ဆင်ပြုပြင်ပေးထားဖို့လည်း လိုတယ်။ လျှပ်စစ်မီးကအစ၊ နောက်ဆုံး မြေယာငှားတာ၊ စက်ရုံငှားတာ ဒါမျိုးတွေကအစ သင့်တင့်မျှတတဲ့ ဈေးနှုန်းတွေပေါ့။ အခု ရန်ကုန်မှာဆိုရင် မြေဈေးတွေ အရမ်းကြီးနေတဲ့ အခြေအနေမျိုးမှာ သူတို့ဝင်လာမယ်။ အလုပ်သမားနှုန်းကတော့ သက်သာတယ်။ ဒါပေမယ့် မြေနေရာငှားခတွေ အရမ်းဈေးကြီးမယ်ဆိုရင်လည်း သူတို့ လာမှာမဟုတ်ဘူး။ ဆိုတော့ အဲဒါမျိုးတွေ အကုန်လုံးကို ကိုယ့်ဘက်က ပြင်ဆင်ထားရင်တော့ သူတို့ဝင်လာတယ်၊ ကိုယ့်ဘက်ကလည်း အဆင်သင့်ဖြစ်နေပြီဆိုရင်တော့ ဒါ အများကြီး အကျိုးအမြတ် ရနိုင်ပါတယ်။” ဦးတိုးဇော်လတ်(ဒီဗွီဘီ) “ဟုတ်ကဲ့။ နောက်တခု ကျနော်မေးချင်တာတော့ ဒေါ်အောင်ဆန်းစုကြည်ရဲ့ မကြာခင်က သံတမန်ရေး လှုပ်ရှားမှုတွေထဲမှာ တရုတ်၊ နောက်တခု ဂျပန်နိုင်ငံဆိုရင် ၁ ဘီလီယံဒေါ်လာ ချေးငွေပေးမယ်။ အဲဒီလိုပဲ ဗြိတိန်နိုင်ငံကလည်း  ပေါင်သန်းပေါင်း ၁၂၈ ပေါင် ပေးမယ်။ နောက်တခုက အမေရိကန်ကလည်း တချို့ပေးမယ်ပေါ့။ တကယ်တမ်း ကျနော်တို့ ကိန်းဂဏန်းတွေအရ ဘာတွေရမှာလဲ။ အဲဒီအတွက် ဘယ်လို နောက်ဆက်တွဲ ကျွဲကူးရေပါ မြန်မာပြည်အတွက် ဘာတွေပါလာမလဲ။ အဲဒါလေးလည်း နည်းနည်းဖြည့်စွက်ပြီး ပြောပါဦးခင်ဗျ။” ကိုအောင်သူငြိမ်း(နိုင်ငံရေးဆောင်းပါးရှင်) “ဟုတ်ကဲ့။ အခုအချိန်မှာတော့ သူတို့ပေးတဲ့ အကူအညီ ပမာဏပေါ့နော်။ ဒါကိုကြည့်ပြီး ကျနော်တို့ နည်းတယ်၊ များတယ် ပြောလို့တော့ ရပါတယ်။ ဒါပေမယ့် ကျနော့်အထင်က လက်တွေ့ လုပ်ရင်းကိုင်ရင်းနဲ့မှ ရှေ့ဘယ်လောက် ခရီးရောက်မလဲဆိုတဲ့အပိုင်းကို ကျနော်က ပိုပြီးတော့ စဉ်းစားချင်တယ်ပေါ့နော်။ တဘက်ကလည်း ကျနော်တို့ မြန်မာနိုင်ငံက အလားအလာ ကောင်းပါတယ်။ ကောင်းတယ်ဆိုတာက အခုလို ဒီမိုကရေစီ အပြောင်းအလဲမှာ အားလုံးက မျက်စိကျတဲ့နိုင်ငံမျိုး ဖြစ်လာတာပေါ့နော်။ နောက်တခုက ဒေါ်အောင်ဆန်းစုကြည်ကလည်း ပြောမယ်ဆိုရင် ဒီမိုကရေစီ ခေါင်းဆောင်ပေါ့။ အဲဒီတော့ ဒီမိုကရေစီကမ္ဘာရဲ့ Icon လို ဖြစ်နေပါတယ်။ ဖြစ်နေတဲ့အခါမှာ နိုင်ငံတကာကလည်း သူနဲ့အတူတူ ချိတ်ပြီးတော့ ဂုဏ်ယူချင်တာတို့၊ ဘာခေါ်မလဲ ဒီလိုတက်ချင်တာတို့ ကိစ္စမျိုးတွေ ရှိပါတယ်။ အဲဒီတော့ ဒါက အလားအလာကောင်းတွေပါ။ တဘက်မှာလည်း ကျနော်တို့ စဉ်းစားသင့်တယ်ပေါ့နော်။ ကျနော်တို့နိုင်ငံက အဲလိုမျိုးအခြေအနေမှာ ဒေသတွင်း အင်အားအာဏာ ပြိုင်ဆိုင်မှုအတွက် Game လိုလည်း ဖြစ်လာနိုင်တဲ့ အနေအထားရှိတယ်လို့ ကျနော်ထင်တယ်။ ဆိုလိုတာက အထူးသဖြင့် တရုတ်ကလည်း ကျနော်တို့ကို စိတ်ဝင်စားနေတယ်ပေါ့နော်။ အနောက်နိုင်ငံတွေကလည်း စိတ်ဝင်စားတယ်။ ဒီအပေါ်မှာ အစိုးရက ဘယ်လိုမျိုး လိမ်လိမ်မာမာနဲ့ ကိုင်တွယ်မလဲ။ ဒါကို ကိုယ့်နိုင်ငံရဲ့ အကျိုးဖြစ်အောင် ဘယ်လောက်ထိ လုပ်နိုင်မလဲ။ ဆိုတော့ ဒါကလည်း စဉ်းစားထားသင့်တဲ့ အချက်လို့ ကျနော်ထင်ပါတယ်။” ဦးတိုးဇော်လတ်(ဒီဗွီဘီ) “ဟုတ်ကဲ့ခင်ဗျ။ ကိုအောင်သူငြိမ်းကတော့ ဒေါ်အောင်ဆန်းစုကြည်က နိုင်ငံတကာ သြဇာရှိတဲ့လူ။ အခုဆို မြန်မာပြည်မှာ အာဏာပါ ရှိလာတယ်။ များသောအားဖြင့် မြန်မာပြည်ဟာ အရေးပါတဲ့အတွက် ဖြစ်လာတယ်ပေါ့နော်။ အဲဒီတော့ ဒေါ်အောင်ဆန်းစုကြည် အခုရက်ပိုင်းအတွင်း သံတမန်ရေးရာ ဆက်ဆံမှုတွေက စောစောကပြောတဲ့ တရုတ်၊ ဂျပန်၊ အင်္ဂလန်၊ အမေရိကန် အဲဒါတွေကနေပြီးတော့ တကယ်လက်တွေ့ကျကျ ဘာတွေများ ကျနော်တို့ မကြာခင်ကာလမှာ မျှော်လင့်လို့ရလဲဆိုတာ နောက်ဆုံး သုံးသပ်ပေးပါဦး ကိုသီဟ။” ကိုသီဟ(အယ်ဒီတာ၊ 7Days သတင်းစာ) “အခု ပြောရရင်တော့ ဒေါ်အောင်ဆန်းစုကြည်ဟာ သူ့ရဲ့သြဇာကို အသုံးချပြီးတော့မှ ကျနော်တို့ မြန်မာနိုင်ငံမှာ ဒီမိုကရေစီ အပြောင်းအလဲနဲ့ ဖွံ့ဖြိုးတိုးတက်ဖို့ကို လိုက်ပြီးတော့ လှုပ်ရှားနေတယ်လို့ ပြောလို့ရပါတယ်။ ကိုအောင်သူငြိမ်း ပြောသလို World Democracy Icon ပုံစံမျိုး ဖြစ်လာတဲ့အခါကျတော့ သူ သွားလိုက်လို့၊ သူ ပြောလိုက်ရင် ရတယ်။ အခုလည်း ဆန်ရှင် ရုပ်သိမ်းဖို့ကိစ္စကလည်း အိုဘားမားနဲ့ သူနဲ့ စကားပြောကြရင်းနဲ့ပဲ ရုပ်ပေးဖို့ တောင်းဆိုတယ်။ တောင်းဆိုတော့ ဟိုဘက်ကလည်း အလွယ်တကူပဲ။ ဒါ သူ့နေရာမှာ တခြားသူတယောက်ဆိုရင် ဖြစ်ချင်မှဖြစ်မယ်။ ကျနော်တို့ စောင့်ကြည့်ရပါဦးမယ်တို့၊ ဘာတို့ ပြောရင်ပြောမယ်။ ဒါပေမယ့် ချက်ချင်းကြီး ဒီလို နှုတ်ကတိရဖို့ ဆိုတာကတော့ ဒါ သူမို့လို့ရတာပါ။ နောက်ပိုင်းမှာလည်း သူ့တယောက်တည်း လုပ်သွားလို့တော့ မရဘူးပေါ့။ သူ့နောက်ကနေ ပံ့ပိုးနေတဲ့လူတွေကပါ နိုင်ငံတကာ ယုံကြည်မှုတွေ ရအောင်လို့ ၀ိုင်းဝန်းပြီးတော့ သူ့ကို ပံ့ပိုးပြီးတော့ လုပ်ပေးလိုက်မယ်ဆိုရင် သူ့ရဲ့သြဇာနဲ့ နောက်ခံ Background အားနဲ့ဆိုရင် ဒီထက်ပိုပြီးတော့ ကောင်းမွန်တဲ့ အကျိုးအမြတ်တွေ မြန်မာနိုင်ငံ ဒီမိုကရေစီ ပြုပြင်ပြောင်းလဲရေးရော၊ ဒေသတွင်းမှာ တိုးတက်မှုတွေရော အများကြီးရလာမယ်လို့ ယူဆရပါတယ်ခင်ဗျ။”