ကရင်ငြိမ်းချမ်းရေးကောင်စီအဖွဲ့က ဗိုလ်မှူး စောအယ်ထူးနဲ့ အဖွဲ့ ၁၅ ဦးဟာ အရှေ့တောင်တိုင်းစစ်ဌာနချုပ် နယ်မြေထဲ အောက်တိုဘာလ ၉ရက်နေ့က လက်နက်တွေနဲ့အတူ လက်နက်ချအလင်းဝင်ခဲ့တယ်လို့ ဒီနေ့ထုတ် မြန်မာ့အလင်းသတင်းစာမှာ ဖော်ပြထားပါတယ်။
ဒီဖော်ပြချက်နဲ့ပတ်သက်ပြီး ကေအန်ယူ/ကေအန်အယ်လ်အေ (ကရင်ငြိမ်းချမ်းရေးကောင်စီအဖွဲ့) ရဲ့ နိုင်ငံခြားဆက်သွယ်ရေး တာဝန်ခံဒေါက်တာ တီမိုသီက ဒီအဖွဲ့ဟာ သူတို့တပ်ဖွဲ့က မဟုတ်ဘူးလို့ ပြောပါတယ်။
“ကျနော်တို့အဖွဲ့ကမဟုတ်ဘူး။ အရင်တုန်းက ဒီကေဘီအေဟောင်သရောတို့ ဘာတို့အားလုံးပေါင်းပြီးတော့ ငြိမ်းချမ်းရေးနာမည်တပ်ပြီးတော့ သူတို့ဟာသူတို့ နေတဲ့သူတွေ၊ အဲဒါ ငြိမ်းချမ်းရေးကောင်စီကပဲ ပြန်လုပ်သလို၊ ငြိမ်းချမ်းရေးကောင်စီက ငြိမ်းချမ်းရေးရှိပြီးသားပဲ၊ ဘယ်လိုလက်နက်ချမလဲ။ အလင်းဝင်တာတွေဘာတွေ မရှိဘူး။.ဒါတွေက ငြိမ်းချမ်းရေးကောင်စီကို နှိမ့်ချတဲ့သဘောပေါ့။ စစ်ဝါဒီရဲ့ အတွေးအခေါ်ပေါ့။ ရှုထောင့်အမျိုးမျိုးနဲ့ ဒီနေ့ထိရှိတုန်းပဲလို့၊ တိုင်းပြည်မှာ အများကြီးတာဝန်ရှိတယ်။ တကယ့်ကို ဒီမိုကရေစီ ပြောင်းမယ်ဆိုရင် ဒီအကျင့်ဆိုးတွေက လုံးဝပေါ်လာဖို့မသင့်ဘူး။ ဒါပေမယ့် ဒီနေ့ထိ ဒါတွေရှိတုန်းပဲ။ ဒါမျိုးသာ ဆက်ရှိနေမယ်ဆိုရင် ဒီအစိုးရက ဘယ်လိုစစ်မှန်တဲ့အစိုးရ ဖြစ်နိုင်မလဲ။”
အစိုးရသတင်းစာမှာတော့ ကေအန်ယူ/ကေအန်အယ်လ်အေ အဖွဲ့က ဗိုလ်မှူးအဆင့်ရှိ စောအယ်ထူးနဲ့ စောအယ်စေး အဖွဲ့၁၅ဦးဟာ လက်နက်အပြည့်အစုံနဲ့ မွန်ပြည်နယ် လုံခြုံရေးနဲ့နယ်စပ်ရေးရာဝန်ကြီး ဗိုလ်မှူးကြီးဌေးမြင့်အောင်ဆီ လက်နက်ချအလင်းဝင်ခဲ့တာလို့ ဖော်ပြထားပါတယ်။
ဒေါက်တာတီမိုသီကတော့ ဒီအဖွဲ့ဟာ အရင် ဒီကေဘီအေတပ်ဖွဲ့နဲ့ ဟောင်သရောတပ်ဖွဲ့က တပ်ဖွဲ့ဝင်ဟောင်းတွေဖြစ်တယ်လို့ ဆိုပါတယ်။
ကရင်ငြိမ်းချမ်းရေးကောင်စီအဖွဲ့ဟာ ၂၀၀၇ ခုနှစ် ဖေဖော်ဝါရီလက ကေအန်ယူ တပ်မဟာ(၇)မှ ခွဲထွက်ပြီး စစ်အစိုးရနဲ့ ပူးပေါင်းခဲ့ပါတယ်။ ၂၀၁၀ နိုဝင်ဘာရွေး ကောက်ပွဲ မတိုင်ခင် စစ်အုပ်စုရဲ့ နယ်ခြားစောင့်တပ်နဲ့ ပြည်သူ့စစ်အဖြစ် ပြောင်းလဲဖွဲ့စည်းရေးကို ငြင်းဆန်ခဲ့တဲ့ ကရင်အပစ်ရပ်အဖွဲ့ဖြစ်ပါတယ်။
