မြဝတီတွင် မူးယစ်ဆေးဝါးများနှင့် လက်နက်ခဲယမ်းများ ဖမ်းဆီးရမိ
DVB
·
July 1, 2016
ထိုင်း-မြန်မာနယ်စပ် မြ၀တီမြို့မှာ ဇွန်လ ၃၀ ၇က်နေ့ ညနေပိုင်းက မူးယစ်ဆေးဝါးတွေနဲ့ လက်နက်ခဲယမ်းတွေကို မြ၀တီခရိုင် ရဲတပ်ဖွဲ့က ဖမ်းဆီးရမိခဲ့ပါတယ်။
မြဝတီခရိုင် မှုခင်းနှိမ်နင်းရေးတပ်ဖွဲ့ဝင်တွေ၊ မြဝတီမြို့မရဲစခန်းမှ နယ်ထိန်းတပ်ဖွဲ့ဝင်တွေနဲ့ မြဝတီ စရဖအဖွဲ့နဲ့ နယ်ခြားစောင့်တပ် တပ်နယ် (၃) မှတပ်ဖွဲ့တင်တွေ ပါဝင်တဲ့ ပူးပေါင်းအဖွဲ့ဟာ မြ၀တီမြို့ အမှတ် ၄ ရပ်ကွက် မြေနီကုန်းရပ်နေထိုင်တဲ့ စောမြင့်ထွန်းအောင်ရဲ့ နေအိမ်ကို ဖမ်းဝရမ်းနဲ့ ၀င်ရောက်ရှာဖွေခဲ့ပါတယ်။
ဝင်ရောက်ရှာဖွေစဉ် စောမြင့်ထွန်းအောင် (ခ) ကိုထွန်းကို နေအိမ်မှာ တွေ့ရှိရပြီး နေအိမ် အနောက်ဘက် မီးဖိုချောင်ကြပ်ခိုးစင်ပေါ်မှာ တင်ထားသော REEBOK တံဆိပ်ပါ အစိမ်းရောင် ပြောက်ကျားလက်ရှည်အင်္ကျီ အိပ်ကပ်အတွင်းမှ WY စာတမ်းပါ စိတ်ကြွဆေးပြား ၂၀၀ ပြားနဲ့ အပြာရောင်ကပ်ခွာအိတ် ၆ အိတ်ထဲက စိတ်ကြွဆေးပြား ၁၃၇၅ ပြား၊ မီးဖိုချောင်အနီးရှိတိုင်မှာ ချိတ်ဆွဲထားတဲ့ အနက်ရောင်စနိုက်ပါတပ်ဆင်ထားတဲ့ ပွိုင့် ၂၂ သေနတ်အရှည်တစ်လက်၊ ကျည် ၂၀၃ တောင့် ရှာဖွေတွေ့ရှိခဲ့ပါတယ်။
စိတ်ကြွဆေးပြားတွေ၊ လက်နက်ခဲယမ်းတွေနဲ့အတူ တွေ့ရှိသူ စောမြင့်ထွန်းအောင် (ခ) ကိုထွန်းကို မြဝတီမြို့မရဲစခန်းက အမှုဖွင့်အရေးယူဆောင်ရွက်နေတယ်လို့ သိရပါတယ်။
