အာဇာနည်နေ့တွင် မြန်မာ့အသံမှ ဥသြဆွဲမည်
DVB
·
July 9, 2016
အာဇာနည် ခေါင်းဆောင်ကြီးများ ကျဆုံးခဲ့ရတဲ့ ဇူလိုင် ၁၉ ရက်၊ မနက် ၁၀ နာရီ ၃၇ မိနစ်မှာ မြန်မာ့အသံကနေ ဥသြဆွဲအချက်ပေးမယ်လို့ ဇူလိုင် ၈ ရက်နေ့က နေပြည်တော်မှာ ပြုလုပ်တဲ့ အခမ်းအနားကျင်းပရေးစည်းဝေးပွဲမှာ ဒုသမ္မတ ဦးမြင့်ဆွေက ပြောပါတယ်။
အာဇာနည်နေ့မှာ စစ်အစိုးရလက်ထက်နဲ့ ဦးသိန်းစိန်အစိုးရလက်ထက် နှစ်ပေါင်း ၂၀ ကျော်ကြာ ဥသြမဆွဲခဲ့ဘဲ ဥသြဆွဲဖို့ လွှတ်တော်တွင်း တောင်းဆိုခဲ့တာကိုလည်း ပယ်ချထားခဲ့ရာကနေ အခု လူထုတင်မြှောက်တဲ့ အန်အယ်လ်ဒီ အစိုးရလက်ထက်ကျမှ မြန်မာ့အသံက ဥသြဆွဲအချက်ပေးမှာ ဖြစ်ပါတယ်။
တခါ အခုနှစ် အာဇာနည်နေ့ကျင်းပမယ့် အာဇာနည်ဂူဗိမာန်နဲ့ ဗိုလ်ချုပ်ပြတိုက်တို့ကို အစိုးရက အကြီးစားပြင်ဆင်မှုတွေ ပြုလုပ်နေပြီး ဗိုလ်ချုပ်တို့ ကျဆုံးခဲ့တဲ့ ရန်ကုန်မြို့ အတွင်းဝန်များရုံးကိုလည်း ပြင်ဆင်နေပါတယ်။
အလားတူ ရန်ကုန်၊ ကန်တော်ကြီးစောင်းက ဗိုလ်ချုပ်ကြေးရုပ်ကိုလည်း တိုင်းအစိုးရက ပြင်ဆင်မွမ်းမံနေပါတယ်။
ယဉ်ကျေးမှုဝန်ကြီးဌာနဟာ ဗိုလ်ချုပ်အောင်ဆန်းရဲ့ ရှားပါးဓာတ်ပုံတွေကို အများပြည်သူထံမှ အလှုခံနေပြီး အဲ့ဒီရှားပါးဓာတ်ပုံတွေကို ရန်ကုန်၊ တာဝါလိန်းလမ်းရှိ ဗိုလ်ချုပ်နေအိမ်ပြတိုက်မှာ ပြသမှာဖြစ်ပါတယ်။
ဓာတ်ပုံ - Naw Pann Thinzar Myo
