ရွှေ့ပြောင်းအလုပ်သမားချင်း ရန်ဖြစ်ရာမှ လူသတ်မှုဖြစ်ပွား
DVB
·
July 4, 2016
ထိုင်းနိုင်ငံမြောက်ပိုင်း ချင်းမိုင်ခရိုင်မှာ မြန်မာပြည်ကလာတဲ့ ရှမ်းရွှေ့ပြောင်းအလုပ်သမား အချင်းချင်းကြား စကားများရန်ဖြစ်ရာမှ လူသတ်မှုဖြစ်ပွားခဲ့တယ်လို့ ထိုင်းရတ်သတင်းမှာ ဖော်ပြပါတယ်။
ဇူလိုင်လ ၃ ရက် မနက်က ချင်းမိုင်ခရိုင် ဆန်ကမ်ပိုင်းမြို့နယ် တွန့်ပေါင်းရပ်ကွက် စီးတီးဟုမ်း အိမ်ယာရှိ ဆောက်လက်စ ၃ ထပ် တိုက်တစ်လုံး အနောက်ဘက်မှာ အလောင်းတလောင်း တွေ့ရှိကြောင်း သတင်းပေးပို့ချက်အရ သွားရောက် စစ်ဆေးရာမှာ အမှိုက်ပုံနားက လူတဦး ဒဏ်ရာတွေနဲ့ မှောက်လျှက်အနေ အထားသေဆုံးနေတာ တွေ့ရတယ်လို့ ဆန်ကမ်ပိုင်းမြို့နယ် ဒုစခန်းမှူး မွန်းဒရီးယုဒ်ဘူက သတင်းေ ထာက်တွေကို ပြောပါတယ်။
သေဆုံးသူမှာ အသက် ၃၀ နှစ်ရွယ် စိုင်းကျန် လို့ခေါ်တဲ့ ဆောက်လုပ်ရေးအလုပ်သမားဖြစ်ပြီး မျက်နှာ၊ ပခုံးနဲ့ လည်ပင်းမှာ ဒဏ်ရာတွေ တွေ့ရှိကြောင်း၊ သေဆုံးခဲ့သည်မှာ အနည်းဆုံး ၁၂ နာရီလောက် ရှိခဲ့ပြီလို့ ဆိုပါတယ်။
လူသတ်တရားခံကို ဖမ်းမိဖို့ တာဝန်ရှိသူတွေက အဲဒီအနီးတ၀ိုက်ကို ရှာဖွေရာမှာတော့ မျက်နှာ နဲ့ ရင်ဘဘ်မှာ ဒဏ်ရာတွေရထားတဲ့ စိုင်းဆမ် လုင်းတ (အသက် ၃၂ နှစ်) ဆိုသူကို မင်္သကာတဲ့ အတွက် စစ်ဆေးခဲ့ပါတယ်။
စိုင်းဆမ်ကလည်း သူနဲ့ သေဆုံးသူဟာ ဆောက်လုပ်ရေး အလုပ်သမားအချင်းချင်းဖြစ်ကြောင်း၊ အလုပ်ရှင်က ဆောက်လက်စတိုက်ကို ညအိပ်စောင့်ခိုင်းလို့ အဲဒီမှာရောက်နေပြီး အခင်း မဖြစ်ခင်က နှစ်ယောက်အတူ အရက်သောက်နေစဉ် စကားများခဲ့ကြောင်း၊ ဇူလိုင်လ ၃ ရက် မနက် ၁ နာရီမှာတော့ စိုင်းဆမ်က ဓားနဲ့ ရောက်လာကာ သူ့ကိုခြိမ်းချောက်တဲ့အတွက် သူက လည်း ဓားကိုပြန်လုရာက နှစ်ယောက်လုံး သတ်ပုတ်ကြပြီး သူက စိုင်းဆမ်ရဲ့ လည်ပင်းကို ညှစ်သတ်ခဲ့တယ်လို့ ၀န်ခံသွားပါတယ်။
ရဲစခန်းက သူ့ကို တမင်ကြံရွယ် လူသတ်မှုနဲ့ ဥပဒေအရအရေးယူသွားမယ်လို့ ပြောသွားပါတယ်။