ခန္တီး၊ မော်လိုက်၊ ကလေးဝ၊ မင်းကင်းမြို့နှင့် ကနီတို့တွင် မြစ်ရေကြီးနေ
DVB
·
July 5, 2016
ချင်းတွင်းမြစ်တလျောက်ရှိ ခန္တီး၊ မော်လိုက်၊ ကလေးဝ၊ မင်းကင်းမြို့နဲ့ ကနီမြို့တို့မှာ မြစ်ရေ ကြီးနေပြီး ဒီနေ့နဲ့ မနက်ဖြန်တို့မှာ အဲ့ဒီမြို့တို့ရဲ့ စိုးရိမ်ရေမှတ်အထက် ရောက်ရှိနိုင်တယ် လို့ မိုးလေ၀သဌာနက သတင်းထုတ်ပြန်ထားပါတယ်။
မနေ့ မွန်းလွဲပိုင်း တိုင်းတာချက်အရ ချင်းတွင်းမြစ်ရေဟာ ခန္တီးမြို့ မှာ ၅ ပေခန့်၊ မော်လိုက်မြို့မှာ ၇ ပေခန့်၊ ကလေးဝမြို့မှာ ၉ ပေခွဲခန့်၊ မင်းကင်းမြို့မှာ ၈ ပေခန့်နှင့် ကနီမြို့မှာ ၇ ပေခန့် အသီးသီး မြင့်တက်နေတာ ဖြစ်ပါတယ်။
အဲ့ဒီမြစ်ရေများဟာ ခန္တီးမြို့မှာ ဒီနေ့နဲ့ ကျန်မြို့တို့မှာ မနက်ဖြန်ကစလို့ အဲ့ဒီမြို့တို့ရဲ့ စိုးရိမ်ရေမှတ် အသီးသီးကို ကျော်လွန်မှာဖြစ်တဲ့အတွက် ချင်းတွင်းမြစ်တစ်လျောက်ရှိ မြစ်ကမ်းအနီးနှင့် မြေနိမ့်ပိုင်း နေထိုင်သူများအနေဖြင့် အထူးသတိပြုနေထိုင်ကြဖို့ မိုးလေ၀သဌာနက သတိပေး နှိုးဆော်ထားပါတယ်။
