နောင်ချိုမြို့တွင် ကျပ်သိန်း ၁၇၀၀ ခန့် တန်ဖိုးရှိ ဘိန်းဖြူနှင့်စိတ်ကြွဆေးများ ဖမ်းမိ
DVB
·
August 21, 2016
ရှမ်းပြည်နယ် နောင်ချိုမြို့မှာ GI ခရီးသည်တင် မော်တော်ယာဉ်ပေါ်ပါ ခရီးသည် ၃ ဦးထံမှ ကျပ်သိန်းပေါင်း ၁၆၈၂ သိန်းကျော်တန်ဖိုးရှိ ဘိန်းဖြူနဲ့ စိတ်ကြွရူးသွပ်ဆေးပြားတွေ ဖမ်းဆီးရမိခဲ့ပါတယ်။
သြဂုတ် ၂၀ ရက်နေ့က မူးယစ်တပ်ဖွဲ့စု (၂၄) လားရှိုးမှ တပ်ဖွဲ့ဝင်တွေဟာ နောင်ချိုမြို့အဝင် အိုရီယမ်တယ်တိုးဂိတ်အနီးမှာ မူဆယ်- မန္တလေး GI ခရီးသည်တင် မော်တော်ယာဉ်ကို ရှာဖွေရာ ဝမ်းဗိုက်ပိုင်းပစ္စည်းတွေ ထားတဲ့နေရာမှာ လဂေါင်၊ မဇာနွယ်နဲ့ မဘောမ်နန်တို့ရဲ့ ခရီးဆောင်အိတ်တွေအတွင်းကနေ ကျပ်သိန်းပေါင်း ၁၆၈၂ သိန်းကျော်တန်ဖိုးရှိ ဘိန်းဖြူနဲ့ စိတ်ကြွဆေးတွေ ဖမ်းဆီးရမိခဲ့တာလို့ မြန်မာနိုင်ငံ ရဲတပ်ဖွဲ့က သတင်းထုတ်ပြန်ပါတယ်။
မူးယစ်ဆေးဝါးတွေ သယ်ဆောင်လာတဲ့ သူတို့ ၃ ဦးကို မူးယစ်ဆေးဝါးနဲ့ စိတ်ကို ပြောင်းလဲစေတဲ့ ဆေးဝါးများဆိုင်ရာ ဥပဒေအရ အရေးယူထားတယ်လို့ သိရပါတယ်။