သမ္မတက ရေဘေးသင့်ပြည်သူများကို တောင်းပန်စကား ပြော

နိုင်ငံတော်သမ္မတ ဦးထင်ကျော်က မင်းဘူးရေဘေးသင့်ပြည်သူတွေနဲ့ တွေ့စဉ်မှာ သူ အရောက်နောက်ကျလို့ တောင်းပန်ကြောင်း တောင်းပန်စကား ပြောကြားခဲ့ပါတယ်။ နိုင်ငံတော်သမ္မတ ဦးထင်ကျော်ဟာ မကွေးတိုင်း၊ မင်းဘူးမြို့နယ်ကို  ဒီနေ့ သွားရောက်ပြီး မင်းဘူးမြို့က ရေဘေးသင့်ပြည်သူတွေနဲ့ မြို့က မှန်ကင်းကျောင်းတိုက်မှာ တွေ့တော့ ပြောသွားတာလို့ မင်းဘူးက တိုင်းလွှတ်တော်ကိုယ်စားလှယ် ဦးနေမျိုးကျော်က ပြောပါတယ်။ “သမ္မတကြီး ပြောသွားတက အခုလို ရေဘေးရှောင် ပြည်သူတွေအတွက် သူအများကြီး စိတ်မကောင်းဖြစ်မိတဲ့အကြောင်း၊ အခုလို ရေဘေးရှောင်တဲ့ရက် နောက်ပိုင်းကျမှ သူ ရောက်လာတာ နောက်ကျတဲ့အတွက် သူ တောင်းပန်တယ်ဆိုတဲ့အကြောင်း ပြည်သူတွေအတွက် အကောင်းဆုံးဘ၀တွေရောက်အောင် သူ ကြိုးပမ်းနေတယ်ဆိုတဲ့အကြောင်းတွေ အဓိက ပြောသွားပါတယ်။” ဦးထင်ကျော်ဟာ မင်းဘူးရေဘေးသင့် ပြည်သူလူထုကို ဆန်၊ ဆီ၊ ခေါက်ဆွဲခြောက် စတဲ့ ထောက်ပံ့ရေးပစ္စည်းများ ပေးအပ်ခဲ့ပြီး  ပွင့်ဖြူမြို့နယ် ကုန်းစောင်းကျေးရွာသို့ ဆက်လက်ထွက်ခွာခဲ့တယ်။ ကုန်းစောင်းမှာ ရေဘေးသင့်ပြည်သူနဲ့တွေ့ပြီး အလားတူ တောင်းပန်စကားပြော တယ်။ အဲ့ဒီနောက် ရဟတ်ယာဉ်နဲ့ ပခုက္ကူကို ဆက်လက် ထွက်ခွာသွားတယ်လို့လည်း ပြောပါတယ်။ မကွေးတိုင်း၊ မင်းဘူးနဲ့ စကုမြို့နယ်တို့မှာ ရေဘေးသင့်အိမ်ထောင်စု ၂၈၀၀ ကျော်၊ လူဦးရေ ၁၀၀၀၀ ကျော် ရှိပါတယ်။

Independent media are under attack by the Myanmar junta. DVB continues reporting the facts, but needs support for the safety of our journalists. You help with any donation. Thank you.

Donate
More News
Up