ယူနီယံ တိုင်းရင်းသားသတင်းဂျာနယ် ထုတ်ဝေခွင့်မရသေး
တိုင်းရင်းသားဒေသက အဖြစ်အပျက်တွေကို အသားပေးဖော်ပြမယ့် ပြည်တွင်းထုတ် တိုင်းရင်းသားဂျာနယ်တစောင်ဟာ အစိုးရက ခွင့်ပြုချက်မချပေးသေးတဲ့အတွက် မထုတ်ဝေနိုင်သေးဘူးလို့ ဂျာနယ်ထုတ်ဝေသူက ပြောပါတယ်။
ရှမ်းတိုင်းရင်းသားများဒီမိုကရက်တစ်ပါတီ ကျားဖြူပါတီက တာဝန်ရှိသူတဦးဖြစ်တဲ့ ဦးစောသန်းမြင့်က စီစဉ်ထုတ်ဝေမှာဖြစ်ပါတယ်။
ယူနီယံလို့ အမည်ပေးထားတဲ့ အဲဒီဂျာနယ်မှာ တိုင်းရင်းသားဒေသက သတင်းလုပ်ငန်းနဲ့ စာအရေးအသား ဝါသနာပါသူတွေကို မြှင့်တင်ပေးဖို့ ရည်ရွယ်ချက်လည်း ပါရှိတယ်လို့ ဆိုပါတယ်။
ကျားဖြူပါတီရဲ့ ဘဏ္ဍာရေးမှူး ဆိုပေမယ့် ဒီဂျာနယ်ထုတ်ဝေမှုကတော့ ပါတီနဲ့ မသက်ဆိုင်ဘဲ ပုဂ္ဂလိကအနေနဲ့ ထုတ်ဝေတာလို့ ပြောပါတယ်။
ပထမဆုံးထွက်မယ့်ဂျာနယ်အတွက် ပြင်ဆင်မှုတွေ ပြီးစီးလုပေမယ့် ထုတ်ဝေခွင့်လျှောက်ရာ သုံးလခွဲကြာမြင့်နေပြီး ပြန်ကြားရေးဝန်ကြီးဌာနရဲ့ ခွင့်ပြုချက်မကျလာသေးသဖြင့် စောင့်နေရတယ်လို့ ဦးစောသန်းမြင့်က ပြောပါတယ်။
“၈၀ ရာခိုင်နှုန်းလောက် ပြင်ဆင်ထားတယ်။ ကျနော်တို့ ထုတ်ဝေခွင့် ကျရင်တော့ လိ်ုအပ်တဲ့ ၂၀ ရာခိုင်နှုန်းကို ဖြည့်စွက်နိုင်ရင်တော့ ထုတ်နိုင်မယ်လို့ ယူဆထားပါတယ်။”
ဂျာနယ်ထုတ်ဝေရတဲ့ ရည်ရွယ်ချက်ကတော့ တိုင်းရင်းသားလူမျိုးစုတွေရဲ့ဘဝ ဖြစ်ထွန်းတိုးတက်မှုတွေကို ဖော်ပြတာနည်းနေတာကို ကွက်လပ်ဖြည့်တာလို့ ဦးစောသန်းမြင့်က ပြောပါတယ်။
“ပြည်တွင်းမှာ ထုတ်တဲ့ ဂျာနယ်တွေအများကြီးရှိပါတယ်။ ကျနော် သိသလောက် ပြည်နယ်တွေမှာရှိတဲ့ တိုင်းရင်းသားတွေရဲ့ သတင်းက အားနည်းတယ်။ ပြည်နယ်အသီးသီးက တိုင်းရင်းသားတွေရဲ့ နိုင်ငံရေး၊ စီးပွားရေး၊ လူမှုရေး သတင်းတွေကို စာဖတ်သူအားလုံးကို မျှဝေသိရှိစေချင်တဲ့သဘောပါ။”
ထုတ်ဝေခွင့်ကျတာနဲ့ ပထမပိုင်းမှာ မြန်မာဘာသာနဲ့ ထုတ်ဝေမှာဖြစ်ပြီး နောက်ပိုင်းကျရင် တိုင်းရင်းသားဘာသာအသီးသီးနဲ့ တိုးချဲ့ထုတ်ဝေသွားမယ်လို့ ဆိုပါတယ်။
ဂျာနယ်တိ်ုက်အနေနဲ့ ပထမတကြိမ် သတင်းထောက်သင်တန်း ပေးခဲ့ပြီးဖြစ်သလို နောက်ပိုင်းမှာ ချင်း၊ ကရင်၊ မွန်၊ ရခိုင်၊ ရှမ်း ၊ ကယား၊ ကချင်စတဲ့ ပြည်နယ်အသီးသီးက သတင်းသမားတွေကို သင်တန်းပေးသွားမယ်လို့လည်း ပြောပါတယ်။
လက်ရှိ မြန်မာပြည်စာနယ်ဇင်းလောကဟာ အရင်ကထက်စာရင် လွတ်လပ်လာတဲ့အတွက် သတင်းတွေ လွတ်လွတ်လပ်လပ် ဖော်ပြခွင့်ရမယ်လို့ ယုံကြည်ကြောင်း ဦးစောသန်းမြင့်က ပြောပါတယ်။
