ဘန်​ကောက်အထက်က အယုဒ္ဓယ ခရိုင်မှာ မြန်မာ​ရေ​ဘေး​ဒုက္ခသည်​တွေကို မြန်မာ အသိုင်း​အဝိုင်း​က ဝိုင်း​ဝန်း​ကူညီ​ထောက်ပံ့​နေပါတယ်။ အယုဒ္ဓယခရိုင်က မြန်မာ​ရေ​ဘေး​ဒုက္ခသည်​တွေကို ဘန်​ကောက်ကမြန်မာ​တွေ၊​ ပထုံဌာနီ ဝပ်တလုံး​ ဘုန်း​ကြီး​ကျောင်း​က သံဃာ​တော်​တွေနဲ့​အေပက်တက္ကသိ်ုလ် မြန်မာ​ကျောင်း​သား​တွေက အစား​အစာ၊​ ​သောက်​ရေ လာ​ရောက်​ထောက်ပံ့​နေ တယ်လို့​ အယုဒ္ဓယက အလုပ်ရုံအလုပ်သမား​ ကိုတင်​အောင်ထွန်း​က ​ပြောပါတယ်။ "မ​နေ့​ကစပြီး​တော့​ ရခိုင်သံဃာ​တွေ ဦး​စီး​ပြီး​တော့​ မား​မား​ထုပ်၊​ အချိုရည်၊​ ​ရေသန့်​ဘူး​၊​ ​ကော်ဖီထုတ်၊​ ဓာတ်ဆား​ထုပ်​တွေ သူတို့​ဝေ​ပေး​တယ်။ ဒီ​နေ့​ တဖွဲ့​လာတယ်။ ​ကျောင်း​သား​တွေ​ပေါ့​။ ထမင်း​နဲ့​ကြက်သား​နဲ့​ချက်ထား​တာကို သူတို့​ဝေ​ပေး​တယ်။” ဘန်​ကောက်မြို့​ ဘန့်​ဘော်ရပ်ကွက်ဇုန်က မြန်မာ​တွေကလည်း​ လှူဒါန်း​လာတဲ့​ အစား​အ​သောက်​တွေကို ဝိုင်း​ဝန်း​စု​ဆောင်း​ပြီး​ အယုဒ္ဓယနဲ့​ပထုံဌာနီက မြန်မာ​ရေ​ဘေး​ဒုက္ခသည်​တွေဆီ သွား​ရောက်ပို့​ဆောင်​ပေး​နေပါတယ်။ မြန်မာ​ရေ​ဘေး​ဒုက္ခသည်​တွေရဲ့​ အ​ခြေအ​နေနဲ့​ ရင်ဆိုင်​နေရတဲ့​ ပြဿနာကို ကူညီ​ပေး​နေတဲ့​ ကို​နေလင်း​အောင်က အခုလို ​ပြောပါတယ်။ “ဘယ်​လောက်အထိ ဒုက္ခ​ရောက်လဲဆို​တော့​ ​ရေကြီး​နေလို့​ အပြင်ထွက်တဲ့​အခါ လမ်း​တဝက်မှာ ပုလိပ်​တွေနဲ့​ ​တွေ့​ရင် ပြဿနာတက်တယ်။ ဒဏ်​ငွေရိုက်ခံရတာ​တွေဖြစ်တယ်။ ဒီသတင်း​တွေကြား​တော့​ ဘယ်မှလည်း​ မထွက်ရဲဘဲ၊​ မသွား​မလာရဲ ဖြစ်​နေကြတယ်။ အယုဒ္ဓယစက်ရုံမှာ အလုပ်လုပ်​နေတဲ့​ မြန်မာ​တွေက​တော့​ ၅ ​သောင်း​အထက်မှာရှိတယ်။ ဒုက္ခ​ရောက်လို့​သူတို့​ ဖုန်း​နံပတ်​တွေ အဆက်အသွယ်ရထား​တဲ့​ ၁ ​သောင်း​ကျော်​လောက်​တော့​ ကျ​နော့်​စာရင်း​မှာ ရှိတယ်။” ရေ​ဘေး​ဒုက္ခသည်​တွေကို ထိုင်း​အစိုး​ရက အကူအညီ​ပေး​ရာမှာ မသမာမှု​တွေ မဖြစ်ပွား​စေရန်နဲ့​ အပိုအလိုမရှိ​အောင် ​ဆောင်ရွက်နိုင်ရန် အိမ်​ထောင်စု မှတ်ပုံတင်စာရင်း​တွေအရ ရပ်ကွက်အလိုက်​ပေး​နေခြင်း​၊​ ပုဂ္ဂလိက ပရဟိတအဖွဲ့​အစည်း​တွေရဲ့​ အကူအညီကို ရယူဖို့​လည်း​ ထိုင်း​စကား​ ​ကောင်း​မွန်စွာ မ​ပြောနိုင်ခြင်း​တို့​ကြောင့်​ မြန်မာ​ရေ​ဘေး​ဒုက္ခသည်တချို့​ အကူအညီမရရှိ​သေး​ပါ။ ထိုင်း​အစိုး​ရက ​ရေ​ဘေး​ကြောင့်​ လူ ၃၁၇ ဦး​ ​သေဆုံး​ပြီး​ ၉ သန်း​ခန့်​ရေ​ဘေး​ ဒုက္ခဒဏ်ခံ​နေရ​ကြောင်း​ ​အောက်တိုဘာလ ၁၉ ရက်​နေ့​က ထုတ်ပြန်ထား​ပါတယ်။ ဘန်​ကောက်နဲ့​နယ်နိမိတ် တဆက်တည်း​ ပထုံဌာနီက ​ရေတား​ သဲအိတ်တမံအချို့​ ပြိုကျတာ​ကြောင့်​ အ​ရေး​ပေါ်ကယ်ဆယ်​ရေး​ စင်တာရှိရာ ဒွန်​မောင်း​နဲ့​ ရန်စစ်ရပ်ကွက်ဇုန်​တွေကို ​ရေစတင်ဝင်​ရောက်​နေပြီး​ ဘန်​ကောက်မြို့​တော် အတွင်း​ကို ကာကွယ်ထား​တဲ့​ ​ရေတား​ အုတ်တမံအချို့​အပိုင်း​တွေကို ​ရေစတင်တိုက်စား​နေပါတယ်။