ဒိန်းမတ်၊ မက္ကဆီကို၊ ဘင်္ဂလားဒေ့ရှ် ခေါင်းဆောင်များနှင့် ဒေါ်အောင်ဆန်းစုကြည် ဆွေးနွေး (ဓာတ်ပုံ)
893
နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ဟာ ဒိန်းမတ်၊ မက္ကဆီကိုနဲ့ ဘင်္ဂလားဒေ့ရှ် ခေါင်းဆောင်တွေနဲ့ နယူးယောက်ခ်မြို့မှာ သီးခြားစီ တွေ့ဆုံဆွေးနွေးခဲ့တယ်လို့ မြန်မာနိုင်ငံခြားရေးဝန်ကြီးဌာနက သတင်းထုတ်ပြန်ပါတယ်။
ဒေါ်အောင်ဆန်းစုကြည်ဟာ ၇၁ ကြိမ်မြောက် ကုလသမဂ္ဂ အထွေထွေညီလာခံကို တက်ရောက်ဖို့ နယူးယောက်မြို့မှာ ရောက်ရှိနေတာဖြစ်ပြီး နိုင်ငံတကာ ခေါင်းဆောင်တွေနဲ့ စက်တင်ဘာ ၁၉ ရက် မနက်က ကုလသမဂ္ဂ ဌာနချုပ်မှာ တွေ့ဆုံဆွေးနွေးခဲ့တာလို့ ဆိုပါတယ်။
ဒိန်းမတ်ဝန်ကြီးချုပ် လားစ်လွတ်ကီရပ်စ်မြူဆင်၊ မက္ကဆီကိုသမ္မတ အန်ရီကွီ ပင်ညာနီရေတို၊ ဘင်္ဂလားဒေ့ရ်ှဝန်ကြီးချုပ် ရှိတ်ခ်ဟာဆီနာတို့အပြင် ကုလသမဂ္ဂ ပညာရေး၊ သိပ္ပံနှင့် ယဉ်ကျေးမှုအဖွဲ့ (UNESCO) ညွှန်ကြားရေးမှူးချုပ် အီရီနာ ဘိုကိုဗာနဲ့လည်း တွေ့ဆုံဆွေးနွေးခဲ့ပြီး ဆွေးနွေးတဲ့အကြောင်းအရာတွေကိုတော့ ထုတ်ပြန်ခြင်းမရှိပါဘူး။
ဓာတ်ပုံ - နိုင်ငံခြားရေးဝန်ကြီးဌာန
